AccueilFAQRechercherglossaireLa charteConnexionS'enregistrer
Statistiques
Nous avons 387 membres enregistrés
L'utilisateur enregistré le plus récent est Isabelle Matuszak

Nos membres ont posté un total de 30477 messages dans 2280 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Ché si facile d'ête heureux par Paul Sébille

Voir le sujet précédent Voir le sujet suivant Aller en bas 
AuteurMessage
Panther papy



Date d'inscription : 05/12/2016
Messages : 5
Localisation Romans sur isère

MessageSujet: Ché si facile d'ête heureux par Paul Sébille Mer 7 Déc 2016 - 10:16

Bonjour,
Pour bien commencer la journée, ci dessous comment être heureux en ménage par mon papa.

Bonne journée

Panther Papy

CHE SI FACILE D'ETR HEUREUX
 
Mais quoche que vous avez tertous? vous les hommes, à déméprijer les fimmes, et vous, chés fimmes à berdouiller su l'dos d'chés hommes; ch'est ti point du biau cha.Ravisez me; est-ce qué j'ai l'air d'un malheureux? et pourtint vlà quarante ans qué j"sus marié et j'sus toudis cotint. Aveuc e m'fimme, in est toudis dins les gimpes e d'l'un l'aute et d'pus qu'ai m'pinsion; in s'a organisés, et l'ménache i marche comme su des roulettes.Oh! in n' fait point l'pet pus grind qu'in a l'tro, bin sûr, et v'là in deux mots chou qu'cha donne.
D'abord, j'ai décidé qu'ch'est mi qui commindros; alors,  e j'fais tou chou qu'al veut. Par exemple, au matin, comme al est matinale, et pou qu'a n'seuche point esquintée, j'y porte sin café au lit, deux fos; comme cha al peut faire e s'toilette in s'levant.... vers dix heures, et d'mi, midi moins l'quart.
Pindint ch'timps là, j'bricole un tiot peu; j'fais l'vaiselle; et ch'est normal; mi j'sus jusse, donnint donnint; j'fais l'vaisselle passe qu'a donne un cop d'main à faire e l'lessife; ouais, ch'est elle qu'al met l'poute à laver vu qu'mi, j'm'y connos point.
D'ailleurs, al pinse à tout; et vous verrotes comme ch'est prope à l'masonne. Fait dire qué l'fimme e d'ménache al  vient tous les jours et qu'al est bin payée. In pusse, mi fais attintion d'point salir.... même quind j'fais à minger. Et pis j'sus pas difficile,  j'ai quère tout chou qu'al a quère, alorsj'y tripote des tiots plats, j'y met sin couvert, e s'tiote serviette, e s'tiote nappe; ch'est sin goût; mi, j'ai pus quère minger dins l'couet, comme cha, jé ,n'répinds point à côté; ch'est pas comme e ch'cat, i est difficile au point qu'i faut mette e s'n'assiette à ch'bout d'tape, o bin i n'mingrot point, l'animal.
Souvint, quind in a dinsé, al va s'arposer un tiot peu; passe qu'avec e s'santé, al dot  faire attintion... même que s'coiffeusse, qu'al connot fort bin vu qu'al y va tros fos par sémaine, al dit qu'i fallot qu'al couque tout seule pou qu'ses cavieux i restent toudis biaux; et ch'est la vérité, e s'manicure al dit l'même.
Après qu'al a fait sin tiot somme, à nous la liberté. Jé l'mène in voiture dusse qu'al a invie; al fait les magasins, passe que mi, jé n'sais point faire e d'chèques, al va minger eune tiote pâtisserie, tout cha, cha l'détind, et, pindint ch'timps là, mi j'fais attintion à l'auto pou n'point qu'in nous l'vole. A ouais! que biau ménache qu'in fait tous les deux.
L'pus dur pour mi, ch'est quind al s'in va faire ses cures. Cha n'dure foque quate mos par an, mais al est si délicate.... et pis faut bin qué j'm'occupe du cat. Vous savez, a n'est point ingrate hein! al m'invot des cartes postales, des photos; e j'rigole, l'aute foos, al m'a invoyé eune photo des Iles du Levant, dins l'midi, ch'est pas long d'Vichy, dusse qu'al fait ses cures. I parait qui a là des gins qui faitent du naturisse; ouais i vitent tout nus; alors, comme al est point vicieusse, al fait comme eusse, et croyez me, ch'est des gins fort conv'napes, la preufe, l'type qui li a fait s'photo, i a dit dé m'prier l'bonjour; J'sais pas porquoi i m'appelle Joseph d'ailleurs.
Viv'mint qu'al rinte, passe que cha c'minche à m'sanner long; ett pis, al a d'louvrache qui l'attind; al dot aller s'rabiller des pieds s'qu'al tiête passe qué d'pus tros mos, cheulle mote al a cangé.
J'ai eune surprise pour elle; j'vas li faire passer sin permis in rintrint, ainsi, j'pourrais faire min raccommodache et pi m'lessife pindint qu'al  s'fra les commissions, passe qu'i faut point exagérer, pou qu'cha veuche dins ch'ménache, in dot y mette chacun du sien.
Mais jé d'vise, jé d'vise; faites point atttintion, j'm'in vas, j'vodros rassarssir mes cauchettes et pis finir e l'tricot que j'sus in train d'y faire in attindint qu'al rinte.
Allez, bonsoir à tertous... et un tiot consel: pou ête heureux, arpinsez à chou qué j'viens d'vous dire, et cha ira.
 
     
Paul Sebille
Revenir en haut Aller en bas
Cauchette

avatar

Sexe : Masculin
Date d'inscription : 02/01/2011
Messages : 3808
Localisation Cry sur Armançon

MessageSujet: Re: Ché si facile d'ête heureux par Paul Sébille Mer 7 Déc 2016 - 13:58

Ché biau et bin dit
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1849
Localisation Belgique

MessageSujet: Re: Ché si facile d'ête heureux par Paul Sébille Mer 7 Déc 2016 - 19:41

Ché nin trop facile à comprinte mais j'ai bin aimé, armets nous incore des bieaux textes ainsi 
panther papy In grand merci...
Revenir en haut Aller en bas
Contenu sponsorisé




MessageSujet: Re: Ché si facile d'ête heureux par Paul Sébille

Revenir en haut Aller en bas
 

Ché si facile d'ête heureux par Paul Sébille

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-