Faire revenir les champignons de Paris dans de l'huile d'olives,
ajouter un jus de citron, une cuillère à café de concentré de tomates diluée dans un verre de vin blanc
Ajouter un bouquet garni, sel, poivre
Cuire une heure à feu très très doux
Laisser refroidir.

Ah! Incore eune arcette de guernoule...

Ch'est pour combien de kilos de chimpignons tin bazar?

Intiers les chimpignons ou copés in deux? ou in rondelles? Ou comme les avocats à l'cheftaine in chef?

Arvénir combien de timps dins l'hule? Jusqu'à ch'qu'i aiche du jus? Quo qu'in fait avec le jus?

I faut mettre un couverque tchand que cha cuit à fu très doux?

J'imagine les réponses à mes questions désespérées...

In dira cha qu'in veut, les guernoules et les mecs, in se deminte si que cha vit chu l'même planète. Misèèèèère!

batisse, fot pas t'énerver ainsi, ch'est mauvais pour t'tension.
Te prinds l'valeur d'inne barquette d'champignons d'Paris (te va y arriver jusque là ?) après si ch'est des gros te les copes in rondelles, si ch'est des moyens, te les copes in deux.
Faire arvenir, ches champignons dins l'huile, l'temps qui prennent bien l'huile d'olive, n'pas faire roussir surtout.
après ch'est quoi l'question..... ah ouais quanque t'as mis tout l'bazar te fais cuire à feu très doux, avec un couverque
Survèles quand même qu'ch'a n'colle pas, rajoute même un tout tiot peu d'ieau si i fot.
A partir d'inne demi heure d'cuisson mi j'queminche à goûter, ch'est tellemint bon ch'truc là !

La clo, té sais bin qu'à chés homme i faut toudis tout préciser !

Là té vos j'sins que batisse i va t'deminder quelle talle pou l'barquette, eune grinde ou eune petite, j'sais pas pouquo mais j'le sins bin cheule question

Cha m'étonne même qui a nin d'mindé combien d'litres d'huile d'olive i fallot!

Bante de rieux de gins!

J'avos d'abord demindé combien de litres d'huile i fallot. Et pis je m'a abstenu parce que cha arot pu faire croire que les autres questions n'étottent nin des vraies questions.

Flersois, toudis in imbuscatte - comme l'gauque du même nom - pour sortir eune bêtisse, te soulèfes là eune bonne question: pourquo qu'in dit faire arvénir les chimpignons, les oignons ou tout cha qu'in cauffe un rute cop dins du gras?

Mi je seros plutôt d'avis de dire qu'in les fait arpartir chez le marchand, vu que question volume, i n'd'a toudis moins après qu'avint.

Alors, les guernoules qui savez tout, pourquo? Hein?

Et ne venez nin avec des explications à noyer un pichon hein. Je vous ai à l'oeul.

Pour faire arvenir des champignons, des oignons, del’viante, j’ai caché un tiot peu sur min ordi pis valà
j’vas m’couquer moins bête es’soir.
in faisant court :
Cha armonte au XVIe sièque, cha r’vient donc ed loin
In disot cha pour parler d’inne viante qui s’ramollit in somme qui arvient à la vie quand qu’in l’fait frire
in dit cha aussi d’inne viante qu’in pose sur un gril, soit pour l’barder avint del’rôtir pour
l’préserver d’l’altération. Cha vient du sens « revenir à soi » ou "retrouver ses esprits"
Ch’est à la fin du XVIIIe sièque que chette espression là ale prind sin sens qu’al a aujourd’hui.

Si te le dis...

Mi cha ne me convainc nin ch't'affaire.

Par contre, faire ardevenir commestible, cha cha m'irot miux. In li donnint un coup de bien caud à s'surface, in tue tous ches saloperies qui peuttent s'y être logées (oeufs de mouques, moisi, germes divers etc.). Avint les frigos, i a grammint de viantes qui devottent vite fait sintir mauvais. A m'mote que minger faisandé ch'étot plus souvint qu'à sin tour. Et le sintimint, ch'est à cause de bactéries.

Infin bon, ch'est vrai que ch'est moins poétique de causer de tuer les poisons que de causer de rinte ses esprits à de l'viante.

Mais i faudra m'expliquer quo qu'ch'est que l'esprit d'eune viante...

ehhhh batisse.....et si te les acatos tous faits ché champignons à la grecque, cha t'éviterot d'parler pou rien dire.....?

Eh oh, pouet pouet mémère hein!

Je sais qu'au départ i s'agit des chimpignons à la grecque et à la Clo, mais là in cause du retour de l'viante.

T'as déjà armarqué qu'i a toudis de l'dérive dins les sujets j'espère. Eh ben ch'est le cas. T'as de l'veine, ch'est un sujet d'arcette et là, des fos, cha le reste pindint quelques messages. Bon, l'viante dins les chimpignons à la grecque, ch'est nouvieau, je te l'accorde. Ch'est de l'faute à la Clo.

Je t'in foutros mi du causer pour rin dire....

J'a appris quet cosse aujord'hui, Merci la clo!

Ché vrai qu'd'in l'temps, minme au bas moïen âche, i faisotte bouillir el viante, quand is in trouvottent. y avot pas d' frigo, et plus tard, i mettottent du sé par d' zeur quand i étot moins kèr ! I faisotent arvenir el viante comme i pouvottent , mais chétot bio, on ne peut pas plus bio: sins colorant, elle s'coloro tout seu surtout vers les verts irisés, ou vers el' noir quand chétot plein d'mouques. Bon appétit à tous!

Mi je rajouteros de l'al in toute fin de cuisson... ou après que cha aiche arfrodi.

Eune gousse ou deux, in tiots dés.

Intre supposer qu'eune guernoule elle pourrot s'intéresser à m'n'haleine et être sur de faire bonne chère avec cha que je minge... i a nin photo.

Faut être réaliste énon?

pis té peux aussi querre sur eune guernoulle qui apprécie l'al !

Ouais, ch'est cha....