Ichi j'parle pour mi ...,j'ai caché in tiot peu chu l'forum mais j' ai pon trouvé
l' explication & l'prov'nance de ché deux mots
CH'TIMI & BOYAU ROUCH ?

Ché vrai quand j'étot gamin ch'mot "ch'timi " j'connaisso pon .....
I paraîtro qu'in a comminché à nou app'ler "che te mi " quand ché mineurs y on été printe leu congés à ch'catieau ed La Napoule & qu'ché gins d'labos y ont comminchés à les nommer comme cha à causse d'leu parlach'....intr'eux ?

Pou " Boyau rouch " cha viendro de ch'côté ed Boulogne à causse des
péqueux , qui à forche ed vider ché pichons d'leu boyaux i avotes leu
vint' tout rouch ....
Si quéqu'in y a l'bonne explications ed tout cha chu preneu ....!!!
car a m'in souvent d'mindé au cours d'mes voyaches
pourquo on s'applo
ch'timi ou boyau rouch....

i a plusieurs versions camisir on a meme dit que chéto des gins qui disotent que chétot des communistes. mais j'in su pas sur du tout.i a des historiens qui pourront suremint d' réponte miux que mi

Mi j'ai toudis intindu que boyaux rouches, ch'étot plus du côté du Pas de Calais, pour les mineurs. Et cha venot des maladies des poumons. Mais cha n'dos pas ête cha pacque ch'étot eune tragédie el silicosse, et cha faijot rigoler personne.

Sinon, y'a des sites sérieux qui distent qu'in n'connot nin l'origine de Boyaux rouches mais que les soldats artésiens y z'avottent eune ceinture ed toile rouche et peut ête que cha vient d'là...
Ou alors que l'région de l' Artois elle a été ratachée à l'couronne françaisse foque à partir ed 1659 et qu'elle avot échappé à l'impôt ed la gabelle, l'impôt sur le sel. Les artésiens y pouvottent in minger gramind et que cha viendrot d'là le terme '' boyaux rouche''.

A vrai dire, si les historiens y saftent nin, mi non pus....

Alors pou chti et chtimi, mi j'ai toudis intindu dire que cha avot été "crée" pindint la première guerre mondiale par des poilus
qui n'étottent pas de la région Nord-Pas-De-Calais, et qui désignottent ainsi leu' camarates de cheule région (qui disottent intre eusses : "ch'est ti, ch'est mi")

Pou boyau rouche, ch'est vrai qu'in intind pusieurs "versions", chez mi in disot que ch'étot à force d'coper chés briques qui étottent rouches, pou l'construction d' leu majon... mais mi j'sus du bassin minier 59 et nos majons d'corons étottent aussi in brique rouche, alors dins c'cas in devrot aussi ête appelé des boyaux rouches ?...

In ara pet ête des autes avis "d'anciens" ?...

ps : j'ai trinféré tin sujet dins "nous coin, nous vie".

dins min coin, in dijot pas boyau rouche, et incore moins ch'ti mi, que j'ai connu que quand j'sus parti à l'armée dit par cheux des autre régions ch'étot quand même intre 1955 et 1960
J'ai pourtant tendance à adopter l'version couleur politique pasque du temps de m'n'arrière grand père, y'avot eune équipe de purs et durs qui avot'tent du s'sauver de l'région de Montceau les Mines, du que cha bardot pour lu matricules, et y z'étot'tent débarqués dins l'région Bruay - Auchel...
Mais bon, ch'est ine piste qui in vaut ine autre

. J' cros m' souv'nir qu' Léon in avot déja donné l' esplication, si mes souv'nirs sont exacts.