AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31214 messages dans 2282 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 J’sus in mesure d’vos espliquer l’dallache de l’neiche….

Voir le sujet précédent Voir le sujet suivant Aller en bas 
AuteurMessage
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: J’sus in mesure d’vos espliquer l’dallache de l’neiche…. Mar 5 Jan 2010 - 20:36

Tout d'abord, chés tros premiers infants arriv’tent vers 8h avec chés bottes, chés anoraks, chés gants, chés bonnets, chés cache-nez, is inlèf’tent tout, mettent des pantouffes, car i fait caud dins l’majon, mais par in d’sous tout cha, l’tiot d’2 ins i est in pyjama et té vas l’habiller..

A 8 h 10 tertous armettent chés anoraks, chés gant, chés snoboutes etc…….. bin sur chti d’2 ins i sait pas faire cha tout seu, chés sœurs ont
d’maux à infiler chés grosses bottes, i faut les aider, après té mets àtintour, tin anorak, tin bonnet… etc
Après té vas comme té peux à l’école su chés trottoirs bin luisants, car pindint l’nuit cha a gelé et que si su les routes tout y est dégagé ch’est pas parel su chés trottoirs (bon à 11 h 30 cha allot miux de c’côté-là)
T’arviens à l’majon à 8 h 40, t’ardéshabilles l’tiot….. à 9 h, l’bébé y arrife, in pyjama avec par d’sus, combinaison d’ski, bonnet, gants etc.… té l’déshabilles, anorak, gant ect….. ET pyjama et té vas y mette chés rabillures de l’jornée

Vers 11h faut pinser daller à l’école alors té rhabilles chés tiots (anorak, gants, bonnet… etc) avint ti et là bin sur eune fos qu’tertous i est prêt, t’as l’tiot d’2 ins qui tire su l’manche et qui t’dis « pipi », du cop té rintres l’poussette dins l’majon, té salis tin pavé avec chés reules pleine d’ieau, té mets l’bébé dins l'poussette pace qu’avec tout sin bazar su l’dos i rintre
pas dins sin baby relax, t’ardéshabilles l’tiot, té vas y faire faire pipi in li disant « habile te tiot asteur » pace que ti pou gagner du timps t’as pas inlevé tin anorak et qu’t’as caud…. Bin sur té rhabilles cor in cop l’tiot…
T’arviens d’l’école à 11 h 45, avint t’as pinsé à mette eune berlouffe par tierre pou éponger in tiot peu l’ieau des bottes des tiots que té peux quind même pas faire déshabiller dehiors… donc opération anoraks, gants, bonnets etc…

Bin sur aujord’hui l’bébé i fait s’mauvaisse tiête pou boire sin biberon, pis t’as osé faire des carottes et des escalopes d’poulet pou les autes alors t’as l’soupe à la grimace (in s’deminde bin pouquo) c’qui fait que té finis infin d’ringer t’cujine à 12 h 55, pile poil pou commincher à préparer ches tiots (là t’oblie surtout pas d’immener chti 2 ins faire sin pichou !!), allez ch’est parti pou chés anoraks, ches bonnets etc…… t’arviens vers 13 h 40 avec l’maronne du tiot d’2 ins trimpée pace qu’i a quéhu dins l’neiche fondue, bin sur t’ardéshabilles chés tiots, té fais sécher l’marronne devint
l’queminée pace qu’aujord’hui si t’as des gants et des bonnets d’archange, t’as pas d’aute maronne pou l’tiot.

Là t’espère avoir in tiot momint d’répit pindant leu sieste, mais l’bébé énervé sins doute par toute cheule neiche, i a décidé qui voulot pas dormir et té montes au moins 4 cops pou aller vir c’qui va pas avint de t’décider à y donner sin biberon in tiot peu pus tôt qu’l’heure prévue pou l’calmer.

A 16 h 15, té vas à l’école (habillache des tiots, pus ti) à 16 h 45 t’arviens, (déshabillache d’tertous), et là à partir d’17 h 30 t’as chés maman qui vienn’tent quer chés tiots (rhabillache) et bin sur là les tiots is font inrager leu maman in s’mettant à courrir dins l’majon avec leu bottesqui n’ont pas finie d’sécher, les maman rouspètent, comme t’es polie té dis « ch’est pas graffe l’majon est sale d’toute manière », (bin ouais t’arpinses aux traces des reules de l’poussette qu’à pas eu l’timps d’nettier)

Une fos qu’tertous y est parti, té ringes et té passes l’wassingue in disant « Man mère que patieau !! » pace que quind même cha peut pas rester comme cha jusqu’à d’main..
Là tin homme i rintre du traval, in faisant bin attintion d’pas salir, sinon i sait qu’cha va cauffer et y vot tout d’suite qu’t’es in tiot peu énervée, et là, LA ! t’as tin cat qui profite de l’porte ouverte pou rintrer à toute berzingue d’avoir été faire sin pichou et qui pou t’narguer à décidé qui rintrerai pas par l’sous-sol mais par l’porte principale, et té t’artrouffes avec des tiots paquets d’neiche fondue dins sin sillache….. bin là devint tes
yux té vos in gros hachoir à viande, comme dins chés dessins animés.

Après tout cha t’es mate et té t’demindes bin pouquo certaines gins PAIENT pou aller à la neiche
Mais t’es quind même continte de t’jornée car comme t’as pas eu l’courache d’aller jusqu’à la boulangerie, t’as fait tin pain ti même et ma fo i a l’air bin appétissant (j’précisse que t’as pas d’machine à pain)

Pis demain té travalles pas, alors té t’dis égoïstemint qu’i peut neiger demain, té t’in moque…….. bin non d’in cop té t’rappelles qu’t’as
répétition d’musique et séance d’kiné…

Mais là j’intinds eune tiote vox : « tais te, tiote bellotte, tais te »

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: J’sus in mesure d’vos espliquer l’dallache de l’neiche…. Mar 5 Jan 2010 - 21:07

Eh ben au moins te sais pourquo que te vas à tin lit au soir...

