L'an passé en juillet, l'un de mes p'ti fils (presque 5ans) qui était venu passer une journée chez Mamie & Papy me regarde déterrer un pied de PdT pour voir si elles étaient bonnes à enlever et arriver à la bonne grosseurs, me demande ce que je fais je lui explique donc comme il va de soi, depuis le début ....Plant,feuilles fleurs et maturité ...

Il a paru assez pensif ??

A son pére qui venait le rechercher ...il a couru vers lui en disant .....

" Papa ....Papy il a trouvé un truc pour pas acheter des PdT au magasin "

Ah ché gosses d'ach'teur !!

PdT j'pinse que té veux parler d'pommes de terre ?

Ouais chés gosses asteur is sav'tent pus trop commint is sont les légueumes dins l'gardin.
Un d'mes tiots (8 ans) m'veyant arvenir avec des tomates du gardin me dit fièrement : "les tomates de ma maman elles sont toutes de la même couleur et de la même grosseur, les tiennes elles sont pas toutes pareilles !"

Par conte z'inquiétez pon y s'rintent compte qui z'ont pas l'même goût !!!

Et ché jeunes y préférent nos tomates à nous et pis d'abord quand ils les sintent y votent bin que ché pas l'même odeurs non puq, vu quesse zotes, y sintent rin !!!

Quand j'vô em'belle fille sintire mes tomates cha m'rimpli ed bonheur autant qu'elle ...Qui dit toudi cham'rappelle em jeunesse din l'gardin d'min grand pére !!

Hier un d'mes tiots (3 ans 1/2) arrive avec de l'confiture de fiques que s'maman avot fait. I avot pusieurs pots, pou mi, pou l'maîtresse et pou l'dame de service de s'classe.
Quind j'sus allée l'arquerre à l'école sa maîtresse me raconte qu'alle avot bin rigolé et que l'maman devrot déposer un brevet d'fabrication pace qu'avec c'procédé là alle va s'faire des doupes.
La maîtresse voulant faire eune leçon de chose (comme in disot nosautes dins l'timps) demande au tiot d'espliquer à chés camarates commint l'maman avot préparé l'confiture de fiques.
L'tiot tout fier esplique que la maman avot été querre des PEMMES dins l'gardin, qu'alle les avot mises dins eune castrole avec du chuque et qu'après cha avot donné de l'confiture de fiques. La maîtresse le reprend in li disant qu'alle avot été querre des fiques et non des pemmes mais l'tiot dit : "non, non c'est des pommes et après ça fait des figues"...

J' étos débout à côté de m' pétite file, assisse par tièrre et qu'i m' ravisot d' bas in haut in liévant les yux au ciel, j' mesure pas loin d' un mète quater vingts et pésos 98 kilos....( j' ai perdu 10 kgs)
. " Té bien gros ! tu n' attendrais pas un bébé au moins " ! !
.......
. S' soeur quand elle était petite:
" Mon grand père à mal aux reins(l' autre grand père) i doit avoir l' coup du lapin" ..
. J' vous parle pas des perles qu' jai treuvé dins les devoirs d' expression écfites des élèfes ....
.

C'midi i avot des épinards à minger.
Min tiot (toudis l'même tiot, chti qui a eune sacrée babelle) m'dit :
"j'aime pas trop les épinards"
"oui mais si tu veux être fort comme Popeye il faut en manger, tu connais Popeye ?" qu'j'y deminde
"Oui, ze connais, Popeye, mais ze préfère Zorro, il est plus fort que Popeye, il a eune épée, et Zorro il mange pas d'épinards !"

mi j'vos l'dit, i ira loin chti lal !
(l'pus dur ch'est d'garder sin sérieux devint s'bouille d'anche, comme j'dis à s'maman, "il faut lui faire faire du théâtre quand il sera plus grand"....

