T'as un frère qui a 70 ins? Ch'est incore pire que Mérilou cha... (Mérilou ch'est m'tiote soeur, un tiot peu le même cas que ti, arrivée après le peloton et élevée par des "grinds", aussi avec grammint de tindresse. In li donnot, comme à ti, des tiots noms gintils comme tout. Je suppose que, toudis comme ti, elle s'in rappelle incore, avec des larmes qui perltent dins ses ys. Le premi qui me fait eune armarque comme quo ch'est rare qu'in a des larmes à ses orelles, i a eune margnouffe!)

Bon, alors, finalemint t'es nin tout à fait l'tiote guernoule toute jeunotte in mimi jupe qu'in imaginot. Cha fait rin: bienvenue au clup des tamalous, ou plutôt des gédumauméjsermguifs...

Bon, à part cha, tchand que te verras tin grind frère de 70 ins, te li diras que je trouve qu'i n'est nin particulièremint observateur. Pourquo qu'i t'a appelé min nain, alors que t'es eune guernoule? Cha arot du être m'naine énon?

Infin bon, in n'arfera nin le monte.

Te sais quo, pour eune qui dit qu'elle ne sait nin écrire le patos, te m'in rappelles quelques eunes avint ti. Si que t'es comme elles, cha promet! Bravo, te te débroules comme eune grinte. Ch'est bin pour eune naine...

Bon, tin premi messache, i est toudis là. Je suppose que te causes d'un messache que t'avos écrit et qu'après avoir buqué chu eune touche que te ne sais nin laquelle, tout i s'a effacé.

Incore eune fos, binvenue au clup! Et t'armarqueras bétôt que ch'est toudis à des longs messages que cha arrife! Même des fos tchand qu'in a mis des photos et tout cha... Au puq que t'as de l'misère, au puq que t'lingue elle est sèque d'avoir été saquée déhiors pindint tes efforts de rédaction, au puq que tin messache i disparait vite.

Et au puq que te dis un gros mot et que t'arwettes l'distinche qui sépare l'ordi du cassis, surtout tchand qu'i est ouvert!

Voilà. Pour finir, je m'appelle batisse parce que je chus un 59. Yesssssss! Et in puq un 59 de Tourcoing. Reyessssss! Et dins l'histoire locale i a eu des écrivains qui ont écrit des piches de théâtre et des garlousettes et des canchons, dins lesquelles i avot souvint un batisse.

Et à m'fabrique, min chef qui étot li aussi de Tourcoing, i m'a arbaptisé batisse pour rire, et ch'est resté. Grammint de copains à l'fabrique is m'appelottent ainsi.

Min chef je l'avos arbaptisé mononque et i a aussi des copains qui l'appelottent ainsi.

Même qu'un jour i n'd'a un qui a dit matante à s'femme à min chef. Pauf guernoule - eune alsacienne - elle se demindot cha qui li arrivot!

Bon, allez, à plus, je vas aller préparer m'gamelle!

Batisse cha veut dire Baptiste .. cha a rin à vir aveuc les vielles majons qui z'ont besoin ed de s'refaire l'facate... quo que....

In parlint d'mes ys qui brilltent in m'ramintuvint mes viux surnoms, ch'est nin ed tindresse zémue mais ed désespoir devint l'imincité sins fond ed férocité du grind frérot face à m'anochince ( wette eune fos min lavatar... j'ai à peine chingé!)
D'habitute tchin qu'in donne des ptits noms ch'est des raccourcis pleins d'amitosités mais li pour faire court y m'appelot '' ptit machin ridicule'' ou bin '' micrope'' ou '' moustique'' ou '' bidule'' et '' Marie Louisse'' que cha a devenu Mérilou ( pour les intimes)

Ch'est vrai?

Ch'est nin ti qui avos dit à tes neveux de t'appeler tante Bidule?

I me simblot.

Pauvre tiote, in in brairot presque.

Bon va falloir que j'cache à mon Edouard, un pot in verre avec un couvercle d'ù qu'ch'est écrit "sauce andalouse" ou bin un flacon in plastique pace que j'sus toudis dins l'potache.
J'connos l'sauce armoricaine, l'sauce tartare, l'sauce béarnaise mais pas l'sauce andalouse (olé !)...
In c'momint j'sus dins l'famile du côté d'Perpignan, pas loin de l'frontière Espagnole donc, j'devros pouvoir treuver cha incore pus facilemint ichi 

te m'l'aros dit.....

Par ichi chez l'mousquetaire in l'touve aussi su l'présentoire d' eul viante in lipe service ...

Bonjour .
A Kazimietz: Asteur que j'vos l'bocal d'el sauce andalouse, j'artroufe pus l'arcette!sur l'forum

A Mérilou: Merci pour les incourag'mints. asteur que j' comprint que Batisse, cha vient pas ni d' un viux édifice , ni d' unne vielle églisse,, cha m'rassure, mais à vire es photo avec sin capiau, y peut pet- ête habiter dins un aute édifice.....Mais té m'dis qu'i n' est pon mécant ,alors ché parfait!

