AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31216 messages dans 2282 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Cha n'a pas cauffé que dehiors c'ouiquende !

Voir le sujet précédent Voir le sujet suivant Aller en bas 
AuteurMessage
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Cha n'a pas cauffé que dehiors c'ouiquende ! Lun 22 Aoû 2011 - 9:20

Pindant nos vagances in a visité un haras et à l'issue de l'visite y avot une présentation qui montrot les pus bieaux étalons, pis un tiot spectaque amusant.
Comme les tiots que j'garde ont querre chés g'vaux j'ai eu l'idée de filmer l'spectaque avec min apparel photo in me disant que j'leu f'rai un DVD.
Bin ouais mais ch'est là que l'cauffache de tiête a comminché.
Mes vidéos se sont bin inregistrées d'sus min pc portape, i avot bin les imaches mais pas d'son... pou faire court j'ai installé l'même logicilel qui a sus "l'gros" pc (i tunes) et, youppie cha marchot.
Seulemint avec c'logiciel là, quind j'ai voulu faire un montache, cha n'étot pas arconnu par "movee maker"... après avoir caché pusieurs soirées commint j'pouvos faire et pouquo cha m'marchot pas (j'ai même failli faire appel aux spécialistes de ch'foruml, j'sais qu'i n'd'a) j'ai ravisé le logiciel fourni avec l'apparel photo et qui permet de trinsférer chés photos et j'me sus aperçue qu'in pouvot faire des films (comme j'l'utilise que pou faire les transferts j'avos jamais vu qu'i avot cha.... faut dire i a que queques mos que j'ai cheul apparel photo qui fait des vidéos)
Youppie que j'me dis, cha va ête fait in deux cops d'cuillères à pot.
Samedi soir, j'étos continte, min tiot film étot fait, j'ai même treuvé pou faire des tiotes animations et tout étot inregistré d'sus l'pc (pus d'deux heures quind même d'inregistremint pour 15 mn de film) et ch'étot prêt à ête gravé.
Comme cha m'avot quind même fait pas mal finqué, j'armets le gravache au lindemain.
Hier après midi, profitant qu'avec chés 38° extérieur in n'pouvot pas sortir, j'm'installe devint l'pc pou faire ch'dvd.... et là min logociel de gravache me dit qu'i n'arconnot pas le format de ch'film (MOV, pou chés spécialistes)... Ch'est pas possipe que j'me dis, ch'est eune cabale !!!! in a décidé de m'faire teurner bourrique !!!
J'archache donc commint qu'cha c'fait et j'découvre, toudis dins l'logiciel de l'apparel photo qu'i a eune fonction "transfert vidéo", j'clique là d'sus et après pusieurs cliquaches cha me dit que j'peux exporter l'vidéo in format AVI (ne m'demindez pas c'que cha veux dire !) et que c'format là i est arconnu par l'pupart des supports.... In mi même j'me dis : bin pouquo cha n'a pas inregistré directemint comme cha, mi j'avos cujis "choix automatique" in pinsant que ch'étot l'pus simpe.
J'ai donc réinregistré min film dins c'format AVI (cor deux heures) et là EUREKA ! j'ai pu faire min DVD sins problème (cor 1 h 30 de gravache quind même) mais tout marche, son, imaches, animations, champane et confettis !! Very Happy
Et vous savez pas l'pus drôle dins l'histoire ? bin dins c'format là (AVI), min film j'peux l'ovrir avec "movie maker" pou faire un montache....
Si j'avos su cha dès l'départ !!!!
Asteur dès que j'f'rai un film, bin j'convertirai tout suite...
Valà commint s'occuper les soirées et après midi de grosses caleurs.
Mais j'sus continte j'ai appris quette cosse....
J'comprinds miux asteur, l'timps que passe nou grind chef à pleumes Roger pou faire chés montaches... Very Happy

Bon c'matin, i a du cruaudache au programme... ch'est moins drôle

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Matante

avatar

Sexe : Féminin
Date d'inscription : 28/12/2009
Messages : 781
Localisation au Nord

MessageSujet: Re: Cha n'a pas cauffé que dehiors c'ouiquende ! Lun 22 Aoû 2011 - 12:53