Toudis c'tiot, bintôt 4 ans asteur, c'midi in rintrant d'l'école :
"ze suis allé voir la gare ce matin avec mon école" (prononcez gâââre)
Mi : "ah bon ? tu as pris le car ?" (la gare est dins l'ville d'à côté).
"Mais non, c'est à côté de l'école, on s'est donné la main" (dit il avec un air de dire que je comprends rien !).
"Mais qu'est ce que tu appelle la gare ?".
" Ben c'est le monument avec la statue et les gens qui sont morts, même que tu fais la musique demain * "...
"ah, tu veux dire le monument aux morts"
"ben oui le monument de la gâââre, que demain c'est la journée et qu'on a pas école"...

* les enfants des écoles vien'tent toudis in grind nompe pou chés cérémonies du 11 novimpe et 8 mai, incouragés par chés maîtresses et maîtres et bin sur les tiots que j'garde sont là.

Bin tint que l'guerre s'ra pour li un' gare.....elle s'arrêtera vite. Cha m'fait pinser à min garchon qui qui aimot bin l'couleur "belge" !

Comme vos l'avez compris, l'tiot que j'parle ichi d'sus ch'est un sacré numéro.... C'midi i nos a cor fait rire.
Comme i racontot c'qu'i avot fait c'ouiquende, au mitan de s'phrase i nos dit "j'étais tranquille mimile sur la balançoire quand..."
Après in parlot de l'anniversaire d'sin cousin, que chétot hier, et i m'dit, comme cha, tout d'un cop : "toi t'es vieille", pis i ravisse min homme et i li dit "toi aussi t'es vieux, quand je serai grand, tu seras encore plus vieux et quand je serai encore plus grand, ben toi tu seras mort" !
"Eh oui qu'on lui répond" et là i fait eune tiote mou rigolote i hausse chés épaules et rajoute "ben oui, c'est la vie, quoi"...
S'grinde soeur de 9 ans voulant rattrapper l'cop, li dit : oui mais c'est pour dans longtemps qu'ils seront morts".... OUF !

Elle a raison s'grinde soeur, j'espère que ch'est pour dins gramind lomind...
L'vérité elle sort de l'bouque des afints des fos et nous z'aut les adultes , in raconte des garlousettes aux viux du ginre '' mais non, pépère, te n'va nin mourir!'' Bin voyons..
Cha m'fait pinser à l'humoriste belche François Pirette dins sin sketch '' Amédée, j'vais mourir''... ( in peut cacher cha su Internet) C'est Batisse qui m'a fait connaite Pirette.

mi, j'sus eune fan d'pirette: j'ai sin coffret d'douze DVD....et d'timps in timps in s'in fait eune giclée....cha fait du bien
j'guette aussi si qu'y passe in tournée in belgique (y passe qu'là bas)...je l'minqueros pour rien au monte...

Mi aussi j'ai les 12 et comme ti, de timps in timps j'in fais eune cure. I n'a peur de rin et i a un sins de l'observation assez armarquable in ce qui concerne l'vie de tous les jours.

Amédée ch'est bin sur excellint. L'momère à Nathalie aussi...

Le rev'là not camarate, j'm'doutos bin qu'il étot nin parti à Rome !

Est-qu'in dit incore aux infants : à Pâques l'coq y va ponte ?

Cha dépind des régions ! Dins l'Est d'el France, ch'est l'lièffe qui pond.....

Duchemint avec les incinérations chu les cloques hein... je vous ai à l'oeul vous deux! I n'd'a nin un pour racheter l'autre!

Bon, à part cha, me vlà à ch't'heure arvénu à m'majon, après eune tiote semaine riche in émotions...

Je chus fin bénache!

Ichi ch'est les cloches...et y n'd'a des masses aujourd'hui dins les boutiques qui acatent bien cher du chocolat bas de gamme.

Peu importe, tcheu plaiji pour les z'afants d'cacher après les oeux bien muchés dins les gardins.
Heureusmint qu'les not y sont grinds à ch't'heure et qui préfèrent eune bonne plaque ed chocolat ( y n'd'a des bons pour les goulaffes) pacqu'in avot des problèmes aveuc l'quien qui trouvot les oeufs avint les afants!

Ca y'est t'es arvenu à t'majon Batisse?.. t'avos laichi un mot su l'taffe signé '' Jean mérie'' les afants y s'demindotent qui qu'ch'étot