AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31208 messages dans 2282 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Commint qu'in peut donner un prénom ainsi?

Voir le sujet précédent Voir le sujet suivant Aller en bas 
Aller à la page : 1, 2  Suivant
AuteurMessage
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Commint qu'in peut donner un prénom ainsi? Mer 24 Avr 2013 - 8:02

Aujord'hu ch'est l'saint Fidèle.

Je ne sais nin vousautes, mais mi je trouve que ch'est un drôle de prénom. Comme Parfait, Modeste et autres prénoms qui m'irottent bin mais qu'au départ mes parints is ne le savottent nin.

Cha dit, je me deminde pourquo qu'in ne m'a nin appelé Désiré...

Bref, ch'est des prénoms qui ont toutes les chinces d'être minsongers. Des Fidèles infidèles, cha dot exister, comme des Modestes péteux ou des Parfaits à leunettes ou gauchers des deux mains.

Valà. Ch'est foque pour dire. Ch'est m'tiote contribution au saint du jour.

Après demain ch'est sainte Alida. Ch'est l'patronne des charcutières?
Revenir en haut Aller en bas
Matante

avatar

Sexe : Féminin
Date d'inscription : 28/12/2009
Messages : 781
Localisation au Nord

MessageSujet: Re: Commint qu'in peut donner un prénom ainsi? Mer 24 Avr 2013 - 8:23

Et saint Juste quo qu't'in fais ? Mi ch'est un prénom qui m'a toudis marqué depis que j'chais lire. Bin ouais à Tourco i avot un assureur qui s'appelot "Juste Dujardin". Un assureur vous m'dirot et qui étot juste est-ce possibe ?
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Commint qu'in peut donner un prénom ainsi? Mer 24 Avr 2013 - 8:53

Ch'est juste!

A Tourco i avot aussi eune famile de bijoutiers que sin nom de famille ch'étot Soyez.

I avot donc eune inseigne Soyez père (cha, cha va, je comprinds) et eune d'ùche que ch'étot écrit Soyez fils. Cheule-là elle m'a toudis intrigué!
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Commint qu'in peut donner un prénom ainsi? Mer 24 Avr 2013 - 10:16

Mi l'aute, jour à l'orchestre, alors que certains m'énervottent pou des histoires d'quemiches, j'pinsos dins m'tiête que j'devros m'appeler Ducros.... pace que des fos, à quo cha sert que Ducros y s'décarcasse... mais j'ai rin dit pace que j'sus sure qu'is m'aurottent appeler ainsi.. j'les connos !

In c'qui concerne les noms d'famile étranches, min obtétricien quind j'habitos l'région parisienne i s'appelot l'docteur Ballon... cha s'invente nin !

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: Re: Commint qu'in peut donner un prénom ainsi? Mer 24 Avr 2013 - 11:15

ej conno un médecin qui s'appelle Maman.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Commint qu'in peut donner un prénom ainsi? Mer 24 Avr 2013 - 11:42

Ducros.... in vlà eune idée qu'elle est bonne cheftaine....

Au fait, in causint de quémiches et de décarcassache, cha fait un momint qu'in n'a nin intindu causer de tes soucis de boutons qui voltent dins l'foule.

Te les as cousus avec des nélastiques?
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Commint qu'in peut donner un prénom ainsi? Mer 24 Avr 2013 - 11:44

Mi je connos un marchind de vin qui s'appelle pinard.

Comme dirot pépé: véridique Very Happy
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: Commint qu'in peut donner un prénom ainsi? Mer 24 Avr 2013 - 15:28

batisse a écrit:
Ducros.... in vlà eune idée qu'elle est bonne cheftaine....


Oh ouais... Cheftaine Pleumette Du Cros, cha cha a de la gueule, qu'in dirot un pedigree d'glaines ed concours.

Ch'est quo c't'histoire ed bouton d'quemiche qui est invoyé dins les gins? j'ai nin tout comprite ( comme d'habitute)
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Commint qu'in peut donner un prénom ainsi? Mer 24 Avr 2013 - 18:53

Je ne me rappelle pus bin si que ch'étot à cause que ses tototes elles étotent trop grosses ou qu'elle étot fierte comme un bar tabac à sin lorchesse et bombot le torse pour qu'in voche bin comme elle étot bielle et faijot de sin miux pour chuffler dins sin tuba.

In tous les cas les boutons de s'quémiche is tirottent eune sale tronche et i n'd'a même qui s'ont sauvés dins l'foule, ou dins l'oeul du chef d'orchesse, je sais pus.

