AccueilFAQRechercherglossaireLa charteConnexionS'enregistrer
Statistiques
Nous avons 387 membres enregistrés
L'utilisateur enregistré le plus récent est Isabelle Matuszak

Nos membres ont posté un total de 30429 messages dans 2280 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Plus vi souvenir

Voir le sujet précédent Voir le sujet suivant Aller en bas 
AuteurMessage
batisse

avatar

Sexe : Masculin
Date d'inscription : 22/12/2009
Messages : 4908
Localisation St Dié dins les Vosges

MessageSujet: Plus vi souvenir Lun 1 Mar 2010 - 13:36

Vu que Tiote Bellotte, modératrice in djaune, elle se souvient des trams qui ont arrêter de rouler dins sin villache in 66, ch'est à dire net après qu'elle ait arrêté de mettre des pichous, je me suis dit qu'à l'occasion ch'est parmi ses plus vis souvenirs. Incore que les guernoules, cha arrive à se souvenir de séquos arrivés i a looooongtimps et que nousautes in avot obliées.

Du coup, je me suis aussi dit que cha serot évintuellemint rigolo que tertous i raconte sin plus vi souvenir à li.

Je précise SON plus vi souvenir... cha veut dire qu'i n'd'a qu'un par personne, i faut réfléchir avint de le mettre. Sinon in n'a nin fini!

Allez je comminche. Je devos avoir dins les 3 ins. Pour sur cha se passot dins l'majon qu'in habitot avint d'aller dins l'nouvielle et comme in a rintrés dins l'nouvielle in 53, ne ne dos nin être loin du compte.
Bref, min plus viux souvenir ch'est un souvenir de cat. J'ai toudis bin aimé ces bestioles-là et elles me le rindtent bin.

Je ne sais nin tcheue maladie j'avos chopée, mais j'étos à l'diette. Ch'est dur, surtout pour un tiot garchon adorable et plein de vie... qui a armarqué que s'mère elle mettot à minger au cat dins eune gamelle in-dessous d'eune cayelle.
Cha devot être des bons restes...
Toudis est-il que min plus vi souvenir ch'est d'être allongé chu min vinte in-dessous de cette cayelle, in train de minger sin minger à min cat et que ch'brave garchon - li aussi, ch'est de famile... - i m'arwettot faire sins rin dire. Je pinse qu'i avot des légumes de bouli et qu'i n'aimot nin trop cha.

Valà. Suivint...
Revenir en haut Aller en bas
Roger

avatar

Sexe : Masculin
Date d'inscription : 17/12/2009
Messages : 1273
Localisation Henin Beaumont

MessageSujet: Re: Plus vi souvenir Mar 2 Mar 2010 - 10:07

Min plus viux souv'nir?
cha armonte à loin cha...
j'devos avoir deux ou trois ans,quand min père m'a offert un vélo,ch'étot un babystar,couleur bleu,à pignon fixe,j'les gardé pas mal d'années.
j'ai su quelques années plus tard que min père avot gagné un billet à loterie nationale, cha devot ête 500fr à ch'momint la.
vla chi eun' photo que j'ai treuvé sur ch'net



Revenir en haut Aller en bas
http://www.videochti.fr
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Plus vi souvenir Mar 2 Mar 2010 - 10:46

bin mi l' pus viux souv'nir que j'me rappelle ch'est l'jour d'ù qu'j'ai copé mes caveux pace j'avos eu peur quind j'avos intindu m'maman dire qu'elle voulot m'emmener chez l'coiffeur (mais j'l'ai d'jà raconté dins in aute sujet)
j'devos avoir in tiot peu d'5 ins, pace que su l'photo d'mes 5 ins j'ai des belles crolles et su eune aute prise in tiot peu après j'sus coiffée façon Jeanne d'Arc su sin bucher..
j'me rappelle de rin de précis avint cha, mais y parait que pus in veillit miux qu'in s'rappelle des souv'nirs de l'tiote infance, alors que voulez vos, mi j'sus pas core assez vielle.... j'complèterai l'rubrique dins 10 ou 20 ins ....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Plus vi souvenir Mar 2 Mar 2010 - 11:11

affraid J'devos avoir tros ans, pas pusse e' qu'quate.1932/1933 ! ! . ...Em mère vindot des légeumes d'sur el route nationale, à 200 mètes d'el barrière qu'in vot d'sur el carte pstale ed Billy Montigny, côté Lens , à droite d'el route. Cha, ch'est précis dins em'mémoire.
. Dins l'tiote cour d'el majon, j'avos appuyé l'planque à lessife conte une bouleusse et j'avos voulu grimper à quate pattes d'sur cheule planque.
. C'qui dévot arriver arriva....l' bouleusse alle s'a artournée, aveu l'planque ... et.......j'me sus coinché mes paufes tiots dodts inter l'planque et l'daine....... J'ai fait eune vie ed tous les diappes ! ! ! ! Ch'est un souv'nir ......plutot ....cuisant ! ! ! !
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: Plus vi souvenir Mar 2 Mar 2010 - 11:45

Bin mi j'in est deux (bin ouais Batisse et les z'aut' n'pinsez à rien d'aut' hein!), mais je n'sais pas l'quel ch'est qui est l'pus viux.

