AccueilFAQRechercherglossaireLa charteConnexionS'enregistrer
Statistiques
Nous avons 387 membres enregistrés
L'utilisateur enregistré le plus récent est Isabelle Matuszak

Nos membres ont posté un total de 30429 messages dans 2280 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Je chus silicosé!

Voir le sujet précédent Voir le sujet suivant Aller en bas 
AuteurMessage
batisse

avatar

Sexe : Masculin
Date d'inscription : 22/12/2009
Messages : 4908
Localisation St Dié dins les Vosges

MessageSujet: Je chus silicosé! Sam 2 Jan 2010 - 19:01

Vinguette, je crache et je mouque des cailloux.

J'ai incore eu eune idée de génie mi... Ch't'aprèm, j'avos l'intintion de raviser d'un tiot peu plus près min installation électrique du rez de chaussée vu qu'i est inhabité et que je voudros bin le rinte habitape.

Bon, i a l'air que cha va être un rute chantier... In tous les cas, in suivint les fils j'ai arrivé à min tableau électrique. Si si, ch'est possipe...

Et net à côté du tableau électrique, i a eune double porte avec des carreaux avec des dessins dedins, comme in faijot au début du siècle passé. Ch'est rustique, comme toute l'baraque d'ailleurs... surtout sin réseau électrique.

Seulemint i a des gins, peut-être au début du siècle passé, qui n'avottent nin les mêmes idées que nousautes à ch't'heure in ce qui concerne l'déco. Par eximple, tchand que j'ai aménagé ichi in location, cha fait facilemint 25 ins, l'escalier , l'bielle porte avec ses carreaux à l'incienne, in fait tout cha qui étot in bos i étot peint in... faux bos. Même locataire, j'ai préféré foute cha à luche. Sous le faux bos de l'escalier i avot un escalier in vrai orme. Z'avez qu'à vir. Et l'double porte elle est in vrai chêne.

Bref, Eune fos que l'escalier, l'porte et eune paire d'autres séquos in bos is avottent été récupérés (6 mos d'ouvrache après l'usine) j'ai artapissé et j'ai soufflé un cop. In fait j'ai arculé devint un obstacle: l'incadremint de l'double porte in question, i est in véritable grès rose des Vosges. Li i n'avot nin été peint in faux bos, mais simplemint passé à l'induit et à l'peinture à l'hule.

Et aujord'hu cha m'a pris: vu que je ne pouvos rin faire pour m'n'installation électrique - i va falloir que j'acate grammint de séquos et que je coupe le courint un bon momint, que ch'est nin l'idéal in hiver... - je m'ai attaqué à cette peinture qu'elle m'artourne les tripes depuis des ins et des ins.

He ben mes gins, vous ne pouvez nin vous imaginer l'poufrinque que cha peut faire... I n'd'avot dins toute l'majon! Et je n'd'ai respiré des kilos.

Vous me croirez si que vous voulez, avec min tiot burineux pneumatique qui travale dins un brut d'infer in puq de faire de l'poufrinque, j'ai pinsé aux mineurs qui faijottent cha toute lu vie. Je ne chus nin certain que cha m'arot plu...

In tous les cas, ch't'au soir je mouque des cailloux et le moteur de l'aspirateur i est plus que bin caud.

Vous vous in foutez? Z'avez raison. Je ne sais nin mi-même pourquo que j'ai écrit cha.

Pourvu que je ne deviinse nin comme Minloute. Millard Polite... cha serot le bouquet.
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Je chus silicosé! Sam 2 Jan 2010 - 19:28

J'sais pas si qu'té l'as armarqué. Dins tin texte i a des mots d'soulignés......si té mets l'flèche d'ech pointeur ed sus t'arquais d'sur eune publicité pour un aspirateur Bosh ou d'el peinture ! ! ! ! Ch'est fou s'qu'in est milé ! ! !
. T'aros du mete un masque conte el poussière, té pourros l'arsintir un momint l'poufringue qu't'as avalée ! ! !
.
Revenir en haut Aller en bas
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: re el silicosé Sam 2 Jan 2010 - 19:55

bonsoir Batisse nous à Bruay in n' dit pas cha foute cha à liuhe mais à l'ours
Revenir en haut Aller en bas
Minloute

avatar

Sexe : Masculin
Date d'inscription : 25/12/2009
Messages : 178

MessageSujet: Re: Je chus silicosé! Sam 2 Jan 2010 - 23:25

ché pas la peine Nounours d essayer d' apprinte des chosses à Batisse, y est pas d' nou coin chtilale , in l a arcueilli y a eune paire d années, j' va pas cor l' raconter .
Mais cha pourro faire eune paire ed tomes comme ché misérapes .....
Mais bon, i fait partie des meupes, in l' garde ché vrai par pitié, mais ché eune bonne action et que nous in ira dirèque au paradis ché sur , tandis qu' li i va passer un bon momint d' l 'aute coté , dins l' pieche du qui a toudis des fourneaux qui marchent ...
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4908
Localisation St Dié dins les Vosges

MessageSujet: Re: Je chus silicosé! Dim 3 Jan 2010 - 10:08

N'importe quo! Pis d'abord, in allint dins un coin d'ùche qu'i a des fourneaux, je soutiendros l'industrie minière...

