AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31214 messages dans 2282 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Vieuseries musicales

Voir le sujet précédent Voir le sujet suivant Aller en bas 
AuteurMessage
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Vieuseries musicales Dim 9 Déc 2012 - 11:38

Pour mes 40 ins j'avos archu un lecteur de CD. A l'époque cha valot cher et ch'étot le début des CD.

Même nin 25 ins après, cha sint l'piche de musée.

Bref, cha avot bieau être du beau matériel, ch'bazar i comminchot à donner des signes de faiblesse. Souvint l'tiroir i ne voulot nin s'ouvrir. Résultat, i a eu un successeur (qui lit aussi les DVD et qui vaut à ch't'heure foque eune chinquintaine de roros, neuf, avec eune connexion par fibres optiques!!!). L'incien i s'a artrouvé dins l'zone de min ordi, brinché à du - bon - matos de récupération in impli et inceintes.

De timps in timps i me prenot d'essayer de faire marcher tout cha, histoire que cha ne rouille nin. Et à chaque cop, tchand que par hasard l'tiroir i voulot bin s'ouvère et s'fermer, j'étos saisi par l'qualité du son.

I a deux tros semaines de cha, le tiroir i a rindu l'âme pour de bon. Du coup, foutu pour foutu, j'ai été vir quo qu'i avot dins sin vinte et pourquo qu'i déconnot. Au final, i avot un tiot peu d'usure chu eune rampe, qui faijot un point dur, et un arsort qui saquot trop fort pour que l'puissince d'un tiot moteur elle peuche suffire à passer ch'point dur.

Après saquache chu l'arsort pour le ramollir, ch'bazar i est arparti comme un neuf. Du coup, à ch't'heure je m'in sers assez régulièremint. Par eximple, ichi je chus in train de buquer chu l'ordi in acoutint des CD que j'ai nin acoutés depuis un momint.

Tout cha pour dire que je me mets à racouter des vieuseries (chu CD quind même) et qu'i a des séquos qui vieillistent rudemint bin. Là je chus in train de redécouvrir Flowers in the dirt de Paul Mc Cartney. Ch'est super, surtout un tiot peu fort.....

Et vousautes, cha vous arrife aussi de racouter des vieuseries et de trouver qu'i n'd'a qui vieusistent bin?

Quels sont les ginres ou artisses qui pour vousautes traverstent bin le timps et quels sont au contraire les ceusses qui font à ch't'heure grammint démodés?
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: Vieuseries musicales Lun 10 Déc 2012 - 10:02

Là je chus in train de redécouvrir Flowers in the dirt de Paul Mc Cartney. Ch'est super, surtout un tiot peu fort.....

Qui dit Batisse... après cha in peut tous li faire acroire qu'in pinchot grammind à li et qu'in li a téléphoné pour raconter not conte et li faire des baisses mais qui a nin intindu l'sonnerie de sin téléfon.

Sinon au sujet des canchons qui vieusisstent, y'a l'petit papa noïel ed Tino et pis les canchons qu'in a intindu qu'un été ( sauf.... Aveuc les filles j'ai un succès fou hou hou hou ... hein matante? tchin qu'in l'acoute eune fos, in l'a dins l'tiête 10 ins).
L'classique, cha s'démode pos, ch'est comme les foufs. Et pis les Brel Brassens Le forestier souchon...j'sus toudis étonnée d'vir les jeunes aveuc leur bouque ouvert in acoutint des canchons d'Brel.. surtout in les ravisint car ch'étot un mime ( transpirant).
Pourquo qu'des canchons elles durtent et nin d'aut?

In va faire un essai sur eune canchon qui dure:

http://www.youtube.com/watch?v=SbpVQtN7AQI
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Vieuseries musicales Mar 11 Déc 2012 - 11:15

. 1889.....
Min grand père m'racontot que l'première fos qu'i a intindu "eune machine parlante" ch'étot in 1889 à la foire. I étot aveuc ses cama&rates soldats comme li dins eune baraque d'foire dù l' attraction ch' étot un gramophone ? ? Ses camarates, des rigolards comme tous les troufions parlotent d' casser l' baraque prétextant qu' i avot quéqu'un d' muché in dzous de l'tape.
.....
A l'communion d'min cousin, sous Vercingérorisque, avant la guerre, i avot un tourne dixe à armonter, aveuc un arsort comme moteur. Des masselottes in plomb d' écartotent par l'forche cintri fuche in tour nant pour réguler l'vitesse du plateau.
Les dixes étotent de l'même époque cha nazillot sec...J'l'intinds core
...." Véronique est bien malade
..... Elle a mangé trop d'riboulade".....etc.... chelle la vous l'avez jamais intindue j'sus sur....Les autes j'm'in rappelle pus....Tout dins l'mçeme style.....Après tout cha vaut bin du rap d'm...
.....
. J'ai core un magnifique posse Téléfunken tout transistors d' 1962, aveuc un tourne dixe à tros vitesses qui marche fort bin , mais les dixes sont tertousses bin rayés.....cha fait 50 ans quand même, .....
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Vieuseries musicales Mer 12 Déc 2012 - 8:14

