AccueilFAQRechercherglossaireLa charteConnexionS'enregistrer
Statistiques
Nous avons 387 membres enregistrés
L'utilisateur enregistré le plus récent est Isabelle Matuszak

Nos membres ont posté un total de 30669 messages dans 2280 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 l'cinéma y'étot tout plein

Voir le sujet précédent Voir le sujet suivant Aller en bas 
Aller à la page : 1, 2  Suivant
AuteurMessage
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: l'cinéma y'étot tout plein Sam 5 Nov 2011 - 11:47


Y'a queques z'années , tertous y dijot que ch'étot la fin du cinéma, qu'les gins y préfèrent rester à lou majon bin au caut à raviser l'télévision.

au villache à côté in a un cinéma qui étot tché presqu'in ruine et que des bénévoles y z'ont fait reviffe... ch'est fin bieau, à l'ancienne, y se sont même équipés pour faire des fos du 3D, j'leur tire min capiau.. et pis ch'est nin loin et pis ch'est moins cher qu'en ville.

In a été vir '' The artist'' et pis hier au soir j'a été vire '' Intouchapes'' aveuc min garchon....hé bin je l'recominde, ch'est un bieau flim d'ù qu'in rigole chu un sujet qui déringe: le handicap.... Y'a des réparties parigotes au sujet des chtis et des gins ed dunkerque...j'laiche el suspince
In a eu gramind du plaiji et pis ch'est agréape ed partager les émotions aveuc des auts: l'cinéma y' étot tout plein, y fallot s'serrer.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4922
Localisation St Dié dins les Vosges

MessageSujet: Re: l'cinéma y'étot tout plein Sam 5 Nov 2011 - 13:15

Formidape!

Ch'est vrai qu'i a de l'caleur humaine dins les cinémas.

Je me souviens qu'eune fos in avot décidé d'aller au cinoche à Epinal. Ch'est nin l'porte à côté mais in est un tiot peu mabouls chez nousautes. Eune fos chu plache, i n'avot rin de connu, alors in a choisi au hasard et in a tché chu le navet des navets. In étot peut-être eune douzaine dins l'salle mais in a bin rigolé...

Eune salle qui rigole, ou quelqu'un qui a un rire autremint qu'ainsi, ch'est communicatif!
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: l'cinéma y'étot tout plein Sam 5 Nov 2011 - 14:28

Souv'nirs.

Ch' étot i a eune vingtaine d' année. J' étos à Lons le Saunier. Un après midi, j' ai eu l' idée d' daller au cinéma, in juot "Pinot simple flic".....J' étos tout seu, j' prinds min billet, j' rinte, in n' étot qu' deux dins l' cinéma. Un gazier que j' connaichos pas et mi.

. Si j' avos été tout seu in arot annulé l' séance ! ! ! !

.
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: l'cinéma y'étot tout plein Sam 5 Nov 2011 - 15:52

souv'nirs... mi aussi
Jonnes mariés in va au cinéma à Paris, à l'époque ch'étot pas cor des salles immenses, in cujit l'film au hasard pace qu'in faisot là "nou sortie exceptionnelle d'l'année" et qu'in savot pas c'qui étot bin dins les sorties de l'semaine... In quet aussi su l'navet des navets (j'me rappelle même pus du titre), l'salle étot à mitan pleine (ou vide, cha dépind si in est pessimisse ou optimisse) et in étot pas les seu' à s'ennuyer fortemint, in a même pinsé à partir quind in a comminché à prinde un fou rire, i avot un homme qui ch'étot indormi dins l'ring devint nousautes et s'respiration devenot de pus in pus forte, pis i s'a mis à ronfler fort au même momint que dins l'film l'personnache présinte un tiot cochon à eune aute personne (j'cros bin que ch'étot jean marc thibaut ?? mais ??) et là tout l'salle éclate de rire, l'pauf homme s'est reveillé d'un cop... Finalemint in avot quind même passé un bon momint... Very Happy

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: l'cinéma y'étot tout plein Sam 5 Nov 2011 - 20:10

Des fos el spectaque y'est dins la salle.. in s'console comme in peut tchin que le flim y'est nul.
Tchin que j'pinche à c'pauff homme qui s'a réveillé aveuc tertous qui rigole.. ptête qui s'a dit qui avot minqué l'meilleur passache?

Cha vous est déjà arrivé d'aller à l'cour avint la fin du film?

