AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31270 messages dans 2283 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Avec l'âche i a des séquos qui devientent moins honteux?

Voir le sujet précédent Voir le sujet suivant Aller en bas 
AuteurMessage
batisse

avatar

Sexe : Masculin
Date d'inscription : 22/12/2009
Messages : 4978
Localisation St Dié dins les Vosges

MessageSujet: Avec l'âche i a des séquos qui devientent moins honteux? Sam 2 Déc 2017 - 9:19

I a eune paire de semaines j'ai été à l'interremint de l'femme d'un excellint copain de boulot. In étot tous les deux à peu près du même âche, émigrés in Alsace, tous les deux de ch'Nord, incore que li ch'étot un boyau rouche, mais au delà de 50 km de l'région ch'est un détal qui perd de s'n'importince.

In faijot dins l'commerce international, bin espécialisés dins certains pays pour qu'in soche bin in prise avec les agints, cliints et tut cha. Is nous avottent mis tous les deux dins l'même bureau, vu qu'in avot tous les deux les deux mêmes chefs, qu'is étotent un de chaque côté de nou bureau. Dins le service les bureaux avottent tout le haut in vierre, et du coup in les appelot des aquariums.

Des années bonheur. Is ont fini par nous séparer tellemint qu'in rigolot. Mais i n'avot rin à dire chu le traval: i étot bin fait et arconnu par les chefs, jusqu'à tout in haut. D'ailleurs in a devenus parrains pour adapter les nouvieaux venus au moule.

Bref, s'femme elle s'a fait battre par un cancer qui avot comminchi par li morte eune totote i a presque 40 ins et qui a fini par s'attaquer à tout cha qu'i li tombot sous les griffes. Elle avot 70 ins.

Forchémint j'ai été à sin interremint. Et j'ai incore eune fos été impressionné par des gins qui savtent s'exprimer in public dins des circonstances essin. Le curé qui raconte sin compte, cha ne m'épate nin, ch'est sin méti, i n'est nin de l'famile et cha qu'i dit cha ne sonne nin forchémint "comme tout le monte". Cha serot plutôt le contraire... Mais les gins de l'famile ou de l'fabrique ou des amis qui vientent faire l'éloge du mort devint s'caisse, mi j'admire. Parce que je suis incapape de l'faire. Je pourros écrire l'texte, mais i m'est impossipe de le lire in public. Je chus trop sinsipe et je muche cha derrière eune façade de déconneux. J'ai été élevé dins l'idée qu'un homme cha ne brait nin. Du coup je fais tout min possipe pour braire in muchette. Depuis toudis.

Min père i a suremint fait parel.

A ch't'interremint i a un neveu de cheule morte, aĝé d'eune vingtaine d'ins, qui a causé et dit des bielles séquos qui prentent aux tripes. Vous veyez cha que je veux dire. Et je pinsos in mi-même que ch'tiot-là i avot du cran. J'aros bin écrit eune autre séquo mais je sais qu'i a un logiciel de surveillince qui met des étoiles à l'plache!

Après l'cérémonie i a eu un vin d'honneur - l'occasion d'arvir des gins qu'in a perdus de vue et qu'in se promet de s'arvir dins d'autres circonstinces - et in in est venus, avec min copain, à parler du speech de sin neveu. Et là in in est venus à s'avouer, sins difficulté, que l'un comme l'autre in est incapape de l'faire. Li avot écrit eune séquo à dire, et même là ch'étot quasi impossipe tellemint que les yeux is étotent brouillés. Finalemint i s'a arplié chu des séquos qu'i a fait dire par ch'curé mais ch'étot bin sur nin parel.

Et je me dis qu'avec l'aĉhe i a des carapaces de tabous qui s'introuvtent. Les hommes virils n'ont pus de honte à avouer qu'is braitent facilemint comme des madeleines, ou que popaul i fait comme l'vue, i baisse. Des femmes chuchuques rittent de lus tototes qui flicfloctent, de lus habits qu'in in bin dedins même si qu'is ne sont nin à la mote etc.

J'espère qu'i a nin que mi qui armarque cha. Vousautes aussi vous l'armarquez? Et quo que vous in pinsez?

Dire à un afant qu'in ne sait pus courir longtimps ou faire des pirlouettes, ch'est aussi arconnaître qu'in vieusit et qu'i est timps d'adapter le monte à cha qu'in est, plutôt que de continuer à être conditionné par un monte qui rêfe de jeunesse force et beauté éternelles énon?
Revenir en haut Aller en bas
Cauchette

avatar

Sexe : Masculin
Date d'inscription : 02/01/2011
Messages : 4524
Localisation Cry sur Armançon

MessageSujet: Re: Avec l'âche i a des séquos qui devientent moins honteux? Sam 2 Déc 2017 - 22:09

Vinguette té n'avot à dire Batisse

Mi cha m'dérinche pas ed' parler in public

Mais j'sus comm' ti in brai pas in public cha m'arriffe raremint

Allé @D ché triste et'n'affaire
Revenir en haut Aller en bas
 

Avec l'âche i a des séquos qui devientent moins honteux?

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-