AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31270 messages dans 2283 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Faut canger l'heure "de Raymond COUDERT"

Voir le sujet précédent Voir le sujet suivant Aller en bas 
AuteurMessage
Roger

avatar

Sexe : Masculin
Date d'inscription : 17/12/2009
Messages : 1279
Localisation Henin Beaumont

MessageSujet: Faut canger l'heure "de Raymond COUDERT" Sam 24 Mar 2012 - 20:47

Faut canger l'heure
Cha y-est, l'heure al est arrivée,
L'momint dùss qui faut canger d'heure;
L'grante aiguille, d'in' seule ingambée (enjambée)
Va mette el pitite dins l'bonne heure.

Pinsez, toute in' révolution:
Tros mille six chints s'gontes su l'instant
D'mette echl'aiguille in position,
V'là qu'in a vieilli d'su l'cadran!

ln dit aujord'hui, "l'heure d'été",
A chl'automne cha s'ra "l'heure d'hiver ... "
Et "l'heure al'mante", qu'in l'a applée ...
Mais cha ch'étot pindant la guerre!

Toudi est-i, conme tous les ans,
I faut avincher cheul caïelle
Pour ête à hauteur dé ch'cadran,
Régler l'pindule à l'heure nouvelle.

Pour mi, ch'est toute in' avinture
(Ch'est in' viézrie (vieillerie) du temps d'Néron
Rin qu'pour ouvrir cheul dévinture
Jé n'vous dis pont l'espédition !)

M'grind mère al nous dijot dijà
Qu'ch'étot elle qui ténot ch'plafond :
"Surtout, né l'bougez pont dé d'là,
O risquez d'vir querre el mason !"

Al fait bin tros mètes d'hauteur,
Bétot si largue qu'in' gardé ropes ...
Rin qu' quand qui faut l'armette à l'heure,
Veillez si qu'cha peut ête commote !

L'comtoisse sérot v'nue d'in Seigneur:
in meusieur l'comte (ou in vicomte),
Adon d'pi ch'temps là, d'toutes les heures,
Des minutes qui passent, al fait l'compte.

Al érot vu telmint d'histoires,
Journées d'bonheur et nuits d'amour,
Matins d'chagrins et soirées noires,
Qu'sin gong frichonne quand i quét (tombe) l'jour!

Sin balincier escoue les s'gontes,
I compte, i décompte et i-arcompte,
Sans jomais qu'l'écho n'y réponte,
Tous les mécomptes ed meusieur l'comte.

Et mi j'dos déringer tout cha,
Prétindant d'mette in' nouvelle heure?
Je n'vos pont cho qu'cha cang'ra .
L'solel s'elvra cor à l'minme heure ...

A moins d'pouvoir el bousculer,
D'pouvoir el l'invoïer dinguer
O bin d'arriver à l'cuincher.
P'têt' ac in' pelle ed boulinger ?

Raymond COUDERT


Dernière édition par Roger le Sam 24 Mar 2012 - 22:52, édité 2 fois
Revenir en haut Aller en bas
http://www.videochti.fr
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: Faut canger l'heure "de Raymond COUDERT" Sam 24 Mar 2012 - 22:23

Merci pour cheulle bielle poésie.
Y fallot s'rapeller d'cha.. tous les ins y n'd'a des berlous qui arriftent in rtard à l'ouvrache ou à l'école ou à l'gare.
Bin mi ch't'année cha arot pu m'arriver.. j'trouffe qu'in in parle nin comme avint ( cha date du choc pétrolier ch't'histoire là).
In va mette les réveils à l'bonne heure et pareil pour les horloches ( sins déringer l'cat qui des fos est d'dins!)
Revenir en haut Aller en bas
Kazimierz

avatar

Sexe : Masculin
Date d'inscription : 05/04/2011
Messages : 491
Localisation ~~ Boyau Rouche 62430 ~~

MessageSujet: Re: Faut canger l'heure "de Raymond COUDERT" Mer 27 Mar 2013 - 18:58

Changement d'heure Samedi 30/03/2013
Ché pour betôt ! ! !
cangemint» dech'l'heure!, cor un cop a nos

faire tourner bourrrique !!!

Pour tertous qui se posent à chaque fos eule
grinde question lorsqui vint le temps ed'changi d'heure :

"On avinche ou ben in arcule ?"

(chés d'eul pindule que
ch'parle)

Te veux un truc pou ti t'in rappeler...
Ravises bin.
...en OCTOBRE cha fini
par RE donc on recule l' tiote
aiguille

...en AVRIL: ça
qu'minche par AV donc in avinche

c'te tiote aiguille
Si ta tout compris ??? Ché bin.
heinnnn
! !
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: Faut canger l'heure "de Raymond COUDERT" Mer 27 Mar 2013 - 23:24



Merci pour l'moyen pour s'ramatuver dins quel sins y faut armonter les aidjilles.

Ch'est un truc que j'avos gardé: AVince ( AVril) ou Recule ( octobRE) qui marche à peu près vu qu'in cange l'heure in mars .

Donc c't'année AVril cha tché in mars.. in AVince à l'avince ! ch'est c'qu'in apelle ête d'avint garde.

Ch'est clair.....Mais comme te dis Kazimierz '' l'avenir appartient à ch'ti qui s'lève tôt''

bin mi j'pinche à eune collègue qui est toudis in retard l'matin, qu'elle arriffe presque aveuc ses caveux tout défaits et les traces ed drap su s'guiffe et l'WE prochain elle est à l'ouvrache du matin à 6h30... diminche, cha va ête bieau. In la taquine déjà ch'pauff guernoule. Elle dit qu'elle pourrot oeuvrer la nuit mais seulmint si y'a des confetis, des farindoles, d'el musique et des gins qui rigolent...ch'est rare dins un hopital.

Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Faut canger l'heure "de Raymond COUDERT" Jeu 28 Mar 2013 - 8:08

Mi cha m'posse pas d'problème, cha avanche ou cha arcule automatiqu"mint.

Ch'est bieau l'progrès.......

Very Happy
Revenir en haut Aller en bas
Contenu sponsorisé




MessageSujet: Re: Faut canger l'heure "de Raymond COUDERT"

Revenir en haut Aller en bas
 

Faut canger l'heure "de Raymond COUDERT"

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Poèmes, Textes, Chansons :: Coin des artistes-