1- ch'est eun' main qui arriff' sus m'bouque avec de l'gaze certain'mint pou m'indormir avec d'l'éther et m'inl'ver mes amygdales à l'hôpital St Barbe ed Bruay.
Mais je n'sais pus à quelle ach' in faisot cha mais j'devos pas ête bin grand.

2- là ch'est sûr j'avos 4 ans j'étos in haut de l'tour du château d' Agecroft à La Napoule et, avec un révolver d'cow-boy à bande ed pétards que mes parints is m'avotent accaté, j'tiros sus un avion qui passot au d'sus d'nous.
Revenir en haut Aller en bas
nanadette



Sexe : Féminin
Date d'inscription : 25/12/2009
Messages : 93

MessageSujet: Re: Plus vi souvenir Mar 2 Mar 2010 - 12:37

bin dis donc , loumarcel , té triches ?

not' chti alsacien y avot dit un , pas deux !

infin té t'arringeras avec li !

mi min plus viux souvenir , j'avos moins d'5 ans , mais j'sais pus au juste ! cha s'passot à l'since de m'grand-mère , in étot tertous insonne , ches cousins et cousines , et in avot dins les 5 à 7 ans , in tout in devos ête 6 jones

j'sais pas cha qui nous a pris , après diner ( début d'après-midi donc ) ches parints y z'étotent core in train d'boire eune goutte d'jus , ( nouzautes in avot quartier lipe comme in dit asteur )
in a décidé d'aller vire ches bidets à l'barrière de l'patûre ,
et je m'souviens pus qui ch'est qui a eu ch'l'idée là !mais y in a un d'intre nous qui a ouvert l'barrière !

ches bidets , in aurot dit qui demindaient qu'cha ! y ont sortis tertous insonne comme pour rintrer à l'écurie !
y in avot au moins 4, nouzautes in s'a jechté contre ch'l'haillure pour les éviter ! j'allos oublier l'terrain y étot in pente ! donc ches bidets y étaient au galop !

ches parints qui nous avaient vus monter vers l'barrière et qui ont vus ches bidets dévaler , y ont eu l'peur d'leur vie !

quand in est ardechindus , in étot pas fier d'not' connerie ! in s'attindot à s'faire bien inguirlander !

eh bin mes gins ! cha qui nous a l'plus marqué ch'jour-là! cha a été d'vire nos parints affolés , blancs comme des linches et tellemint soulagés d'nous vire qui nous ont sérrés dins leurs bras tout in brayant !

y nous ont pas disputer , mais j'cros qu'cha a été pire pour nousautes d'vire la peur qu'in venot d'leur faire ! in s'in souvient core tertous , plus que si in avot eu eune bonne fessée !

l'reste des vacances y a pus été question d'faire quartier lipe !
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Plus vi souvenir Mar 2 Mar 2010 - 14:14

rire ichi, ch'est hors concours.
. Cha concerne in viux souv'nir d'em mère.
. Dins les grintes familes, l' grantes files devotent s'occuper d'leurs tiots frères. Donc em mère, alle devot prom'ner sin plus jeune frère.
. Is arrifent d'vant eune bétallières pleine ed vieaux. Sin frère, min mononque, i comminche à braire: "J'veux aller voir les veauxeauxeauxeauxeaux ! ! "J'veux aller voir les veauxeauxeauxeauxeaux ! ! "
.....
. Em mère, énervée, alle soulèfe sin frère et elle i colle sin nez conte elle bétalière in dijant: " Tiens, les v'la les veaux ! ! " Ch'est alorse qui n'a un, d'vieau, qui avot sin cul tourné ed du bon côté, qui a laiché caire d'es qué vous pinsez in plein d'sur el figure ed min mononque! ! !
. Em grand mère alle arot pus tuer s'file d'sur plache, alle arot rin pus faire, em mère alle sérot plutot morte ed rire ! ! ! Alle n'arrivot pus à s'in armète! ! ! rire ... affraid hors concours ! ! !
Revenir en haut Aller en bas
Contenu sponsorisé




MessageSujet: Re: Plus vi souvenir

Revenir en haut Aller en bas
 

Plus vi souvenir

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-