Mi, cha m'est arrivé, j'étos aveuc matante et in ravisot '' sous les ailes de la colombe' ou eune séquo ainsi... l'titre y'étot fin beau : hé bin dssous les ailes de ch'coulon là , y avot tché tellemint d'merte qu'in a sorti avint la fin....à l'époque l'cinéma ch'étot moins cher heureusmint.

A ch t'heure in peut raviser les bandes annonces et cha aide à moins s'tromper.
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: l'cinéma y'étot tout plein Sam 5 Nov 2011 - 23:29

j'l'ai vu aussi "intouchables"....beau film!!
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: l'cinéma y'étot tout plein Dim 6 Nov 2011 - 8:17



Nous in dallot au cinéma tous les diminches, ch' étot pas toudis pour vire les films ? ? ?

??????? Vous comperdez ? ? ?
Revenir en haut Aller en bas
Matante

avatar

Sexe : Féminin
Date d'inscription : 28/12/2009
Messages : 781
Localisation au Nord

MessageSujet: Re: l'cinéma y'étot tout plein Dim 6 Nov 2011 - 9:14

T"in fais pas pépéPéBé ch'est incore comme cha aujord'hui ! Hier après-midi, j'chus daller vire Intouchabe et bin i avot des jeunes coupes qui n'ont nin vu grrind cosse du flim !
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4922
Localisation St Dié dins les Vosges

MessageSujet: Re: l'cinéma y'étot tout plein Dim 6 Nov 2011 - 9:16

Malgré le titre....
Revenir en haut Aller en bas
Matante

avatar

Sexe : Féminin
Date d'inscription : 28/12/2009
Messages : 781
Localisation au Nord

MessageSujet: Re: l'cinéma y'étot tout plein Dim 6 Nov 2011 - 9:19

Eh ouais, malgré l'titre....is s'touchottent bin !
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4922
Localisation St Dié dins les Vosges

MessageSujet: Re: l'cinéma y'étot tout plein Dim 6 Nov 2011 - 10:00

Cha me rappelle un sketch à François Pirette, dins lequel eune mère elle s'ingueule avec s'file - Nathalie - parce qu'elle fait eune masse de séquos que s'mère elle réprouve. Vinguette, je cause bieau aujord'hu...

A un momint l'mère elle dit à s'file qu'elle a appris qu'elle s'étot fait faire sin affaire chu eune banquette arrière. Du coup l'file elle li répond qu'elle aussi elle s'avot fait faire s'n'affaire chu eune banquette arrière tchand qu'elle étot jone. Et l'mère elle répond que ch'est vrai, mais que ch'étot nin celle du bus!
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: A mourir d' rire Dim 6 Nov 2011 - 10:24

Vers 1946/47

. Min cousin étot au cinéma l' Eden à Billy , au balcon. C' jour la i n' étot pas aveuc eune gonzesse, i ravisot l' film...D' vant li i n' d' avot un qui n' arrêtot pas d' faire l' adoule et d' faire du bruit. Polimint, min cousin li d' mande d' arrêter sin cirque.l L' guss in question i continue d' pus belle. Min cousin li dit ; "Lève toi" ....L' guss i s' lièfe in s' artounant aveuc l' air de n' d' avoir deux. D'un direct bin plaché min cousin qui avot fait d' la boxe té l' invoe les quate fers in l' air dins les banquettes d' in d' dzous." L' flic qui étot à l' intrèe i s' amène, i vot un mec rallongé..." Vous avez vos papiers ?" I les avot pas, i a été imbarqué.

. Après tant d' années, j' in rigole incore ....

......
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: l'cinéma y'étot tout plein Dim 6 Nov 2011 - 10:34

in lisant tout cha, i a eune canchon qui m'est venue tout naturellemint : "bonbons, caramels, esquimaux, chocolats" ! (i m'sanne que ch'étot annie cordy qui cantot cha)
ch'étot l'époque d'ù que les dames passottent cor avec un panier rimpli d'chucates, pindint l'intracte, chucates qui n'étottent pas cor hors de prix ! asteur in y ravisse à deux fos avint d'acater un paquet d'pop corn vindu à chés distributeurs à l'intrée des cinémas !