Bin bin bin, t'as cauffé comme cha ti ! Mi j'peux t'dire que dins ch'nord i faisot lourd mais nin à s'infeurmer dins s'majon ou sous s'tente (car j'campos au Valjoly). Comme te vos, j'arviens aujord'hu....avec el flotte et un dogt d'pis amoché. Hier j'chus allée chez des amis in Thiérache (la d'où qu'i a du bon maroilles) et l'soir, in allant à m'voture j'ai dû tricoter avec mes pids, j'chus tombée et comme j'avos nin mes cauchures ed marches mais des tiotes sindales, mes dogts d'pis is ont pas aimé et astheure is m'font du maux. J'r'prindrai l'boulot in boitant !
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Cha n'a pas cauffé que dehiors c'ouiquende ! Lun 22 Aoû 2011 - 18:00

si té veux du solel Matante j'peux t'in invoyer...
in c'momint in vit reclus l'après midi, tous ches volets freumés, in sue à n'rin faire, j'plains ceusses qui traval'tent dehiors !
par conte c't'après midi i fait un vent d'sot, un vent caud qui assèche tout...

bon j'espère que t'as passé d'bonnes vagances malgré chés désagrémints d'dernières minutes... tes orteils n'sont pas bleus quind même ?

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Cha n'a pas cauffé que dehiors c'ouiquende ! Lun 22 Aoû 2011 - 18:16

Ichi i faut ralleumé le cauffache un tiot peu. L' timps est tout gris et i a pleu un tiot peu.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: Cha n'a pas cauffé que dehiors c'ouiquende ! Lun 22 Aoû 2011 - 20:01

Veinard! Mi j'ai bu chinq litres et je n'd'ai nin pichi un...
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Cha n'a pas cauffé que dehiors c'ouiquende ! Lun 22 Aoû 2011 - 20:37

.....Chinq lites d' pinard ? ? ?
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: Cha n'a pas cauffé que dehiors c'ouiquende ! Lun 22 Aoû 2011 - 21:03

Du pinard, un demi vierre... ch'étot plus qu'assez avec l'caleur qu'i faijot.

Ch't'au soir, que je chus rintré à m'majon parce qu'i fallot que je prenne puq de linge d'archange, j'ai trouvé de l'guinness bin fraiche dins min frigo. Ch'est bon cha...
Revenir en haut Aller en bas
Invité
Invité



MessageSujet: Re: Cha n'a pas cauffé que dehiors c'ouiquende ! Mar 23 Aoû 2011 - 7:12

ech matin y fait in sacré orache,el baraque el tremble tout seux,si cha continue in s'artrouver al cafe!!
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Cha n'a pas cauffé que dehiors c'ouiquende ! Mar 23 Aoû 2011 - 9:31

. Ichi rin ! ! ! les nuaches ont du passer au d' zeur ! ! ! Ch' est à peine mouillé par tierre.
. Heureus'mint l' serre alle arot pas ténu l' cop aveuc les grélons ! ! !
Revenir en haut Aller en bas
Invité
Invité



MessageSujet: Re: Cha n'a pas cauffé que dehiors c'ouiquende ! Mar 23 Aoû 2011 - 10:31

ej viens d'avoir eine dijaines ed maquereaux que min voisin y à péqué hier à boulonne,ej vais les faire au vin blanc d'alsace avec des tomates et des poivrons du thym du laurier cha fera in bon repas pour ech midi
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Cha n'a pas cauffé que dehiors c'ouiquende ! Mar 23 Aoû 2011 - 11:34

Bin j'viens d'passer eune partie de l'matinée dins l'gardin, j'peux vos dire que l'tierre est basse ! pouquo tout chés légueumes n'poussent pas in hauteur ? cha s'rot pus arposant pou sin dos.
Infin pou l'hierpe faudrot quind même s'baisser ! de l'cochonnerie c'cruaud, j'ai est rimpli un plein sac d'100 l intre hier et aujourd'hui, l'pire ch'est qui n'd'a cor !!
Heureusemint i a des compensations, j'ai ramassé gramint de pos d'chuc (haricots verts), ch'est bon cha ! Very Happy
Bon c't'après midi in reste à l'ompe, ichi cha cauffe toudis, ciel bleu sins nuache pou l'instant...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Invité
Invité