Du coup elle a moins pris s'n'aspiration. Des boutons passe incore, mais tout le soutif d'un cop, cha arot fait drôle. Pis cha arot perturbé le réquiem énon?
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: Commint qu'in peut donner un prénom ainsi? Mer 24 Avr 2013 - 19:18

Ch'est eune façon comme eune aut ed taper d'ins les ys des gins....
Je n'conaichos nin ch't'épisode. Bin ch'est du prop !
Ch'est vrai que les requiems, ch'est fait pour braire.. mais pos d'rire in principe
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Commint qu'in peut donner un prénom ainsi? Jeu 25 Avr 2013 - 14:37

Nin non, ch'est nin cha l'histoire des boutons d'quemiches !
L'quemiche avot du rétrécir au lavache, pace que bin sur j'avos nin grossit, alors les boutons is n'se joignottent pus facilemint... j'vos jure les tissus d'asteur ch'est pus c'que ch'étot, is sont indisciplinés !!!! alors bin sur j'avos peur qu'in prenant m'respiration cha arot fait comme in fu d'artifice d'boutons..
Au premi morcieau, suspense... cha a failli s'involer dins les yux de Mr l'Maire qui étot au premi rang, mais l'fil étot solite cha a tenu ! Ouf l'honneur étot sauf !
Mais asteur pus d'problème, in a cangé d'quemiche depis, l'modèle est moins ajusté, et surtout j'ai perdu 10 kg, alors cha aide à miux joindre chés boutons....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Commint qu'in peut donner un prénom ainsi? Jeu 25 Avr 2013 - 16:26

Ah?

Ch'est moins rigolo alors les concerts à ch't'heure.

In ce qui concerne les 10 kilos que t'as perdus, si cha t'arringe, dis le me le et je peux t'aider à les artrouver.... mi je les attire!
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Commint qu'in peut donner un prénom ainsi? Jeu 25 Avr 2013 - 16:42

batisse a écrit:
Ah?
In ce qui concerne les 10 kilos que t'as perdus, si cha t'arringe, dis le me le et je peux t'aider à les artrouver.... mi je les attire!

J'armercie mais sins façon, j'voudros pas t'priver....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Commint qu'in peut donner un prénom ainsi? Jeu 25 Avr 2013 - 17:27

A Billy i avot un ménache, Monsieur Perdu et Madame Trouvé ! !

Fallot l'trouver cheux la.

L'infirmier i s'applot Belgueule......
In s'éloine un peu du sujet.
Min bieau père avot Ildefonse comme prénom, i 'faijot appler Pierre et s'finme l'applot...zeph.......va-t-in vire.

Very Happy
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: Commint qu'in peut donner un prénom ainsi? Jeu 25 Avr 2013 - 17:38

Ch'est bien PéBé, té restes dins l'sujet ti, alors qui y in a qui sont partis dins ches sous-tifs et ches kilos
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Commint qu'in peut donner un prénom ainsi? Jeu 25 Avr 2013 - 18:15

Ha?
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: Commint qu'in peut donner un prénom ainsi? Jeu 25 Avr 2013 - 22:48

batisse a écrit:
Mi je connos un marchind de vin qui s'appelle pinard.

Comme dirot pépé: véridique Very Happy

J'ai vu cha pindint m'prom'nate mardi ...

Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Commint qu'in peut donner un prénom ainsi? Ven 26 Avr 2013 - 8:11

T'as immené t'mobylette in Champagne tisaute?

In arvit là-dessur tchand qu'i fait meilleur énon?

Par contre, je ne sais nin là-bas, mais par ichi i a eune vague de tourisses in auto qui se pourmèntent bin gintimint tout duchemint au bieau mitan des routes. Des autos avec apparemmint des rétros et des grignoteaux particulièremint copliqués à utiliser....
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: Commint qu'in peut donner un prénom ainsi? Ven 26 Avr 2013 - 9:40

Citation :
T'as immené t'mobylette in Champagne tisaute?

Non, j'ai été faire faire l'plein d'bulles...



Citation :
i a eune vague de tourisses in auto qui se pourmèntent bin gintimint tout duchemint au bieau mitan des routes


J'ai fait des dixaines d'kilomètes sins jomais vir personne, même dins les ruelles de Troyes i'avot foque nous ...à l'hôtel in étot tout seux aussi...
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Commint qu'in peut donner un prénom ainsi? Ven 26 Avr 2013 - 12:04

Ah? Is étottent donc tertous venus in Alsace? Ch'est rare cha...

Bon, allez, à ch't'heure que t'as fait tin plein de bulles, t'as pus qu'à nous dire d'ùche qu'i faut qu'in aille pour te dire si que t'as bin queusi!

