AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31216 messages dans 2282 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 L'âge de cromagnon i n'est nin loin....

Voir le sujet précédent Voir le sujet suivant Aller en bas 
AuteurMessage
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: L'âge de cromagnon i n'est nin loin.... Dim 1 Juil 2012 - 8:16

Je chus in train de faire du ringemint par le vide à m'majon. Cha veut dire que je vas mettre min nez dins des coins qui n'ont nin vu un être humain depuis un rute momint...

Et ch'est ainsi que je tchais chu des séquos d'un autre âge et qui ne sont finalemint nin si viux que cha.

J'ai artrouvé min électrophone de jone homme! Attintion les commintaires au sujet de s'vieuserie hein.... Muillerd polite, tcheu bazar. Un truc à lampes qu'i fallot laichi cauffer. Le platieau du tourne disque, in cayoutchouc naturel, i s'a tout dégommé et gondolé. Le bras i a l'air de peser tros tonnes (te m'étonnes que les disques is se mettotent vite à craquer....) et in puq l'connectique elle avot été bidouillée par mi le jour que j'avos découvert qu'i avot des disques stéréo (in fait in gravure universelle) et que j'avos à tout prix voulu sortir de l'stéréo de ch'bazar. J'y étos arrivé, mais cha à quo je pinse à ch't'heure ch'est qu'in étot bénaches avec des disques in mono! Te m'étonnes que les pink floyds is ont eu du succès avec lu musique à effets stéréo. Ch'étot nouvieau! In n'écoutot nin l'musique, in écoutot les effets stéréo.

J'ai aussi trouvé le musée du cinéma. Caméra super 8 bauer, très mécanique, torche hallucinogène (in 220 volts quind même!) plus grosse que l'caméra, machine à monter les tiots films, projecteur. Cha j'ai nin jeté vu qu'i a aussi les films qui vont avec.... j'arai peut-être l'occasion de moutrer cha à mes tiots afants un jour, quitte à passer pour un homme préhistorique! Te parles, du cinéma muet. Mais in couleurs!

J'ai aussi artrouvé un viux projecteur de diapos que je me souviens qu'in l'avot récupéré pour rin à l'fin d'un marché à puches. I étot grammint plus moderne que ch'ti qu'in avot et qu'in a incore, eune marque disparue avec des panis spéciaux. Au projecteur "moderne" i ne minquot que le fil d'alimintation, evec eune prisse espéciale. Pindint un long momint j'ai cachi après eune prisse comme cha. J'ai jomais trouvé. Le bazar i a parti à l'déchetterie sins fil!

Et j'ai trouvé un truc que je ne savos même nin qu'in avot cha: eune méthode d'apprintissache de l'inglais par disques! I avot bin eune vingtaine de disques 45 tours (ou 33 tours taillés 45, j'ai nin été vir lus trous). Tcheu brun cha devot être de manipuler cha. Les retours in arrière rayeux de disques, cha devot y aller... Préhistoire!

Et des bottines "qui pourrottent incore servir pour des travaux sales" j'in ai rimpli un sac d'au moins 100 litres!
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: L'âge de cromagnon i n'est nin loin.... Dim 1 Juil 2012 - 8:42

. J'ai core tout cha aussi sauf l'caméra super 89 ,j'in n'ai jamaiseu.
. In jette parfos des séquo qu'in argrette bin après.
. Mi aussi j'ai core eune méthote d'inglais par dixe et eune méthoye d" Allemand par K7.
. Tes films super 8 té dos pouvoir les faire mète sur bante magnétiques par des pros.
T"arvérros tin grand père cacher l' mamouth ! ! !
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: L'âge de cromagnon i n'est nin loin.... Dim 1 Juil 2012 - 9:01

J'ai "arpiqué" mes films super 8 pour les mettre chu des... cassettes VHS, comme i avot dins les premis caméscopes!

Cha comminche aussi à se faire rare les cassettes VHS.... Du coup j'ai converti mes cassettes VHS en DVD, mais je chus un tiot peu déçu par le résultat.

