Bienvenue à ti marsouin
T'as d'jà fait l'premi pas in mettant un tiot mot, pis in complétant tin profil, asteur i a pus qu'à...
Ichi té verras in n'se prind pas la tiête, in fait tout pou qu'cha seuche convivial, roger et mi in veille à cha.
In s'taquine des fos intre les 59 et les 62 mais ch'est pou de rire.
J'ai vu que t'habitos eune bielle région, avec des bielles arènes, j'l'ai ai visitées i a queques années...
à bintôt, pis avec un pseudo parel té vas vite savoir naviguer dins ch'forum

bienvenue sur el sitemarsouin, tin pseudo,im fait pinser am ancien clup ed natation dins les années 60,j'ai passé min dix milles metres brasse et crowl avec eux ach canal ed beuvry

10 km dins le canal de Beuvry? L'ieau elle n'étot nin trop épaisse?

Bon, Marsoin, in va mettre les séquos au point tout de suite.

D'abord, bienvenue ichi.

Deusse, j'ai vu que t'avos tourné tin nez pour t'première intervintion après qu'i a un balou qui avot eu le malheur de dire que le glossaire i sintot le boyau rouche. Le balou ch'est mi.

Si te te mets à printe cha que je dis au premi degré, t'as nin fini. Un de mes grinds plaijis ch'est de faire indever les boyaux rouches. Mais ch'est parmi des boyaux rouches que j'ai mes meilleux copainpines.

Je fais aussi indever des 59 - hein ouais Lili? - mais ch'est toudis pour de rire et sins méchinceté aucune, je te l'assure. Ch'est foque pour mettre de l'imbiince et cha marche! Te sais bin que ch'est bin plus comique de faire des catoules à quelqu'un qui réagit qu'à quelqu'un à qui cha ne fait rin ou que cha rind mécant...

J'espère que te sais rire de ti, comme pratiquemint nousautes tertous ichi, au moins parmi les ceusses qui intervientent régulièremint.

Allez, à bétôt, boyau rouche! J'attinds de te lire!

Bienv'nue à ti Marsouin, hier j'ai oublié de l'faire.

à l'epoque ech canal ed beuvry y étot propre,yavot des fetes sur el ieau,et ches clups y etaitarprésinté,et ches brevets ed natation sur longue distance in l'passos ach canal ed beuvry

merci tizautes tous, pour l'bienvenue, mis j'sus originaire d'courcelles les lens mais j'in sus parti quand j'avos 8 ans mais j'sus marié à une chti de Bruay alors j'parle incore l'patois

BIENVENUE A TOI

Continte ed faire t'connaissince. Te dos avoir l'humour d'par ichi : savoir rire ed soi ! A t'lire incore

Bonjour Marsouin, ed quel quartier qu'alle est t'femme, passe que m'femme et mi in est d'Bruay aussi.
Mi ch'étot du côté des Grands Bureaux et m'femme du côté du 2.

Elle n'étot nin boulingère t'femme au moins?

Parce que Marcel et les boulingères, ch'est eune longue histoire d'amour...

"Tous les matins il achetait son p'tit pain au chocolat, la, la, lalala,
La boulangère lui souriait mais il ne la voyait pas, la, la ,lalala
Et pourtant, elle était belle.... etc"
ouais ch'est comme cha qui faisot Marcel dins l'timps avec les boulingères, mais asteur i les ravisse bin....

cha y est asteur j'vas canter cha toute l'journée...

Ch'est nin pour dire, mais je trouve que te fais bin la la lalala...

Bonjour Marsouin, j' me sus dit, aveuc un nom parèle i dot ète d' Boulonne. J' savos pas qu'i avot des marsouins dins l' canal d' Beuvry du que ch' duc i a fait les 10.000 kms à la nache ? ?

. Les 59 ch' est des fouteux...d' poils à gratter ! ! !

Hein???

Nan m'femme alle est pas boulingère alle travaillot chez bailleul à bruay alle faisot des quémiches

Ah bon! Ben alors Marcel i ne l'connot probablemint nin...

Te cros que Marcel i s'intéressot à l'couture?

A m'mote que ch'est nin sin ginre...