In tous les cas te racontes bin. In s'y crorot. J'ai bin ri.
Revenir en haut Aller en bas
Matante

avatar

Sexe : Féminin
Date d'inscription : 28/12/2009
Messages : 781
Localisation au Nord

MessageSujet: Re: J’sus in mesure d’vos espliquer l’dallache de l’neiche…. Mar 5 Jan 2010 - 21:25

Ouais, te racontes bien, mi aussi j'ai ri et j'me r'voyos i a queques années. Profite de t'jornée d'repos, t'arcomminches jeudi !!!! Smile
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: J’sus in mesure d’vos espliquer l’dallache de l’neiche…. Mar 5 Jan 2010 - 23:06

Bin j'in connos un qui a fait un film comme cha, cha s'app'lot "les temps modernes", ti aussi té fais toudis l'minme sans neich' ou avec.
Revenir en haut Aller en bas
Minloute

avatar

Sexe : Masculin
Date d'inscription : 25/12/2009
Messages : 178

MessageSujet: Re: J’sus in mesure d’vos espliquer l’dallache de l’neiche…. Mer 6 Jan 2010 - 5:32

là Roger, te peux attribuer un point à Tiote Bellotte, ale a fait un vrai sujet qui dépasso 2 lines , ché bien m' file, t as vu , au contaque ed' Minloute , ché un peu , té vo ch' matin j' su dans les métaphores et les comparaisons, j' diro que ti té un diamant pur, et mi j' su l' joallier, j ' su là pour artirer l' meilleu d' ti meme, j' sais j a du traval ,mais in progresse

par conte pour Batisse, nous in est un tchiot peu le "laurel" ou le "hardy " de l autre, et ché c' qui fait , malgré ché "disputes" qu in s a ker
Revenir en haut Aller en bas
Invité
Invité



MessageSujet: Re: J’sus in mesure d’vos espliquer l’dallache de l’neiche…. Mer 6 Jan 2010 - 5:34

ch'esteinne belle histoire,et ch'est tellemint vrai ,pas besoin d'aller au cinéma,et in appelle cha des journées bien rimplies,bon courache à ches glaines !!
Revenir en haut Aller en bas
Minloute

avatar

Sexe : Masculin
Date d'inscription : 25/12/2009
Messages : 178

MessageSujet: Re: J’sus in mesure d’vos espliquer l’dallache de l’neiche…. Mer 6 Jan 2010 - 5:41

eh oh faudro pas quand meme pousser grand mère .......c qu ale a fait Tiote Bellote ché sin métier, ché bin Dieu qui a sorti eune cote d' Adam pour fabriquer eune garnoule pasque Adam i s innuyo

te tin doute , l' femme ale a été fabriqué à la fin, avec c'qui resto , cha peut pas attinde l' perfection et l' amour que Dieu y a eu pour fabriquer l' homme

ché dins les génes que ché les femmes qui font l' ménache, la cuisine, la vaisselle, qui zabillent et qui dézabillent ché zinfants

faut pas l' plainte , est qu on nous plaint quand qu on ravisse l' foot al' télé nan

in peut li dire ouais te verra i f'ra plus bio dans quéqu' temps, MAIS CHE TOUT sinan te va vire que ché ti qui va t artrouver derriere ch' ramon

j'diro quand meme , que quand qu on vo que Dieu y a fait l' homme à s' imache , et qu on vo eune paire ed sieques aprés que cha d'vient des ginsses qui ont perdu leu caveux in alsace et qui supportent te pas les 62......

d un aut' coté , ché garnoules ale doiffent avouer qu in fait aussi des efforts d' rapproch'mint durant toute not' vie , mais qu à la fin in baisse les bras, JE SAIS LES GARNOULES zallez dire, y a pas qu' les bras qui quettent...
Revenir en haut Aller en bas
nougatine

avatar

Sexe : Féminin
Date d'inscription : 30/12/2009
Messages : 145
Localisation Ardèche

MessageSujet: Re: J’sus in mesure d’vos espliquer l’dallache de l’neiche…. Mer 6 Jan 2010 - 10:36

Bonjour tertous,

Tiote bellotte, tes fait des sacrés jornées avec des tiots !!!!!!!!!!!!

Ya des jours tés dot finquer.

mis aujord'hui jai main gauche comme inne pantoufle, hier voulant in tiot peu trop vite j'l'ai claquéconte etl'mur en essayant ratrapper un verre affraid y faut j'arette d'faire comme si j'étos au cirque :bball:
Aujourd'hui pon broderie in plus j'chu gauchère,l'main droite ché pon cha du tout.
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: J’sus in mesure d’vos espliquer l’dallache de l’neiche…. Mer 6 Jan 2010 - 11:11

té m'as fait peur nougatine, j'ai cru qu'té t'étos fais d'maux à t'main in buquant su l'manicraque ou pire su louloute.....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
nougatine

avatar

Sexe : Féminin
Date d'inscription : 30/12/2009
Messages : 145
Localisation Ardèche

MessageSujet: Re: J’sus in mesure d’vos espliquer l’dallache de l’neiche…. Mer 6 Jan 2010 - 11:17

Oh !! non tiote Bellotte t'es sait bin qu'é chu pon méchante Surprised
Revenir en haut Aller en bas
Contenu sponsorisé




MessageSujet: Re: J’sus in mesure d’vos espliquer l’dallache de l’neiche….

Revenir en haut Aller en bas
 

J’sus in mesure d’vos espliquer l’dallache de l’neiche….

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-