In est parti à 5 couples, vir les marchés d'Noël in Alsace et in a passé d'bons momints, mais que monte !
Mais nosautes in a fait cha trinquilement, sins s'presser in a vu c'qu'in a pu, et si qu'in a pas pu faire tout c'qu'in voulot, ch'est nin graffe in a quind même bin rimpli nos yux et nos tiêtes d'bieaux souv'nirs.
Pis surtout c'étot bin rigolo d'faire cha avec des amis, j'pinse que ch'est comme cha que ch'est l'miux, in a fait des essayaches d'bonnets d'père Noël, in a mingé des bretzels, des kougloffs, de l'choucroute, infin j'vas pas vous dire tout l'menu ! Pis bin sur j'ai pas pu résister à acater des tiotes décorations... Ah ! in a ramené aussi des Munster, cha sintot bon dins l'carette, i avot que mi, tiote maligne, qui avot demindé ch'ti qui étot imballé sous vide, les copains n'y avottent pas busié !...
Nou programme : Colmar, Ribeauvillé et Kayserberg... les copains voulottent faire Riquewihr mais impossipe de s'garer (mi j'in étot sure, in connot bin l'coin)
In a vu grammint d'carettes 59 mais bizarremint pas d'62 !!!
Ch'étot quind même in ouiquennde gramint touristique d'presque tous les coins d'France... D'jà dins nou groupe pourtint tertous immatriculé 69, i avot pas un seu lyonnais, nos copains sont, savoyards, bourguignons et auxerrois d'origine, mais comme j'leu dit ch'est nosautes les chtis les meilleux !!! ...
J'oblios ! in a vu aussi des cigognes, preufe que l'hiver n'est nin incore là !

Et in Alsace t'as nin vu un bieau grand jeunehomme au crâne légèrement dégarni qui roule su ène grosse mobylette blanque..?

Bin non ! j'ai ravisé, mais tout ceusses que j'ai vu in mobylette is étottent nin bieau, ou bin is avottent des caveux, ou bin is étottent nin grind ni jonne...

t'as du in vir de belles choses!!!
et in plus té nous fait linguir avec tes kougloffs etc....
et du pinard caud, té n'as bu?
J'ai pinsé à ti ch'week end...

Gnagnagna!

mi j'y va l'ouiquinde prochain aveuc m'file d'normandie, s'n'homme, ch'tiot , pis les parints de s'n'homme.

à peu d'choses près in s'arot croisées!

Ben mi aussi j'ai passé un super ouaiquenne. J'ai été arvir Léon et Gérard tout seuls à deux. A Roubaix. Suite à probablemint un minque de réclame pour le pestaque, cha a été quasimint eune arprésintation privée... i avot foque 35 pestateurs et tateuses. In a eu peur que cha les démotive un tiot peu, mais non, ch'est vraimint des pros. Ch'étot rudemint bin. Et pis à la fin in a bin pu raconter le conte avec eux.

A part cha, j'ai mingé des chicons au gratin avec du jambon alintour et pis j'ai aussi mingé des moules avec quasimint eune tiête d'al toute intière. Vinguette que ch'étot bon.

J'y avos été in mobylette et ch't'au soir in arvénint j'ai eu eune mauvaisse idée. In arwetchint m'carte routière eune fos que j'avos passé Chateau Salins, je m'a dit que cha serot moins long de rattraper Lunéville et de coper par St Dié et le col du Bonhomme, plutôt que de passer par Saverne comme j'avos fait à l'aller vu que le timps i étot incertain.

Résultat des courses, je me chus artrouvé au col du Bonhomme - le plus haut des Vosges - in train de rouler dins de l'neige fondue et in train de me dire "mais quo qu'ch'est que je fous ichi garchon?"

Infin bon, tout s'est bin passé, je chus arrivé quind même. I fait 12 degrés à m'majon, c'est nin grammint. L'chaudière elle va donner sin max. Pour l'instint elle cauffe de l'ieau.

Bon, allez, eune bonne semaine à tertous et ne faijez nin de folies de vous corps.

el plus chanceux ch 'est mi,ej reste à 800metres ed léon, mais in rincontre ed temps en temps au magasin !!

j'vas à Bennwhir...

Ah ouais, chu l'route du vin... te dos être magnétique à cha tisaute, ch'est nin possipe...

Bon, je ne connos nin vou programme, ni trop bin le mien non pus d'ailleurs, vu que je pars ouvrer demain et que je ne sais nin tchand que j'arviendrai (dernière limite samedi 22h00 sinon ch'est ouaiquenne dins le caméon, mais i a peu de risque!)

Si te veux in s'appelle mais je comprindos tout à fait que te préfères rester à pouchiner. In tous les cas, au cas, appelle me et je te donnerai min numéro!

Je te fais eune baisse

ahh magnétique!! j'avos lu magnifique!!

je m'disos aussi......

T'avos nin mis tes bonnes leunettes?

Bennwhir ch'est à côté d'ù qu'in étot.
V'la chi c'qu'in peut vir dins l'coin :
D’abord chés cigognes à Ribeauvillé


Pis chés décorations


A l'nuit ch'est cor pus bieau (là ch'est à Colmar)

Bon, bin cha n'est pon la peine qu'j'y aille....j'ai vu.

Bin sur que si y faut qu'té voches tout cha, j'ai pas mis l'pus bieau, pis d'sus les photos i a nin l'ambianche, ni chés bonnes odeurs d'toutes chés délicieusses séquos à déguster.... t'as vu j'te dis nin quo, HUMMMMMMMMMMMMMM ! MIAMMMMMM !!!
ch'est bon ? té vas y aller ??