Et d'eune!

Insuite, i a des signes qu'i faut savoir arlever... Comme le dit si justemint nounours, qui dot s'y connaitre in nounours, à Bruay les bedoules, tchand qu'in bazar i énerfe, in l'invot à l'ours. Et donc, le tiot bon di, ch'ti qui va so dijint invoyer Minloute direct là d'ùche qu'elles seront les bielles guernoules que les musulmans i n'aront nin réquisitionnées - in fait i restera les qui ont déjà servies mais qui ont des bieaux restes, de l'expériinche et surtout nin de mémoire pour éviter les comparaisons. Le rêve effectivemint... Pour cha, i va falloir débrincher un fil qui tient bin... Parel pour les hommes de service, parce que je pinse qu'i a des guernoules qui aront mérité le paradis aussi. J'in connos eune du côté de l'Normindie qu'elle ferot bin de déjà se faire copine avec eune du sud ouest, que sin homme i marche et que ch'est nin Marcel. Incore que Solan?e elle pourrot prétinte aussi. Je n'in sais rin, je ne voudros nin mettre l'broule dins les ménaches. Marie-Claire, je ne sais nin d'ùche que te seras, mais si que ch'est à l'cuisine, je sais de quel côté de l'barrière... Si t'es avec Tiote Bellotte, cha sera - in puq - brûlé tellemint vous papoterez. Même que Tiote Bellotte elle arrivera à brûler des séquos qui cuistent au bain marie. T'as qu'à vir le dallache.

Bref, et d'ùche que le tiot bon di i a invoyé Minloute chu la tierre? Et cha ch'est réiel et vérifiape: dins les Pyrennées, seul coin d'Europe d'ùche qu'i a des ours et d'ùche qu'un à peu près frincophone - i faut qu'i se forche - peuche se faire comprinte pour eune autre séquo que de deminder d'ùche qu'is sont les cabinets.

Et de deux.

Bon, je pourros in faire eune chinquintaine comme cha, mais j'ai d'autres séquos à faire aujord'hu, déjà que j'ai loupé la messe...

Tout cha pour dire qu'à m'mote qu'in sera eune paire qu'in ara énervé le tiot bon di ou qui, comme mi, pourrottent être victimes d'eune erreur de jugemint si que le tiot bin di i se laiche influinchi par un jury plein de boyaux rouches avec eune grinte guiffe. Du coup in ferot miux d'apprinte à s'habituer l'un à l'autre déjà à ch't'heure parce qu'à m'mote qu'in in a pour l'éternité.

Et i parait que l'éternité ch'est long, surtout à l'fin.
Revenir en haut Aller en bas
Minloute

avatar

Sexe : Masculin
Date d'inscription : 25/12/2009
Messages : 178

MessageSujet: Re: Je chus silicosé! Dim 3 Jan 2010 - 11:01

mi j"cro que là haut Saint Pierre i do avoir des modératateurs aussi dins s' n équipe

par conte j' voudro raconter eune chosse qui a véridique quand j a fait l' traversée d' l Alsace, enfin la vraie Alsace pour mi , celle qui est sur et au pied des Vosges, nin pas les grantes plaines du qui a du chou qui pousse partout ....

j éto parti de Wissembourg al' frontiere al'mante et j a passé ch't année là par La Petite Pierre, Dabo,Saverne, le Donont, pour arriver à Schirmeck aprinte l' train pour Strasbourg pi aprés pour Paris
j m éto dit minloute té va aller marcher là bo et te va t' canger les idées et pu pinser au traval ... j' travaillo avec min pull a tro chez leroy merlin
et là eune fos que j a comminché à marcher sur les hauteurs , j a traversé durant eune paire ed jours que du grès rose, té vo Batisse à c'que cha arsonne ....... nous in in vindo à no magasins, bin que j' dis cha y est comme dépays'mint bonjour, pi dés l' lendemain, cor pire , not' fournisseur d' bo brut chéto Siat, la scierie des frères Siat ale est basée à Schirmeck, et sur tous ché troncs abattus, durant tout l' ititnéraire, chéto écrit à l'encre verte in grand SIAT..................... té vo teut' dit j va d aller dins zin coin du que l' civilisation al' vient à peine d arriver et qu in est sur d' pu pinser au traval, bin nan ...................que région mes gins, que région, d' ailleurs pour v'nir habiter par chi , in v'nant du nord, cor que ché vrai in étant du nord in n a pas les memes repères que nous les 62
Revenir en haut Aller en bas
Contenu sponsorisé




MessageSujet: Re: Je chus silicosé!

Revenir en haut Aller en bas
 

Je chus silicosé!

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-