A Batisse:T'as fait d'gamelle, Cha veut dire qu't'es do incor ouvrer! Bon courache!

bonsoir à tous

Ch'est quoi l'sujet ichi, j'cros qu'un l'a détourné pou arriver dins un saladier avec de l'sauce étrangère.
J'va passer pou un "soyeux" comme dirot Batisse hein!

Bonjour min nain

Te n'da fait faire un armue ménache sur l'forum, continue comme cha, t'es bin partie....

T'artrouvera la recette sur l'première page, ichi c'est la 2...

Merci à flersois et à kazimierz! j'sus tellemint douée in informatique que j'n'avos pas vu qu'y avos unne pache 1 et unne pache 2 . y va falloir qu'j'ouve mes yux

ch'est pas grave,y suffit ed suivre

y'a même un sujet d'ù qu'in a fait 10 paches j'cros ( ch'est sur l'histoire du forum).. mais ch'est eune longue histoire.

Dins les fus l'amour, si té minque un épisote, te comprind tut d'même mais ichi su l'forum, des fos y faut suiff...
Bonne soirée à tertous, j'vos qu'min nain elle sait faire déhuter les sujets du drot chemin... continue m'fille!

Asteur que j'sais qui a plusieurs paches,j'ai pu arlire ce que demando Tiote Bellotte! Des arcettes d'salates ed' pétotes car elle a l'air in difficulté dé ch'côté là; mais j'pinsos vraimint, qu'in gagnot qué qu'cosse!Ben sûr, in peut pon minger toudis des frit's, des noulles ou du riz!

Hein!J'in ai 2 ! unne tiéte et unne froite:

SALATE PAYSANNE ou ALSACIENNE( ché toudis là qu'jai appris à l'faire)
Pétotes cuites à l'iau à pleumer pis couper in rondelles
Faire arvenir des tiots lardons fumés dins unne païelle. Egoutter mais garder l'jus del païelle!
Dins in saladier, touiller pétotes tièdes, lardons tièdes,des échalotes hachées, des feulles ed salate frisée ou d' batavia ou d' pichenlits (au printemps),avec cette sauce:l'jus d'el païelle incor tiède+ dé l'huile + du vinaique d'alcool coloré(proportion: ex: 4 c.s. ed gras pour 2 ed vinaique) du sé (Pas trop à causse des lardons) et du poife; A servir avec d'el viante grillée
Bon appétit!

La suite sera pour demain pet-ête

Malheureusse! té va t'faire tirer l'z'oreiles par Pleumette not sous cheftaine....les arcettes ed salate ed peunn tierre que Tiote bellotte elle cache après.. bin, y faut les marquer à l'bonne pache.

Acoute ichi... té va tut in haut de l'pache, te va sur '' accueil'' et là te cache les rubriques, in bas y'a les arcettes ed plats, intrées et desserts.

Des fos, in part dins tous les sins ichi d'dins mais Tiote Bellotte elle aime bin que tut y soche à s'plache.
Souvint in fait les agosiles et ch'est elle ou not grind chef à pleumes Roger, qui met d'l'orte pour qu'in s'y retrouve.

Bonjour et pis binv'nue min nain bon comme t'as d'jà pus l'vir ichi i a eune bonne ambiance ,in aime bin rigoler d'tout et cha cha fait beaucop d'bin

j'arrife après la bataille pou souhaiter la bienvenue à tous cheux et cheusses qui viennent' d'arriver su ch'forum!!

J'sus vraimint désolée pi j'ai pas du tout invie dé m' faire ouspiller par tiote bellotte.j'a trové l'rubrique pour ché plats, Merci Mérilou ! seul'mint, j'vas d'minder à nos sympas organisateurs de déplacher l' arcette ed pétotes car mi j'n'y arrife pon et l'écrire incor unne fos, cha m'fait trop transpirer! Ché vraimint durte d'essayer d'écrire in patois avec in seul dogt et cacher chaque lette chu l'clavier. Du coup j'fais pus rin, à l'mason.
Roger ,s.t.plait, peux-tu mette m'n arcette àl bonne plache avant qu'je m'fasse répriminder si té l'trouve intéressante. j'arcomminchrai pus!
Merci d'avinche

mi j'vas essayer quette cosse, trinférer toutes chés arcettes d'salate d'pemme tierre... j'espère pas tout effacer... suspence....

TOUTES MES EXCUSSES A MIN MAIN, j'ai effacé s'présintation et chés autes
messaches d'bienvenue in voulant trinsférer chés arcettes !!!! j'avos pourtint fait eune copie !!!
PARDON !!!! grind chef à pleumes j'ai cor des cosses à apprinde !!!!

Bin j'cros qu'Roger i va t'canger d'couleur, té va pus ête in rouch'.