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Que cinéma. Dim 6 Nov 2011 - 10:38

Very Happy

. A côté de m' majon i avot eune terrreur d' quartier. Un gros berloux, l' casquette à déclancher la bagarre rabattue d' sur ses yux, les deux mains croisées d' sur s' poitrine. I marchot dins les rues in roulant des mécaniques. I s' in va pas immerder min cousin. Que malheur ! ! Cha a fait Paf !Paf ! In deux directs bin plachés, v'la berloux par tierre, dins les vaps....

Min cousin " J' pinsos que j' l' avos tué ! ! "

. Ch' est pas au cinéma mais ch' est du cinéma ! ! !

Revenir en haut Aller en bas
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: Re: l'cinéma y'étot tout plein Dim 6 Nov 2011 - 10:41

j'ai fait miux un jour in allant vire un film chéto un opéra rock TOMMY des WHO un film qui dato d' plusieurs années et qui éto arsorti j'em su arteuvé tout seu dins l'salle .
au début in rintrant j'ai pas prété attention mais au bout d'un momint j'ai eu un doute ej su arsorti pour dedminder ale caissière si j'en m'éto pas trompé d' sale.
comme j'avo payé m' plache j'ai quand meme été raviser l' film.
tout seu ou à 200 l' spestaque i est l' meme
.
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Min cousin et l' adjudant Dim 6 Nov 2011 - 10:49

Very Happy Re...... du cinéma. Min cousin

. I étot in Algérie dins les parachutisses. Ses camarates l' avotent prév'nu. "Si tu montes la garde, méfie toi, l' adjudant essaiera de prendre ton fusil si tu t' endors, histoire de te foutre dedans." Cha n' manque pas. I montot la garte à côté d' un buisson. Comme à s' habitute, l' adjudant in question, i s' camuche dins l' buisson pour li printe sin fusil. Min cousin qui avot mis l' baïonnette au canon,et i s' a mis à donner des grands cops dins l' buisson....

. " Fais pas l' ***, c' est moi, l' adjudant ! !

- C' est pas vrai ! ! in donnant des grands cops d' baïonnette!!!"

. L' adjudant n' a pus jamais arcomminché.

. In intindant si qu'i avot imbroché l' juteux, min cousin, i arot pétète été décoré pour sin acte d' bravoure. ! ! ! Qui sait ?

Cha aussi ch' est du cinéma ! ! !

.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4922
Localisation St Dié dins les Vosges

MessageSujet: Re: l'cinéma y'étot tout plein Dim 6 Nov 2011 - 11:36

Te l'as fait où tin service mirlitaire pépé?

Je dis cha parce que l'histoire du juteux qui se fait attaquer par un troufion de garte qu'in a prévenu, in l'intind souvint. Ch'étot par eximple un mythe au mont Valérien, d'ùche qu'in étot de garte de nuit eune nuit sur tros....
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: l'cinéma y'étot tout plein Dim 6 Nov 2011 - 16:58

Very Happy Bonjour Batisse. J' ai fait min service militaire dins l' genie à Neuf Brisach in Allemagne in 1949....après avoir fait de l' préparation militaire pour ète....... dins l'...... aviation ....! ! ! . . Insuite j' ai fait eune périote dins les Ardennes , j' étos l' chef d' eune companie d' camoins bennes, et j' étos l' seul à.......... n' pas avoir min permis d' conduire ! ! ! Faut l' faire.....j' ai appris à conduire tout seu aveuc un GMC ! ! ! ! dins l' cour de l' caserne pindint qu' tout l' monte faijot la sieste ! ! ! !

. Cha m' interessot l' préparation militaire, in apprenot l' mécanique....

Du qu' ch' est qui est ch' temps la ! ! !

Sad
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: l'cinéma y'étot tout plein Dim 6 Nov 2011 - 17:04

. Pindint des manoeufes, j' étos d' garte dins un bos armé d' eun mitrailleusse de 30...sans munition bin sur....Les zautes qui zétotent d' garte à des zautes indrots, is sont dallés se couquer mais l' commandant i est passé et is sont artreuvés tertousse au gnouf, sauf mi bin intindu, mais l' pus grafe pour eusses, quand qu'in a eu la quille, is zont dû rester quinsse jours d'pusse ! ! ! ....Is zavotent pus invie d' rigoler.