D'ichi bétôt les DVD cha va aussi être dépassé. J'ai intindu dins le poste que les canteux is arrêtottent progressivemint de publier lus canchons chu CD, que ch'est trop ringard pour nou époque!

D'ùche qu'elle est l'touche PAUSE de tout cha?
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: L'âge de cromagnon i n'est nin loin.... Dim 1 Juil 2012 - 9:38

. J"fais de l'vidéo d'pus 1975 par la. Au début j' avos un énorme camescope JVC qu'in branchot sur un magnétoscope portape. Les K7 étotent in VHS. Insuite j'ai acaté des camescopes Sony i Super Vhs et par la suite j'ai mis les films in DVD in les dégraissant. Les résultats sont pas mauvais. J' in ai bin eune quinzaine d' DVD....et j'ai core toutes les K7 VHS et super Vhs. Sony. appelle cha du HI8
.......
Min tiot gourou d'pétit fils vient mercredi m'dépanner mes deux PC in panne, et m'brancher d'r Youtupe car tout cha j'sais pas l'faire.
. J'ai fait égalemint des PPS, i faut les transformer pour les mète d'sur Youtupe...
...
. J'sus handicapé mintal aveuc tout cha....cha rinte pas....
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: L'âge de cromagnon i n'est nin loin.... Dim 1 Juil 2012 - 11:17

Ouais nosautes aussi in avot pris tout les films super 8 d'mes parints pou les mette su des cassetes VHS, tros ouiquende que cha nos avot pris... in arcomminchant l'première cassette pace qu'in l'ravisant in s'est rindu compte que les commintaires qu'in faisot quind in copiot chés films bin is s'intindottent quind in ravisot l'cassette (et des fos in s'étot un tiot peu moqué d'vir chés rhabillures ou bin vir l'tiête d'certains....)
I a fallu arfaire l'bazar in s'taisant (et cha ch'est dur !)
Bref, asteur, faudrot tout arfaire car pus personne a d'magnétoscope....

In a aussi toute eune méthode pou apprinde l'inglais sur K7 audio et eune aute pour apprinde l'italien, aussi su K7 audio (cheule lal ch'étot pou mi écrire à mes bieaux parints et parler un tiot peu italien avec eusses... j'sus jamais allée jusqu'au bout de l'méthode, j'me dis toudis un jour j'arprindrai l'bazar.... ouais mais j'ai pus d'lecteur d'd'cassette audio !). sniff

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: L'âge de cromagnon i n'est nin loin.... Dim 1 Juil 2012 - 11:32

In SVHS i faut un magnétoscope spécial.
In HJ8 i faut lire aveuc l' caméra, ch'est des pétites K7
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: L'âge de cromagnon i n'est nin loin.... Dim 1 Juil 2012 - 11:35

...Chef...taine, ch'est écrit in tout pitit d'sur m'écran, ch'est normal ? ? ?
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: L'âge de cromagnon i n'est nin loin.... Dim 1 Juil 2012 - 11:38

Cha, les commintaires pindint l'inregistremint, tertous i l'a fait. Finalemint, cha rajoute eune touche désuette et comique.

J'imagine que pour ti serrer t'guiffe cha a du être dur...

L'méthode d'apprintissache avec des cassettes, cha passe incore, vu que chu les cassettes i avot eune marche arrière et un compteur. Mais armettre un disque in arrière, ch'est le schkrounch à peu près garinti, suivi au miux par un tac tac, si que ch'est nin "min tailleur i est rimin tailleux i est rimin etc."

Armarque, ch'est un bon moyen pour nin apprinte.... "m'man, le dixe i est rayé, i saute toudis!" Mais i faut bin mucher sin compas qui n'a rin à faire là....
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: L'âge de cromagnon i n'est nin loin.... Dim 1 Juil 2012 - 11:40


.
I faut core avoir un tourne dixe ! ! ! !
.
In All'mand j'l'ai d' sur K7 , aveuc l'life.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: L'âge de cromagnon i n'est nin loin.... Dim 1 Juil 2012 - 11:41

pépéPéBé a écrit:
...Chef...taine, ch'est écrit in tout pitit d'sur m'écran, ch'est normal ? ? ?

