AccueilFAQRechercherglossaireLa charteConnexionS'enregistrer
Statistiques
Nous avons 387 membres enregistrés
L'utilisateur enregistré le plus récent est Isabelle Matuszak

Nos membres ont posté un total de 30703 messages dans 2280 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 polenta au menu....

Voir le sujet précédent Voir le sujet suivant Aller en bas 
AuteurMessage
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: polenta au menu.... Sam 6 Fév 2010 - 10:07

c'midi in est invité chez min pus jone, ch'est in tiot regroupemint familial pou minger de l'polenta, pou in cop m'tiote belle file travalle pas c'samedi, m'file n'a pas d'match de volley à perpète et min grind est pou queques jours chez nos, alors in va tous s'artreuver
bon bin sur l'polenta, ch'est toni qui va l'faire car si mes infants is sav'tent faire les pâtes fraiques, l'polenta is maîtrisent pas trop
faut dire que toni i la fait comme s'maman (et pas comme ch'est écrit su les paquets), faut avoir eune sacrée poigne (mi j'y arife pas), après in rinverse l'contenu directemint su l'tape (faut qu'elle seuche in bos ou formica), in l'étale et in verse l'sauce tomate avec l'viande dessus....... in s'assoie tout autour et in découpe des tiots morcieaux avec s'fourquette
j'prindrai eune photo et j'vos l'mettrai.....
cha surprind toudis les gins l'premi cop, et j'ai hâte d'vir l'tiête de m'tiote belle file quind elle va découvrir cha....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
la clo



Sexe : Féminin
Date d'inscription : 25/12/2009
Messages : 644
Localisation Brive la Gaillarde

MessageSujet: Re: polenta au menu.... Sam 6 Fév 2010 - 10:44

mi ch'est parel, un cop je l'réussie, un cop non alors je m'décourache j'in fais d'moins in moins
Si Toni veut donner ses secrets d'fabrication, j'seros bien continte d'apprinte.
In tout cas passez tertous inne bonne journée.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4924
Localisation St Dié dins les Vosges

MessageSujet: Re: polenta au menu.... Sam 6 Fév 2010 - 11:31

Cha dot être un rute chantier de passer l'taffe dins l'bac à vaisselle après...

T'as nin des fos l'impression d'être un tiot peu des barbares tisautes? Et les cops de coutieau dins l'bos, qui qu'ch'est qui les répare? Et l'sauce à la tomate elle n'a nin tindince à colorer le bos?

Comme quo... in dit des fos des boyaux rouches, mais à l'étringer i se passe des drôles de séquos aussi!
Revenir en haut Aller en bas
la clo



Sexe : Féminin
Date d'inscription : 25/12/2009
Messages : 644
Localisation Brive la Gaillarde

MessageSujet: Re: polenta au menu.... Sam 6 Fév 2010 - 17:38

quo qu'te cros, in est core à minger avec nos dogts, pis in minge in faisant des grands shlouppp ! shlouppp !!! et in saque note tire-jus pour s'essuyer avec, in cache bien note jeu, fot pas croire !
i sin passe des droles mi j'vous l'dis, enfin j'dis cha ....
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4924
Localisation St Dié dins les Vosges

MessageSujet: Re: polenta au menu.... Sam 6 Fév 2010 - 18:21

Ben ouais, je vos cha. Ch'est incroyape.

Tchand que je pinse que depuis tout tiot, tchand que je fais tcherre eune séquo chu l'taffe in servint ou in poussint le minger déhiors de l'assiette je me fais inguirlinder, alors que chez les ritaux in peut servir directemint chu l'taffe...

I a des civilisations comme cha. Les chinetoques, autres grinds mingeux de nouilles, is mont tous les plats chu l'taffe et les gins is pluqtent directemint dedins. Eusautes is ont des plats... Evintuellemint is mont lu main in dessous de cha qu'is ont chopé avec lus badjettes pour le voyache intre le plat et lu bouque. Ch'est pour cha qu'is mont des nappes: pour essuir ses mains pleines de sauce.

In tous les cas, question schlurp et schloup, les chinos ch'est les champions hors concours tellemint qu'is font du brut avec leurs espèces de cuillers in porcelaine.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4924
Localisation St Dié dins les Vosges

MessageSujet: Re: polenta au menu.... Sam 6 Fév 2010 - 18:25

Pour me faire bin vir par les ritaux locaux, l'prochaine fos que j'irai à eune pizzeria, je pourros lu deminder de nin faire de menoules et de faire comme à lu majon: in vire les nappes, in pose les pizzas directemint chu l'taffe et in se débroule!

