Bonjour Tertous,
ichi Gérard i parle ed "mannoqueux" sus chés routes, mais cha a pas l'air d'avoir l'minme signification que j'connos qui est "paresseux", "pédant".
I aurot il eun' aut' signification, qui ch'est qui pourrot décoder cha.

Un mannoqueux, dins min coin ch'étot , un bon à rin. Un fate qui faijot rin d' bien ! ! !

Bonjour mes gins...

Personnellemint , j'ai jamais imployé l' nom d' manoqueux pour dire "Pédant ou paresseux "..mais j'sus pétête tout seu..
J'ai caché et j'ai trouvé cha...

Dins l'industrie lainière du 19° sièque, l' misère des ouveriers les obligeotent à exercer plusieurs pétits métiers .
In les artouvot après lu poste, ou l' diminche , sur les routes comme " Barbiers à 6 liards l' barpe " , " raccommodeux d' pindules in bos" etc...
Souvint mal habillés , in a finit par donner ch'nom la à des gins mal dégourdis, mauvais ouveriers , sans qualification, allant d' villache in villache pour proposer leurs services.
Dins les fosses, un manoqueux ch'étot un mauvais ouverier, pas forchémint paresseux, mais mal dégourdi.

In Ardennes belge et française... individu peu consciencieux, à qui on ne peut confier aucun travail sérieux synonymes ,qui ne sait pas, qui ne fait pas son travail.
terme de mépris pour désigner un pauvre.

Grosses baisses.
Léon

Bonjour Léon,
in cachant miux j'ai trouvé :
Manoqueux, adj. Homme exerçant plusieurs états. Crispin, des Folies amoureuses, (XVIIème siècle)
Qui fait tous les métiers d’après le naturel, est un manoqueux.
Merci Léon

j'ai cangé l'signification de ch'mot "manoqueux" din ch'glossaire Marcel, j'in ai profité pour faire l'mise à jour.

T'as eu raison Roger, mi j'ai pas fait l'tour complet ed tous chés mots y in a tel'mint.
J'va m'y r'mète

. Léon i a du habiter dins un coron pas loin du mien ! !

din l'rue de la cote au trois !!