AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31208 messages dans 2282 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Ch'dernier d'el classe

Voir le sujet précédent Voir le sujet suivant Aller en bas 
AuteurMessage
Roger

avatar

Sexe : Masculin
Date d'inscription : 17/12/2009
Messages : 1279
Localisation Henin Beaumont

MessageSujet: Ch'dernier d'el classe Dim 4 Sep 2011 - 22:03

Ch'dernier d'el classe
Su l'coup d'huit heures et d'mie i rassaque es'carnasse
Qu'i avot j'té dins un coin ... pour pas qu'al prenne trop d'plache,
1 l'accroche à sin dos, i s'in va in chifflant,
Les deux mains dins ses poches, in dirot d'jà un grand.

I n'a qu'tros quat' chints mètes pour aller à l'école
Mais i passe un quart d'heure à taper dins l'castrole
Qui traîne là dins ch'rucheau et qui n'attindot qu'li
Pour faire un bout d'quémin, vire un n'tiot peu d'pays.

Comme i s'arrête souvint su l'plache un n'tiot momint
Pour abatte quèques marrons quand qu'ch 'est qu'y nn'a grinmint,
Et qu'i prind tout sin temps pou n'in rimplir ses poches,
Quant' i' arrife y a longtemps qu'in a fait sonner l'cloche!

Dins ch'couloir i busie à cha qu'i va bien dire
Quand i va pousser l'porte et qu'ech clerc i va l'vire;
I buque un cop duchemint in trannant comme eune feulle,
Ech'maîte i crie « entrez», alors i passe es'neulle.

I s'assit dins sin coin près d'ech radiateur
Et i déballe sin sac, cha n'i arprind un quart d'heure;
El'temps qu'i s'mette in route, les autes i z'ont fini,
Ch'est rien car i'a pas querre faire d'el géométrie!

D'ailleurs quo qu'ch'est qu'i a querre, i n'réussit dins rien,
Jamais qu'su sin cahier i n'a vu rire un « bien» ;
El jour qu'i réfléchit i met deux S dins ch'mot...
Bardouf ! Ch'arrest pour li, i nn'avot cor un d'trop!

Passé, présent, futur, tout i s'mélange dins s'tiête ;
Verbe, adjectif et nom, attribut, épithète,
I toulle, i ratatoulle, i nn'arconnot pas un !
Après tout, l'nom d'sin père i n'el connot même point!

Mais pour briquer ch 'tableau i n'a pas sin parelle !
Ch' est li qui sortira pour vidier ch' el corbelle !
Quand ch'facteur s'ra passé i'ira querre ech' courrier. ..
Si y'a d'el neiche qui quet i l'arverra l'premier!

Habile qu'y seuche dix heures, qu'i s'arposse al'récré,
Car si cha continue es'tiête al va funquer.
P'tête qu'ech' t'après-midi in va faire eune promenate,
Cha li plaît cor assez, i connot tous chés' apes !

I sait bien qu'y a d'z'halaux dréchés près d'el rivière
Et qu'par in d'zous d'ech quêne in treufe des glands pleins d'viers !
Qu'fi n'prind pas du séhu pour faire eu ne arbalète
Qu'in casse plutôt eune branque dins in ape à nojettes !

Mais allez fourrer cha dins eune composition !
Surtout qu'monsieur i d'mante qu'in écrife ches vrais noms!
I f'ra comme d'habitute, i'écrira n'importe quoi!
Ah si seulemint i'avot eune compote ed'patois.
Christian Delattre
Revenir en haut Aller en bas
http://www.videochti.fr
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Ch'dernier d'el classe Lun 5 Sep 2011 - 12:37

Ch'est cor un bieau texte cha.
J'cros que ceusses qui allotent à l'école in trainant les godasses is vont s'arconnaite dins c'portrait.
In tous les cas c'tiot là, i étot fort in sciences naturelles (comme in dijot à nou époque) et savoir l'nom des arpes et d'ù qu'in troufe des séquos dins l'nature, ch'est bin utile des fos.


Bin mi c'midi j'ai récupéré mes tiots, c'matin ch'est l'maman qui faisot leu rintrée, et j'ai querre l'jour d'rintrée, ch'est des babellaches à nin pus finir : "moi j'ai retrouvé toutes mes copines", "moi ma maîtresse est belle, elle a des cheveux longs et tout bouclés", "ben, moi maintenant ze suis grand, ze fais pus la sieste" qui dit l'tiot d'tros ans... Bref pou l'instant is sont fort bénaches..
Mi aussi j'sus continte, j'artroufe les mamies que j'connos et qui s'occupent d'leu tiots infants, pis j'artrouffe mes collègues (asteur j'fais partie des pus vieilles) et comme tous les ans depis 10 ans, j'me dis in veyant les mamans, i nd'a gramint l'jour d'rintrée : "mais alles sont d'pus in pus jones".... pourtint in général alles sont pus vieilles que nou génération quind in a eu nou premi infant... certaines étottent in classe avec mes infants et m'arconnaissent (cha va, donc, j'ai pas trop vieilli Very Happy ) ...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
pistouille2

avatar

Sexe : Féminin
Date d'inscription : 11/04/2011
Messages : 214
Localisation la seyne sur mer

MessageSujet: Re: Ch'dernier d'el classe Lun 5 Sep 2011 - 16:36

Merci pour ce beau texte et c'est vrai on peux se reconnaitre à certains passages flower
Revenir en haut Aller en bas
Contenu sponsorisé




MessageSujet: Re: Ch'dernier d'el classe

Revenir en haut Aller en bas
 

Ch'dernier d'el classe

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Poèmes, Textes, Chansons :: Coin des artistes-