Mes gins, je viens de tcherre chu eune séquo que je cros importint...

I simble qu'eune fos de puq in nous prind pour des babaches et que, comme dirot l'autre, in ne nous dit nin tout, à part qu'i faut payer.

Je vous mets ichi un lien vers un sujet in français.

Je sais qu'i ne faut nin faire de politique ichi, mais là je considère que ch'est nin de l'politique ordinaire, vu que cha se passe au-dessur des tiêtes des partis.

Mais bon, si que les administrateurs is estimtent que cha n'a nin s'plache ichi, qu'is coptent!

Ch'est comme le co2 qui serot mauvais pour l'récauffemint climatique. Ch'est nin vrai mais ch'est eune bonne manière de faire payer les gins...

Vlà le lien: http://www.onnouscachetout.com/comprendre-lorigine-de-la-dette-en-quelques-minutes

Allez, à plus!

J'cros qu'i y in a un qui va rigoler, mais j'arriff' pus à ouvrir tout qui est Youtube, Dailymotion ou aut', tout s'qui est film qui vient d'internénett' cha fonctionne pus, i m'faut faire Alt+ctrl+suppr pou m'débloquer.
Un dirot qu'Mozilla i s'est ouvert deux fos et qu'i bloque l'reste.
Cha m'dit qu'Mozilla i est d'jà ouvert.
J'ai pas cor trouver pou ar'médier à cha.
Que br.. machin !
Batisse té pourros m'essspliquer?

ouais, ch'est pédagogique, cha, ch'est l'origine mais ch'qui a suivi ch'est trop durte à comprinde pour m'tiote tiête.

et comme in a fait eune "veillée" intre amis, ch'matin dins m'tiête ch'est pas trop clair.

Et pis m'n'homme y dit que si qu'la dette publique, ch'est foque du papi... hé bin y'a qu'à tout brûler.
Cha ch'est eune idée qu'elle est bonne hein?... Ch'est m'n'homme qui devrot avir l'prix nobel d'économie et tertous y dirot '' Merci l'homme à Mérilou d'nous avir sorti de ch'brun!''

Loumarcel.. Un conseil: faut nin laichi Mozzarella ouvert trop lommint... cha sint l'muji

Eh beh ichi, vlà que Marcel i a incore bloqué sin manicraque.

Ch'est mi que t'appelles au secours? Cha va? T'as nin de fièfe?

Mi je conselle de désinstaller mozzarella (panneau de configuration/desinstaller un programme), d'éteinte tin manicraque, de l'armettre in route, de télécharger une mozarella fraiche, et de l'installer.

Cha pourrot marcher énon?

Sinon, te demindes à Marcel, ch'est un espécialisse des plantaches in tous ginre, dont des arpes dins du béton, qu'i creuse le trou au martieau piqueux...

ahh?

Mi j' peux marcher la tête haute i n' a personne qu'i m' dot ! !

Bon aujourd'hui que j'sus un tiot peu pus au calme que ch'ouiquende qui a été bin cargé, j'ai cliqué su le lien à Batisse.... j'ai failli m'indormir (ouais j'ai des heures d'sommel à rattraper ! et là ch'est l'heure de l'sieste !).
J'sus comme Mérilou j'ai jamais rin compris à chés leçons d'Economie. Quind j'étos in BEP de secrétariat in avot des leçons d'Economie et pou l'examen j'sus tombée du l'sujet l'"inflation"... j'y sus allée tout au bluff... j'ai du dire pas mal d'bêtisses pace que cha dot ête m'pus mauvaisse note à l'examen que j'ai quind même eu du premi cop, sins rattrapache...
In tous cas, mi, j'sais bin économiser, quind j'peux, et j'vis pas au d'sus d'mes moyens... apparemment d'après cha qui dit le monsieur dins l'poste ch'est pas l'cas d'tertous et y aurot du filoutache ? que surprisse ! (infin j'ai pet ête mal compris, cha m'étonnerot pas)
comme dirot l'marionnette des Guignols de Richard Virenque "on m'aurait menti à l'insu d'mon plein gré" ?

Infin vaut miux rire ichi cha fait pus d'bien !

mi ché parèle....à m'mason, j'sus ministre des finances et y'a jomais eu d'piquet d'grève, ni d'délocalisation et tou cha....

ouais avec des déplach'mints payés par l' Département, l' Région, l'ministère d'la culture (faut bien cha pou ches Camanettes) , l'Etat (d'aut' ministères) etc...
Avec nos impôts quoi ?
Ch'est comme cha qu'is font tous cheusse qui sont salariés ed chés associations.
Ch'est pas eux qui pay'tent, ch'est pas d'leu sous.
Ches bénévoles eux is sont d'lèque.

J'dis cha .....

A Batisse

J'ai tout démonté, j'ai armis ch'nouviau Mozarella etc... mais cha continue bref min manicraque i vit cor mais avec des Hocquets
Hum! Hum!
J'cache pou l'ar'mète d'applomb.

Minme l'site ed Roger i bloque avec toutes ses vidéos, j'peux pus rien raviser ed tous ches chkeches vidéos, ch'est le bor...!

Tout cha ch' est pour immerder l' ovrier Marcel.

.......

dette publique dette publique...ch' est eune dette social.....(iste)

Bin alors pépéPéBé...quo qu'ch'est qui t'arriffe? t'as le souglou? '' iste!'' ch'est comme el minicraque à loumarcel aveuc sin mozarrella.
Allez, in n'va nin parler d'tout cha ichi. L'principal ch'est de n'pos avir ed dettes personelles, in dort miux