J'sus in artard pou lire les sujets ! j'viens d'découvir chti lal...
In lisant j'ai tout d'suite pinsé à Ella Fitzgerald, pourquo elle, j'in sais rin pace qu'i a plein d'artisses qui n'sont nin démodés (j'vas oser dire julien clerc, ouais Batisse, j'ose Wink)
Alors pet ête que j'ai pinsé à elle pace que l'an passé, l'big band d'ù que jue un d'mes garchons a fait un programme espécial in hommage à Ella Fitzgerald avec eune canteusse nin connue des médias mais qui mériterot d'ête connue ! et que cha a eu gramint d'succès, is ont été obligé d'rajouter des dates d'concert tellemint i avot d'demandes, nosautes in est allé l'vir deux fos.
Alors valà eune grinde dame qui est loin d'ête démodée...
Sinon i a queque mos in a acaté un cd d'Bob Dylan, eune réédition d'un viel album, et min pus jonne passant à l'majon un jour qu'in l'acoutot nos a dit "papa et maman excellent choix" et là in s'a rindu compte qu'i connaissot les canchons miux qu'nous autes ! Cor un artisse qui plait cor aux jonnes et moins jonnes....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: Vieuseries musicales Mer 12 Déc 2012 - 12:48

In est des fos rudemint saisi par les talints des jones pour dénicher des vis trésors et les dépoussiérer.

In a fait des mervelles avec des musiques à Brassens. Imminse artisse, tant musical que parolier ch'ti-là.

Cheule reprise-là est magnifique. Infin, je trouve Wink
Tcheu parolier que ch'étot....
http://www.youtube.com/watch?v=Ly-t6wJOKdA
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Vieuseries musicales Jeu 13 Déc 2012 - 9:13

Faut que j'vos raconte cha que j'ai vu hier au soir.
Dins nou abonnemint au théâtre in avot cuji un spectaque qui s'intitulot "harlem swing", l'titre nos disot bin que ça allot "bouger". Ben mes gins, in a passé eune soirée formidape !
Six musiciens su scène qui accompagnottent 5 canteux, tros femmes, deux hommes avec des vox, mais des vox à n'laisser personne insenssipes !
L'sectaque racontot eune tranche de vie dins un cabaret des années 20 avec bin sur des canchons swingantes de chés années là ! Bin j'peux vos dire que chés canchons là, ça n'a nin pris eune ride !
Parait que ce spectaque teurne depis pas mal d'années et in France i a été jué l'première fos à Paris, y a 30ans !
Même si j'ai nin compris toute l'histoire "parlée", ch'étot tellemint bin amené que même ceusses n'parlant nin l'ingliche pouvottent saisir l'sens, grâce aux mimiques de chés artistes complets, aussi bin acteurs que canteux !
J'étos mate in arrivant au théâtre et j'me sus forcée à arsortir par c'frod mais j'sus rintrée à l'majon arquinquée tellemint ce spectaque donnot de l'joie et du plaijir....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Kazimierz

avatar

Sexe : Masculin
Date d'inscription : 05/04/2011
Messages : 491
Localisation ~~ Boyau Rouche 62430 ~~

MessageSujet: Re: Vieuseries musicales Jeu 13 Déc 2012 - 13:31

In octope j'avos dû faire réparer min magnéto

à bande Akaï chés gosses is ont voulu s'in servir , is ont bloqué l'bande ,l'moteur coinché , aveuc des composants cramés etc....,

car min Ami Béniu (BKO59 su YT) i m'a d'mindé si j'avos des inr'gistrmints de radio & d'animateurs d'anciennes émissions polonaise , pis i fallot faire autremint m'centaines d'heures d'inr'gistremint, ch'étot foutu... non seulmint j'in a artrové des années 85/à 89 ,

mais in réécoutant chés bandes , des morciaux d'musique qui n'avotes jamais été mis su disque ou CD que chés responsap'

d'orquest's i mettote cha su casettes pou l'radio .
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: Vieuseries musicales Dim 16 Déc 2012 - 20:20

Batisse a écrit :
Citation :
Tout cha pour dire que je me mets à racouter des vieuseries (chu CD quind même) et qu'i a des séquos qui vieillistent rudemint bin.

Ché vrai que t'aimes toudis écouter Mireille Mathieu ...


Mi j'préfère Adèle !
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: Vieuseries musicales Dim 16 Déc 2012 - 22:06

Elle n'est nin morte Adèle?
Revenir en haut Aller en bas
Contenu sponsorisé




MessageSujet: Re: Vieuseries musicales

Revenir en haut Aller en bas
 

Vieuseries musicales

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-