Je peux?
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: polenta au menu.... Dim 7 Fév 2010 - 18:13

batisse a écrit:

T'as nin des fos l'impression d'être un tiot peu des barbares tisautes? Et les cops de coutieau dins l'bos, qui qu'ch'est qui les répare? Et l'sauce à la tomate elle n'a nin tindince à colorer le bos?

j'me sus mal esprimée batisse, pou l'tape in bos... in fait ch'est eune tape spéciale qu'a fait min bieau père qui adorot travailler l'bos, l' plateau i est in bos brut, bin lisse et nin vernis bin sur...... in est pas des babaches !!!
cheule tape elle est chez m'bielle mère, arcouverte d'eune nappe pou les autes arpas, pace qu'in minge pas toudis de l'polenta ....nos in a gardé eune vielle tape in formica pou minger l'polenta (l'première tape qu'in avot quind in s'a marié)...

alors v'la ci d'sous chés photos

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: polenta au menu.... Dim 7 Fév 2010 - 18:25


cuisson du mélange (pou env 5 pers)

mélanger 500 g de farine de maïs (polenta), 200 g de semoule fine et 150 g de farine
mettre 2 pemmes tierre coupées dins inviron 3 l d'ieau, les faire cuire et les mixer
verser le mélange dins le liquide en tournant (toudis dins le même sens, et j'sais pas pouquo, j'arcopie c'que m'a appris m'bielle mère !!)
et ch'est là qui faut avoir l'cop d'main et surtout l'tour de main et de l'poigne car i faut faire attintion qu'cha fasse pas des grumeaux, et pou l'timps d'cuisson bin in sait qu'ch'est cuit à l'oel, et avec l'espérience (cha vos avince hein ) mais cha dure pas moins d' 20 mn...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: polenta au menu.... Dim 7 Fév 2010 - 18:33

eune fos qu'ch'est cuit in rinverse l'tout su l'tape d'in cop sec...


in étale et in ajoute l'sauce tomate (ou bin eune sauce blanque, ou bin tout aute sauce à sin goût) in oblie pas l'parmesan (ichi ch'étot du in sachet mais l'miux ch'est in morciau d'parmesan qu'in râpe, mais min garchon i n'd'avot pas)

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Matante

avatar

Sexe : Féminin
Date d'inscription : 28/12/2009
Messages : 781
Localisation au Nord

MessageSujet: Re: polenta au menu.... Dim 7 Fév 2010 - 18:43

Si j'comprinds bien, t'as mis t'tabe dins t'n'auto pour aller minger l'polenta chez tin garchon ?

:scratch:
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: polenta au menu.... Dim 7 Fév 2010 - 18:45

vàla i a pus qu'à minger......

pou l'tiote histoire dins l'famile de m'bielle mère d'ù qu'is étottent 13 infants, is préparottent de l'polenta tous les matins et m'bielle mère apportot cha à sin père et chés frères qui travaillottent dins les champs, dins des grinds panniers in osier (mand'lettes) qu'alle posot su tiête.... bin sur pou tous les jours ch'étot pas avec de l'sauce tomate (réservée pou les jours d'fiête) mais is étalottent d'sus d'huile d'olifes avec eune éclette qu'is frotottent d'sus.... elle faisot pusieurs kilomètes pour arriver jusqu'aux champs, elle étot jone, à l'âche d'9 ins elle allot d'ja pus à l'école car il fallot quequ'in pou garder les biquettes.... eusses nin pus in Italie is avottent pas l'vie facile
pus tard après queques ins d'mariage et du fait que ch'étot l'misère min bieau père est v'nu dins ch'nord pou ête..... mineur de fond.. mais cha ch'est eune aute histoire...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: polenta au menu.... Dim 7 Fév 2010 - 18:46

Matante a écrit:
Si j'comprinds bien, t'as mis t'tabe dins t'n'auto pour aller minger l'polenta chez tin garchon ?

:scratch:

nin là in est chez min garchon qui a eune cuisine des ins 70 dins sin viel appartemint et ch'est eune tape in formica

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Contenu sponsorisé




MessageSujet: Re: polenta au menu....

Revenir en haut Aller en bas
 

polenta au menu....

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-