. Les ateliers centraux d'Billy Montigny.
.

.
. Au "bobinache", les moteurs électriques n'étotent pas seul'mint arbobinés, i fallot aussi canger les coussinets. Les coussinets étotent régulés et rectifiés à l'ajustache. A nous d'les ajuster, faire des pattes d'araignée, et d'les placher correctemint pour qu'les rotors soichent bin dins l'champ magnétique.
. Chti la ch'étot un 50 bidets Alsthom, des moteurs qui tournotent jour et nuit ! ! !
. In a souffert dins note jeunesse ! ! !
. mais in n'est pas mort pour cha ! ! ! !
.

Les ateliers centraux ed Billy Montigny.
.

.
.......Arbobinache des tiotes bobines dins l'vieux atelier d'bobinache.
.......Avant qu'in déménache dins l' nouviau, ch'ti la des autes photos.
. ... Imaginez l'nim'ro d'cirque.
. Viux tour à bos à pédale datant d'el guerre ed 1870, pétète même avant.
. Pas d'moteur électrique, pas d'pollution..
. Débout d'sur un pied, l'gauche, aveu l'pied drot, té pédales et té comptes les cops d'pédale ! ! I n'a pas d'compte tours ! ! !
. Quand qu'in démonte el bobine brûlée, in compte el nompe ed tours qui a d'sur el bobine ! ! ! In divise cha par 5.5, un cop d'pédale faijot faire 5,5 tours à l'bobine ! ! ! Si té savos pas compter t'étos roulé, in n'avot pas d'caltrice eleuctronique ! ! ! Va -t- in faire faire eune opération parèle à un bachelier d'ach't'heure ! ! ! (J'm'in rappelle incore ch'étot vers 1947/48)
. Donc d'bout d'sur el pied gauche, té pédales aveu l'pied drot, té tinds l'fil de fer in cuife aveu l'main droite, té l'guites aveu l'aute main et té comptes les cops d'pédale ! ! ! Quand qu't' arrifes à 100, té fais un baton aveu eune craie ! ! ! ...et t'arcomminches, un deusse,......
. J' cros qu'in dévos faire faire cha à les prisonniers d'drot communs qui zavotent tué leus pères et leus mères avant l'guerre 14/18 mais cha a été défindu par el machin des drots d'l'homme et l'convintion d'Génièfe.
.
. Qu'est c'qu'in a souffert ed dins not jeunesse ! ! ! ! Et in n'est pas morts ! ! !
. :scratch:

In evlà un autre de bobinache...



Le but du jeu ch'est de transférer du fil, depuis les relativemint tiots tubes qui vénottent des machines à filer, vers des grosses bobines utilisées après pour des opérations d'ùche qu'in veut grammint de fil à l'fos.

Pindint l'opération de trinsfert des tiotes bobines chu des grosses, in in profite pour réparer les fils cassés, pour inlever les parties de fils avec un gros défaut et, in général, in s'arringe pour que les grosses bobines elles aittent tertoutes l'même longueur de fil dessur.

Et incore, là ch'est chur eune machine automatique, qu'elle fait les noeuds elle-même, mais i a eu des générations de guernoules qui faijottent bobineusse toute lu vie et qui avottent un cop de main inimaginape pour faire des noeuds de tisserand, qu'is sont un tiot peu copliqués quind même (pour faire un minimum de surépaisseur).

In fait, à ch't'heure, les machines de bobinache elles font raremint des noeuds. Cha qu'elles font ch'est des espèces d'épissures, que cha consiste avec de l'air coprimé à chouchichogner les fibres des deux bouts à rassimbler insonne. Ch'est grammint moins visipe qu'un noeud. Ch'est moins solite aussi...

te sais batisse,cha était min premier métier cha,bobineur à l'filature "Agache" à la Madeleine,j'étos l'seul garchon intouré d'eun' cinquantaine ed d'garnoulles.
j'min rappelle j'avos eun' ceinture avec un appareil au milieu d'min vinte in mettos chés deux fils din ch'manicrac,in appuyot sur un gachette et ch'noeud s'faisot tout seu.
in ettot payé à l'bobine.
j'ai fait cha pindint un an et d'mi,et après j'ai fait porteur d'bobines.
j'inl'vos chés bobines et d'chés métiers,et j'les mettot in sac, etj'allos peser chés sacs.
J'avos seize ans.
Que de souv'nirs...

Et à ch't'heure te défais les sacs ed noeuds d'nos pauff tiêtes...
Ch'est tut d'même drôle hein la vie Roger?

...V'la noeud qui dit l'soyeux ! ! !

Au bobinache
.
.
.
Arbobinache d'un moteur ed batteusse.
.
Min cousin, frère de ch'ti d' " Alles Kapout"

bonjour à ti pépépébé un métier passionnant té vos euch te laisse un lien à vir :
http://www.youtube.com /watch?v=IgqBNRqnueg

bonne visite.

http://www.youtube.com/watch?v=IgqBNRqnueg

Bonjour min camarate, j' viens d' aller vire tin montache vidéo J' avos déja vu, j' cros qu'té m' l'avos déja donné, le lien. Votre travale n' a aucun rapport aveuc l' note. Intravaillot core comme in 14/18 aveuc un matériel périmé.
. Tous les moteurs grillés dins les mines étotent réparés, arbobinés, roul'mints cangés etc .......beaucoup de moteurs, surtout les gros, avotent core des coussinets in bronze régulés qu'i fallot ajuster avec soin.
Mi j' m'occupos surtout de c'qui étot mécanique.
à@+
pépéPéBé