MessageSujet: Re: Cha n'a pas cauffé que dehiors c'ouiquende ! Mar 23 Aoû 2011 - 12:06

ech année y à pas grammint ed légumes qui poussent, par contre j'ai des biaux porions et des belles carottes, j'ai peut etre mis trop ed compost dins ch' gardin, ha j'ai aussi el salate frisée al comminche à grossir, ej les ai loyées pour qu"al blanchissent
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Cha n'a pas cauffé que dehiors c'ouiquende ! Mar 23 Aoû 2011 - 16:27

j'arviens à m'vidéo...
hier au soir min homme me dit "tin film in peut l'raviser sins problème su l'PC mais t'as vérifié si cha fonctionnot bin dins l'lecteur DVD ?"...
"bon sang, non, m'inquerot pu qu'cha" qu'j'y réponds... (bon in vérité j'ai pas dit bon sang, mais j'me sus auto-censurée Very Happy )

OUF !!! j'viens de vérifier, j'avos eune tiote appréhension quind même, avec tous chés bazars in est jamais sur de rin ! tout va bin, cha s'déroule sins problème, j'peux offrir l'DVD dès qu'les tiots arviennent à l'majon, l'semaine prochaine.

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Cha n'a pas cauffé que dehiors c'ouiquende ! Mar 23 Aoû 2011 - 20:33

ch'duc a écrit:
ej viens d'avoir eine dijaines ed maquereaux que min voisin y à péqué hier à boulonne,ej vais les faire au vin blanc d'alsace avec des tomates et des poivrons du thym du laurier cha fera in bon repas pour ech midi
Donne nous l' arcette camarate cuisinier
Revenir en haut Aller en bas
celestinetta

avatar

Sexe : Féminin
Date d'inscription : 15/06/2011
Messages : 183
Localisation Angers

MessageSujet: Re: Cha n'a pas cauffé que dehiors c'ouiquende ! Mer 24 Aoû 2011 - 17:31

des pots chuc, c'est nin des bonbons ?
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Cha n'a pas cauffé que dehiors c'ouiquende ! Mer 24 Aoû 2011 - 18:04

Des pots d' chuc, ch' est des dragées ou des gros haricots ! ! !
Revenir en haut Aller en bas
Invité
Invité



MessageSujet: Re: Cha n'a pas cauffé que dehiors c'ouiquende ! Mer 24 Aoû 2011 - 19:18

ch'est eine recette que j' fait ed tete :

six maquereauxnettyé et vidés , cha ch'est pour batisse.

deux biaux oignons jaunes trois ou quatres gousses d'ails, deux poivrons el couleur ej m'in fous ch'est toudis el meme gout,ej préfère quand meme les vert et rouges ,in peut plus fort ,thym laurier j'abuse in peut trop avec ech thym;j'in met in peut ed trop, si vous aimez vous pouvez rajouter des pitits oignons grelot pour ech gout , eine boutelle ed vin d'alsalce ou in muscadet,ej préfère el vin d'alsace nan ch'est pas pour faire plaisis à batisse..



dins eine payelle, faire fondre ech beurre, etmettr e ches oignons coupé in quatre,plus l'ail ajoutez du thym et eine ou deux feules ed laurier, pouvez mettre aussi eine tomate copée in quatre, préparer vote plat à four et beurrez le bin,saler et poiver les maquereaux,mettre in ch' plat , couper el restant des poivrons et oignons et mettez vos pitits grelots avec, et versez el payelle doignons dins ch' plat ,mettez au four, cinq à dix minutes après , sotir ech plat du four mettez ech vin blanc sec et faire cuire pendant apeut près vingts minutes, ,eine dmandez pas à quel deegrés qui faut mette ,mi ej fait à l'oeuil ,
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Cha n'a pas cauffé que dehiors c'ouiquende ! Mer 24 Aoû 2011 - 19:44

:pMerci ch'duc recette inregistrée. L' maquereau cha pillule ichi l' long des côtes .

Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Cha n'a pas cauffé que dehiors c'ouiquende ! Mer 24 Aoû 2011 - 21:19

ch'duc si té mettos tin arcette dins l'rubrique "plat" de "v'la chi d'quo s'pourléqer" tertous pourrot in profiter pus tard ... Wink

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Invité
Invité



MessageSujet: Re: Cha n'a pas cauffé que dehiors c'ouiquende ! Jeu 25 Aoû 2011 - 6:26

escuse me tiote belotte,ch'est vrai que j'auros du el mette dins l' pache adéquate,mais ej voulos simplemint répondre à pépé..
Revenir en haut Aller en bas
Contenu sponsorisé




MessageSujet: Re: Cha n'a pas cauffé que dehiors c'ouiquende !

Revenir en haut Aller en bas
 

Cha n'a pas cauffé que dehiors c'ouiquende !

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-