Bonjour mes gins, ej sus continte, i fait biau. In arvit comme in dit chez nous. Commint que vous allez tertous ?
Mi cha va fort bin; incor un nid d'mouettes (3 oeufs qui sont couvés) sur l'toit d'min bureau. Ej n'ose pus ouvrir l'farniette pour m'aérer; alle vont m'attaquer.
Un gros batiau est installé pour "l'développemint durape" sur DUNKERQUE dins l'port juste in face d'min bureau. In dirot la croisière s'amuse.
Bon ej vous laisse et eune grosse baisse à tertous ed Malo.
La fleur ed Malo. Lyly

Bonjour LYly, j'espère que tout va bien de ton côté ! ! !

Bonjour Pierre, ej sus fin continte de t''lire.
Commint que té vas.
Bien j'espère.

La fleur de Malo?

Sacrée Lili. Cha va les cheviles?

T'existeros nin qu'i faudrot t'invinter!

Infin, grâce à ti j'ai appris que les mouettes ch'est florivore... Dis me, pourquo qu'elles t'attaquerottent les mouettes? Te leur as piqué des oeufs?

Bonjour Batisse, ej m'ennuyo après ti. Ej pinse souvint à vous autes tertous mais l'timps i m'manque pour vénir vous faire des tiots coucous. Bon dimanche à tertous.

Bin ichi ej correspond avec l'KANSAS au USA m'n'arrière grand-mère alle a un frère mort et interré dins un cimetière au KANSAS au USA à 84 ans. Tout cho parce que j'arcache avec m'généalogie. Véridique ! L'pire ché que l'anglais américain ch'est dur à traduire. On m'a meume invoyé l'photo de l'tombe. Ej pinsse à l'pièche à Léon (ni fleurs, ni couronnes, ni farindoles). Bin que ju.

Si que je comprinds bin, t'es devenue eune espèce d'imbassadrice de Malo (ou de France?) vis à vis d'eune paire de généalologues ricains.

Ben tcheu ju...

Acoute à t'n'orelle tiote; j'ai nin tout compris à t'n'affaire. Te dis que t'n'arrière grind mère elle a un frère qui a cassé s'pipe alors qu'i avot 84 ins, dins un décor de western, à cause que te cachos après li. Cha voudrot dire que t'n'arrière grind mère elle vit incore?

Ben dis donc, i a l'air qu'in vit viux et qu'in fait des afants rudemint tôt dins t'famile. A quel âge t'as comminchi tisaute?

Dis me, de tin nom de jone file, te ne t'appelleros nin Dalton ti par hasard?

A part cha, si que te sors aujord'hu, n'oblie nin de mettre tin capieau de palle - avec un lélastique pour nin qu'i s'invole - parce que le solel i va buquer d'après cha qu'is distent dins le poste.

Même à Malo cha va buquer. I paraitrot même que par indrots le sable i pourrot séquer... Nan, ch'est eune blague, ch'est foque pour te faire indever!

Allez, eune bonne journée à tisaute et si jamais te tchais du côté de la fesse de tin arrière grind mononque - ch'étot nin un moine au moins? - chu in incêtre ricain qui s'appelle Christophe Colomb, ch'est pus la peine de cachi de ch'côté-là de l'mer du Nord.

Je dis cha pour nin que te pertes trop de timps et que te peuches venir ichi babeller avec nousautes, que ch'est toudis un grind momint.

Ya que ti Batisse pour treuver cha ! In tout cas min arrière arrière grand-père yétot fort solite. Ej cros qu'on est des costaux dins l'famille. Min père yé décédé à 85 ans. M'mère alle a 86 ans. Alle est incor in pleine forme sauf l'surdité. In dot y parler fort. Jean i s'énerfe parfos avec s'belle-mère. Que famille ?

T'as connu tin arrière grind père?

Ch'est lequel d'ailleurs? Le mari de l'arrière grind mère que sin frère i est mort dins un western? Elle s'a mariée qu'eune fos? Je dis cha parce que de min côté, à cause des guerres et des maladies, i a eu grammint d'armariaches, avec des frères et soeurs qui n'avottent souvint nin tout à fait les mêmes parints.

In tous les cas, pour mi l'généalogie ch'est cuit: je chus archi nul in histoire et même dins l'famile je ne sais souvint nin qui est qui, ni pourquo i est de l'famile.

I faut dire aussi que cha ne m'impêche nin de vivre heureux...

Batisse est-ce que té pourros m'traduire l'texte "anglais américain" in français où quiqu'in d'aute que j'viens d'archevoir ? Commint que j'dos faire pour l'transmette ?
J'ai besoin d'aide ? Merci.

min émile perso ché toudis l'meume. Attintion ej veux pon ed traduction "anglais patois" surtout pon, surtout pon...cha fero offinse à m'aïeul.

Tin émile perso ch'est toudis le même? Eh ben je chus bin contint... ch'est laquelle?

Blague dins le coin, te buques chu MP in bas d'un messache à mi, et t'aras drot à eune ferniête d'ùche que te pourras m'indiquer tin adresse émile via sin site à Roger nous grind chef à pleumes.

A partir de là in intrera in contact par derrière les rideaux...

In fait comme cha cow girl?

bin dit donc lyly,tin mon oncle y est pas interré à coté ed jjohn waine sur sin bidet pis ses bottes et sin capieau ed cow boy....

Salut min duc ed calonne, ej sus fin bénache de t'lire.
Que ju v'là qu'astheur ej dos savoir parler et traduire in anglais américain (ej précise anglais américain) car ché pon du tout parel qu'un anglais normal. Ya des différinces.
Ouais ej sus din l'Kansas. Té vos ej voyage. Enfin ché m'parinté qui est là. Ej sus à l'foufelle avec cha. Ej dos deminder à des camarades pour l'traduction vu que l'femme américaine alle s'est lire l'français mais pon l'écrire. On a incor l'air ed des babaches nous autes vos savez ! Jean y m'a dit au lieu ed t'amuser té fro pon mal ed faire du perfectionnemint in Anglais (Américain).
Que ju ! Fais eune grosse bise à Brigitte et des caresses à tes quiens.
A bétot

ej vais pas t'aider in inglais, ej sait que deux lanques, le chti et français, in tout cas ej sus contint de t' lire, t'est prirae bien l'bonjour à jean, brigitte al te dit merci ,et t'a l'bonjour ed marie jeanne....

ej m'escuse pour el faute que j'ai faite , ej sus fatigué...

bonjour lyly continte de t'lire !!!avec ch'biau temps qui r'vient i va avoir du monte à malo !!!!!!
bon diminche bizzzzzzzzzzes
annie

Merci Annie , ej sus fin bénache d'avoir d'vos nouvelles à tertous.
Mi ej n'in peux pu ej sus intre l'patois, l'français, l'anglais et l'amerloque; du cop ej finis par mélinger mes pédales. Ej pinsse à vous souvint "mon dieu que famille".....

batisse , marie jeanne ch'est m'soeur, pis el copine d'école à lyly...