AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31208 messages dans 2282 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 A l'école du villache "Christian Delattre"

Voir le sujet précédent Voir le sujet suivant Aller en bas 
AuteurMessage
Roger

avatar

Sexe : Masculin
Date d'inscription : 17/12/2009
Messages : 1279
Localisation Henin Beaumont

MessageSujet: A l'école du villache "Christian Delattre" Mar 4 Sep 2012 - 14:38

A l'école du villache
Quand el' nouvelle maîtresse est rintrée dins l'école
Alle pouvot pas s'douter dé c'qu'i allot i arriver;
Apprinte ches jônes à lire cha n'est point toudis drôle,
Même quand in crot qu'in sait d'jà bien faire sin métier.

Alle avot bien busié à cha qu'aIle allot dire,
Aux questions qu'aIle allot poser à ches éfants ;
Toute il étot fin prêt, i pouvottent vénir,
Alle allot leur apprinte el son CH in rien d'temps.

Alle queminche à poser des d'vinettes à ches gosses;
I s'érottent dû trouver des mots avec CH n'dins.
I n'in trouvottent pas un ! A s'dit cha ch'est quedkosse !
I sont bêtes comme leus pieds ... ou mi j'n'y comprinds rien!

Dis moi mon p'tit bonhomme, comment s'nomme l'animal
Qui traîne la charrue quand on n'a pas d'tracteur ?
El réponse aIle jaillit, ch'arot dû ête cheval...
Ech'tiot dit un bidet, des k'vaux si n'a plusieurs.

Et celle qui fait bê ... voulant faire dire la chèvre?
Moi, moi, je l'sais madame, c'est une petite maguette.
Alle a interrogé jusqu'à ch 'meilleur élèfe,
I n'ont pas pu sortir un CH ... des vrais bébêtes!

I z'ont faut qu'répondu les mots qui connaichottent :
Un kap'let, un kapiau, des katoulles, un katiau,
El kéminée qui funque, l'kémin du qu'i passottent,
El vaque ... qui tape à mouques, el kémisse pou s'faire biau !

El jus n's'arringeot point, l'maîtresse a n'érot brai,
S'leçon étot foutue, vu qu'i n'trouvottent pas
Un seul mot avec CH (j'intinds des mots français)
Alors aIle a pinsé d'minder des mots d'patois.

El classe s'est animée, ch'étot miraculeux.
Des mots avec CH n'dins ... i n'avot plein ch'tableau !
Bin nan nan qu'ches tiots-là ch'tot pas des bricoleux !
Des mots avec CH n'dins, i n'in ballent un béniau !

I a l'michorelle, madame, chelle qui fait des pinchons,
Et pis ça qu'i est pas beau, faut pas chucher sin pouche ;
Et pis moi l'vendredi, j'minche toudis du pichon,
A mont Théo l'mardi, j'akate eune chuchette rouche.

Dins ch'garache bien muché, j'ai chint mètes ed'fichelle,
Mon père fait du chimint, moi j'cache des limuchons.
Ches jônes i z'ont bien ri quand l'maîtresse vit ch'révelle
Et qu'aIle dit: in n'arrête, i est chinq heures min garchon.
Christian DELATTRE
Revenir en haut Aller en bas
http://www.videochti.fr
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: A l'école du villache "Christian Delattre" Mar 4 Sep 2012 - 17:54

Té perles si lj'les connos les tiotes classes des tiots villaches.

Mij 'ai eu eune classe unique in même timps que m'finme qui in avot eu eune ausssi dins un tout tiot villache qu'in aro du maux àtreuver sans boussole.

. In arrife donc dins villache de m'finme pour s'présinter.

. Eune "vièle" institutrice eufe l'porte et dévint tout pâle....... Ch'tot eune "vièle file" qui étot arrivée dins l' villache après avoir été à l'école normale et qui étot restée la jusqu' à 60 ans......Alle étot pas marièe, alle avot vécu aveuc eune tante autoritaire qui n'avot jamais voulu qu'alle s' marie. . Quand qu'in li a dit qu' alle pouvot rester dins l'logmint d'fonction pusqu'in avot l'aute log'mint pus moderne, alle s'est appoyée d'sur l'mur in dijant "Ch'est vrai ?"

. L'année d'après l'maire i li a logé dins eune campe dins s'ferme, alle savot pas du daller l'paufe finme.
....Alle étot secrétaire d'mairie mais le gins vénotent jamais à l' mairie, ch'est elle qui dallot chez les gins..
...
Alle étot sortie première de s'promotion. mais alle n'a jamais connu l'amour.....alle n'avot sur'mint jamais servi......ma tante alle veillot...

.In pusse alle n'avot pas l'permis d'conduire.
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: A l'école du villache "Christian Delattre" Mar 4 Sep 2012 - 21:17

Pépé, t'avos pos parlé d'Colomby, j'connos c'villache ...
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: A l'école du villache "Christian Delattre" Mer 5 Sep 2012 - 0:34

Colomby, l'paradis in avot chacun eune classe, arrivés ln 1960. in étot rimplachant et in a été rimplachés par des fitulaires qui arvenotent d'Algérie

1965/1967.... In nous a affectés dins deux classes uniques in même timps....Alquine Neuville et Wesbécourt.

. Ch't" année la i a fait un hiver terripe.....Pus d'ieau, pus d'mazout...In pusse madame a eu eune herrnie discale in fin d'annee ! ! ! Alle a été opérée au début des vagances.......alle sort d'hôpital, in arrife chez min père qui arvénot de l'ducasse d'billy avec mes éfants. i s'met à tape pour peler des tiotes patates et i meurt l'jour même d'vant nous in 1967

.....i avot 59 ans.....à 6 mos d"s"artraite....



La vie est un long fleufe tranquile.
. La cata.....
Revenir en haut Aller en bas
Contenu sponsorisé




MessageSujet: Re: A l'école du villache "Christian Delattre"

Revenir en haut Aller en bas
 

A l'école du villache "Christian Delattre"

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Poèmes, Textes, Chansons :: Coin des artistes-