Chic hein... in ne va nin juer à ch'ti qui fait le plus gros rot. Promis!
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Commint qu'in peut donner un prénom ainsi? Ven 26 Avr 2013 - 15:04

. In étot dins les Pyrénées. Dins un tiot patlin , iavot au d'zeur de l'porte de ch'coiffeur eune plancarte in bos aveuc l'inscription:

. "Coiffeur homme dame Indéfrisable Eugène"

. J'l'avos photographièe, l'plancarte.

Sacré Eugène ! ! ! !In s"a bien marré ! ! ! !

Very Happy Jé l'sais in n'arot pas du, ch'est pas chrétien d'rigoler comme cha.
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: Commint qu'in peut donner un prénom ainsi? Ven 26 Avr 2013 - 17:43

Dis me Batisse: te viens nin à nou majon alors? d'uche qu'elle in est t'm't'motobylette.

Pour rester dins l'sujet des prénoms autremint qu'ainsi et artcherre chu mes pis après un triple salto arrière comme dins mes rédactions à l'école, ch'est la Ste Alida aujourd'hui.
Qui qu'ch'est qui connot eune guernoule aveuc un prénom comme cha?
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Commint qu'in peut donner un prénom ainsi? Ven 26 Avr 2013 - 19:10

Ouais, in dot avoir des gênes in commun mérilou, vu qu'alida je l'avos repérée aussi. Même que j'in cause dins min premi messache!

Pour réponte à t'première question: hélas non, je ne vais nin aller à t'majon. Ni nulle part d'ùche que j'avos invisagé d'aller d'ailleurs. Figure-te que min patron i m'a trouvé de l'ouvrache in Gelbique les 2 et 3 mai. J'ai rindez vous au garache pour m'n'auto mardi. J'ai de l'visite à m'majon les 4 et 5 et, chériche chu le poudding, l'timps i a viré à l'pleufe! Autint dire que tous mes projets is sont tchés à l'ieau, au prope comme au figuré.

Sinon, m'mob elle est à ch't'heure comme eune jeunette mais à s'n'âche et kilométrache (145 000) elle comminche à être gourminde in hule! Elle marche du feu de dieu et elle a eu sin peuneu neu (ch'est rigolo cha....). T'es incore là l'semaine de l'ascinsion? Cha dépind un tiot peu du timps aussi hein. Rouler sous l'pleufe, je le fais, mais si que je peux éviter, ch'est aussi bin!

Bon, commint que je vas artcherre chu mes pids pour arvénir au sujet?

Ch'est quand les saint médard et barnabé? Les saints de pleufe quo!
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: Commint qu'in peut donner un prénom ainsi? Ven 26 Avr 2013 - 19:21

pauff garchon: j'oeuff le 8 mai et pis aussi à l'ascinssion el 9 mai.. d'uche que des amis y devottent venir à nou majon.. j'va ête mate 4 matins 1 apos et pis 3 soirs , cha vaut l'cop d'oeuver à 80% ! j'va pos m'plaindre , y'a plus pire et pis j'ai d'l'ouvrache.
Comint in va arvenir chu l'sujet... les prénoms
not père Arthur y dijot qui fallot nin s'moquer d'sin prénom et que cha arviendrot à l'mote...véridique ! j'ai 2 collègues qui z'ont apellé leurs garchons Arthur.
Je n'sais nin si ch'est la série kamelott qui fait cha.
Revenir en haut Aller en bas
Matante

avatar

Sexe : Féminin
Date d'inscription : 28/12/2009
Messages : 781
Localisation au Nord

MessageSujet: Re: Commint qu'in peut donner un prénom ainsi? Sam 27 Avr 2013 - 10:26

J'pinse qu'à l'ascinsion i ara du monte su' les routes.....tertous i fait l'pont et, comme Mérilou et mi (et bin d'autes aussi !) in est dins des coins touristiques bin i a du monte qui sonne à l'porte pour v'nir et in est fin bénaiche !
Pour artomber su mes pids avec les prénoms, Batisse, l'saint Médar ch'est l'8 juin et Barnabé (cha ch'est un surnom qu't'as du donner ti) ch'est l'11...juin. Mais avint i a les saintes ed d'glace les 11 12 et 13 mai, après in aura caud ou du moinsss i ara pu d'gelée. J'chais dins ches saintes i a un' Pancrace tieu drôle ed nom aussi, j'in ai jomais rincontré une ! (j'a bin arbondi chu mes pids ?)
Revenir en haut Aller en bas
Contenu sponsorisé




MessageSujet: Re: Commint qu'in peut donner un prénom ainsi?

Revenir en haut Aller en bas
 

Commint qu'in peut donner un prénom ainsi?

Voir le sujet précédent Voir le sujet suivant Revenir en haut 
Page 1 sur 2Aller à la page : 1, 2  Suivant

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-