Very Happy
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: l'cinéma y'étot tout plein Dim 6 Nov 2011 - 17:07

Ch' est ti l' troufion qui est dins l' guérite aveuc l' MAS 36 ? In dirot qu' t'es aux gogues ! ! ! i
Revenir en haut Aller en bas
min nain

avatar

Date d'inscription : 11/06/2011
Messages : 391
Localisation Hérault

MessageSujet: Re: l'cinéma y'étot tout plein Dim 6 Nov 2011 - 17:36

Pour revenir aux histoir's ed cinéma, j'ai une anecdoter qui m'fait toudis sourire quand j'y r'pense.. Avec 3 amis collègues de travail, nous avions décidé d'aller au ciné de temps en temps , pendant que nos maris jouaient au tarot tout en gardant nos progénitures.
Arrivées au ciné, mes amies avaient repéré un film avec Bernard Blier, déjà vieillissant. J'avoue que je me suis insurgé prétextant qu'on était venu pour se distraire et pas pour voir un vieux croûton et sans doute un navet!. Mais nous n'y connaissions rien et on s'est rabattu sur un film inconnu mais qui paraissaît marrant à voir l'affiche. 10 minutes après, il n'y avait aucune équivoque, nous étions devant un vrai film porno bien cru! Bien sûr, mes amies me fusillaient du regard.Bref! nous nous sommes ratatiné dans notre fauteuil et dû subir le film jusqu'au bout.( C'était après le film d'Emmanuelle et les producteurs s'en donnaient à coeur joie avec les nouvelles libertés). Nous n'avons pas osé bouger de notre place, et le pire, c'est que nous n'avons pas bougé, non plus, toujours enfoncé dans notre fauteuil, avant que tout le monde soit sorti:Nous avions peur d'être reconnu par des parents d'élèves!
Quand je pense à l'évolution des moeurs, je m'aperçois qu'on avait des scrupules complètement idiots vis à vis d'asteur; Nous avons fait le chemin du retour en rigolant comme des folles, en nous rappelant notre expédition. En rentrant, légèrement excitées (Il y avait de quoi, nous n'avions jamais vu ça!), nous avons raconté notre aventure à nos maris , qui je pense, ont regretté de ne pas nous avoir suivies!
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4922
Localisation St Dié dins les Vosges

MessageSujet: Re: l'cinéma y'étot tout plein Dim 6 Nov 2011 - 18:10

pépéPéBé a écrit:
Very Happy Bonjour Batisse. J' ai fait min service militaire dins l' genie à Neuf Brisach in Allemagne in 1949...

Neuf Brisach in Allemagne? Le code postal ch'est 68600. Ch'est dins le Haut-Rhin, in Alsace gross Frankreich.

Infin, depuis 1945...
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1849
Localisation Belgique

MessageSujet: Re: l'cinéma y'étot tout plein Dim 6 Nov 2011 - 18:20

Ll'seul film que j'ai vu pindint min séjour là-bas, ché Le triporteur avec Darry Cowl et Pierre Mondy, qui m'fait incore toudis rigoler.. http://www.youtube.com/watch?v=jh81YHMBfos[/url]
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4922
Localisation St Dié dins les Vosges

MessageSujet: Re: l'cinéma y'étot tout plein Dim 6 Nov 2011 - 19:05

flersois a écrit:
Ll'seul film que j'ai vu pindint min séjour là-bas, ché Le triporteur avec Darry Cowl et Pierre Mondy, qui m'fait incore toudis rigoler..

Tin séjour où?

A m'mote que j'ai raté un épisode au feuilleton...
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1849
Localisation Belgique

MessageSujet: Re: l'cinéma y'étot tout plein Dim 6 Nov 2011 - 19:18

batisse a écrit:
flersois a écrit:
Ll'seul film que j'ai vu pindint min séjour là-bas, ché Le triporteur avec Darry Cowl et Pierre Mondy, qui m'fait incore toudis rigoler..

Tin séjour où?

A m'mote que j'ai raté un épisode au feuilleton...

Ch'éto là-bas, d'l'aut côté d"e la Méditerrannée bin sur..L'nom du pays je préfère l'oublier...Te connos la chanson d' Serge Lama ?
Revenir en haut Aller en bas
Contenu sponsorisé




MessageSujet: Re: l'cinéma y'étot tout plein

Revenir en haut Aller en bas
 

l'cinéma y'étot tout plein

Voir le sujet précédent Voir le sujet suivant Revenir en haut 
Page 1 sur 2Aller à la page : 1, 2  Suivant

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-