Te poses un dogt de t'main gauche chu Ctrl et avec un dogt de l'autre main te buques chu + autint de fos qu'i faut pour que cha soche à l'tale que te veux.

Pour rapetisser, te fais parel mais in buquint chu - à l'plache de chu +

J'ai nin essayé avec = !


Dernière édition par batisse le Dim 1 Juil 2012 - 11:43, édité 1 fois
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: L'âge de cromagnon i n'est nin loin.... Dim 1 Juil 2012 - 11:42

pépéPéBé a écrit:

.
I faut core avoir un tourne dixe ! ! ! !
.
In All'mand j'l'ai d' sur K7 , aveuc l'life.

Ch'est pile poil un même que j'ai mis au bac à l'ordure. A m'mote qu'i n'a jamais servi, ou alors le premi dixe seulemint....
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: L'âge de cromagnon i n'est nin loin.... Dim 1 Juil 2012 - 11:44

. Ch'est l'posse d'min biau père, i date des années 1960, déja tout transistors...
. Aveuc FM i marche core fotrt bin.
.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: L'âge de cromagnon i n'est nin loin.... Dim 1 Juil 2012 - 11:52

Pourquo que le bouton balance is est complètemint à gauche? I a un des hauts parleurs qui craque?
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: L'âge de cromagnon i n'est nin loin.... Dim 1 Juil 2012 - 12:15

Vlà ichi le poste qu'i avot à nous majon tchand qu'in étot tiots.

I avot été fraudé de Gelbique, par min parrain. Ch'est un Telefunken avec clavier in allemind (je ne sais nin si qu'i in existot dins d'autres lingues....)

I vient de me faire peur ch'poste... j'ai voulu le mettre in route et j'ai cru qu'i étot mort. In fait l'dernière tiote loupiote qui éclaire le cadran elle a du mourir. Au bout d'un momint j'ai intindu un craquemint. Donc i avot de l'vie là-dedins. Mais i a nin de programme radio qui sortot. A forche de titiller les touches et tourner les boutons, cha a fini par arriver. I dot y avoir eune rute couche d'oxydation dins tous les contacts...

Et l'oeul magique vert qui indique l'forche du signal i m'a l'air bin pâlot...

I a plusieurs hauts parleurs là dedins, mais le gros du mitan ch'est un eliptique maousse (l'largeur du trou ch'est 29 cm). Ch'est nin étonnint qu'i sort des basses bin costaudes de ch'truc.

Mais bon, même à fond, i ne fait nin trimbler les murs...
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: L'âge de cromagnon i n'est nin loin.... Dim 1 Juil 2012 - 14:49

D'après gogole, i est de 1956/1957, in peut core l'acater chez les collectionneux.
Poste à lampes 3 hauts parleurs.
P.O G.O. O.C et sans doute FM
......
J'ai fait c'que t'as dit, cha marche ! ! ! ! Cha faijot un momint que j'pouvos pus lire les messaches.
. Ch'est simpe mais faut l'savoir.
Merci.
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: L'âge de cromagnon i n'est nin loin.... Dim 1 Juil 2012 - 15:20

Cha marche Batisse ! ! !
.

. ! !
Youpiiiiiiiiiiiii ! ! ! ! ! !
.

Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: L'âge de cromagnon i n'est nin loin.... Dim 1 Juil 2012 - 17:40

Eh ben si que t'es contint je chus contint!
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: L'âge de cromagnon i n'est nin loin.... Lun 2 Juil 2012 - 7:40

bin mi j'sus contint que qu'te seuches contint que j'sus contint.
Revenir en haut Aller en bas
Contenu sponsorisé




MessageSujet: Re: L'âge de cromagnon i n'est nin loin....

Revenir en haut Aller en bas
 

L'âge de cromagnon i n'est nin loin....

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-