AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31095 messages dans 2281 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Ch'est drole de s'attacher à des machines?

Voir le sujet précédent Voir le sujet suivant Aller en bas 
AuteurMessage
batisse

avatar

Sexe : Masculin
Date d'inscription : 22/12/2009
Messages : 4954
Localisation St Dié dins les Vosges

MessageSujet: Ch'est drole de s'attacher à des machines? Sam 18 Mai 2013 - 20:53

Je deminde cha parce que je chus un tiot peu triste. Nin vraimint triste in fait, foque perturbé à cause que je réalise qu'i a incore eune page qu'elle vient de tourner et qu'i a nin de marche arrière.

Min viux caméon blanc, ch'ti que j'avos fait un sujet tchand que sin compteur i avot passé le million, i est parti. Lundi in m'a dit d'aller vérifier que j'avos rin de perso à l'intérieur, et tchand que je chus rintré vindredi, i n'étot pus là. Lundi i étot question qu'i parte in Ouzbékistan et vindredi in savot qu'i partot au Ghana.

Ch'est que de l'mécanique mais cha faijot 6 ins que je vivos avec (in dormot insonne!) et in étot comme un tiot couple de viux qui s'in faijottent mutuellemint vir à l'un l'autre. I m'in a fait plus vir à mi que mi je li in fait vir à li et in avot grammint de souvenirs insonne. Ch'est li qui m'avot permis de réaliser min rêve d'infince (dormir dins un caméon, un tiot peu n'importe d'ù) et ch'est li qui m'a permis de rincontrer des gins extraordinaires. In général des dépanneux d'ailleurs!

I m'in a fait vir un tiot peu de toutes les couleurs: 2 pannes sèches (cha ch'est partiellemint de m'faute, mais cha reste des grinds souvenirs), deux pannes de démarreur, dont eune après un contrôle de gindarmerie qui a fait que je lu ai bloqué lu aire de contrôle pour un momint, un peuneu éclaté, eune méga fuite d'air avec blocache de l'ingin au feu vert à un péache - grind momint de solitute.... - caprices de suspinsion (à l'air coprimé) qui montot tchand qu'in li demindot de deschinte et qui montot aussi tchand qu'in li demindot de monter, caprices de freinache, phares déréglés, à cause de l'suspinsion capricieusse, à chaque contrôle technique, ch'est à dire tous les ins. Là je pouvos rester in pleins phares, cha éclairot à 20 mètres! Sins parler de ses fuites diverses et variées, comme un viux quo! Et j'in passe des vertes et des nin murtes.

Sin moteur i faijot 372 CV. Tchand qu'i étot jone. Chu la fin, i n'd'a au moins 200 qui étottent rintrés à l'écurie. Et ceux qui restottent, is funquottent et is étottent carnassiers d'huile!

Infin bon, comme dit, l'page elle est tournée. Ch'ti que j'ai récupéré à ch't'heure i a sin charme aussi. Ch'est un viux de la vielle, mais avec un moteur tout neuf. Je ne risque nin d'être imbêté par l'suspinsion à air, vu que ch'est incore des lames! Et le confort de l'cabine, ch'est assez relatif. I faut être acrobate pour aller à sin lit!!!!

Je vous mets sin portrait, au futur africain, foque pour le souvenir:
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Ch'est drole de s'attacher à des machines? Dim 19 Mai 2013 - 10:33

Alphonse.

"Objets inanimés, avez-vous donc une âme
Qui s'attache à notre âme et la force d'aimer ?"



Dernière édition par pépéPéBé le Dim 19 Mai 2013 - 11:25, édité 1 fois
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4954
Localisation St Dié dins les Vosges

MessageSujet: Re: Ch'est drole de s'attacher à des machines? Dim 19 Mai 2013 - 10:46

La Martine ch'est la cheftaine cha.

Elle arot dit eune séquo ainsi? In tous les cas, même in venint d'eune 59, ch'est trop fort pour mi: je ne comprinds nin cha que cha veut dire (l'deuxième mitan de l'deuxième ligne).

Allez, un bon diminche à l'pleufe. Ichi les cornacornes is vont devoir monter aux arpes si qu'is ne veultent nin se noyer!
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: Ch'est drole de s'attacher à des machines? Dim 19 Mai 2013 - 17:56

Tin viux caméïon y va aller cauffer ses oches in Afrique à ch t'heure.
Ch'est incoyape comme in peut des fos s'attacher à eune carette ou un caméïon et d'in parler in tiot peu comme des gins.
J'comprinds
Revenir en haut Aller en bas
Contenu sponsorisé




MessageSujet: Re: Ch'est drole de s'attacher à des machines?

Revenir en haut Aller en bas
 

Ch'est drole de s'attacher à des machines?

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-