AccueilFAQRechercherglossaireLa charteConnexionS'enregistrer
Statistiques
Nous avons 387 membres enregistrés
L'utilisateur enregistré le plus récent est Isabelle Matuszak

Nos membres ont posté un total de 30429 messages dans 2280 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Comme eun' écrevisse

Voir le sujet précédent Voir le sujet suivant Aller en bas 
AuteurMessage
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Comme eun' écrevisse Mer 14 Juil 2010 - 9:51

Hier in a été à la plach' ed Palavas avec chés gosses, i avot un solèle ed plomb, j'ai passé presque tout min temps dins l'iau, j'étos bien mais sans min rinte compte j'ai pris un sacré d'cop d'solèle sus min dos , min vinte et m'figure, j'sus à l'biafine à ch't'heure et des douches froites pou ar'frodir m'piau. J'vous dis pa l'nuit qu'j'a passée.
Heureus'mint i fait un peu moins caud aujourd'hui i a des nuach'.
Revenir en haut Aller en bas
Matante

avatar

Sexe : Féminin
Date d'inscription : 28/12/2009
Messages : 781
Localisation au Nord

MessageSujet: Re: Comme eun' écrevisse Mer 14 Juil 2010 - 15:21

Si comprinds bin, ch'est un' histoire à dormir debout ou assis....vu qu'in dos et d'vinte sont tout rouches !

Ch'a i est, l'orache i est là avec ches trombes d'ieau....cha raffraîchi, ch'est un' douche naturelle pour ti Loumarcel. Allez soigne-te bin al biafine, j'cros qui a des tubes qui doivettent s'vinte al pelle.....
Revenir en haut Aller en bas
la clo



Sexe : Féminin
Date d'inscription : 25/12/2009
Messages : 644
Localisation Brive la Gaillarde

MessageSujet: Re: Comme eun' écrevisse Jeu 15 Juil 2010 - 11:36

Mi aussi j'ai été eue ! j'bricolos sus m'terrasse à r'peinde des balustrates : y avot un tiot vent qui faisot supporter l'solel, un capieau sus m'tiête j'étos fin bien.
Ah ouais, mais l'soir j'étos rouche fluo dins min dos.
j'ai mis aussi del crème. J'ai pu dormir ch'est déjà cha.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4908
Localisation St Dié dins les Vosges

MessageSujet: Re: Comme eun' écrevisse Jeu 15 Juil 2010 - 19:11

Ben déchidémint... ch'est l'semaine des brûlés.

Mi j'ai fait eune sacrée bêtisse... mardi au matin je chus parti chez Mérilou, du côté de Tours, in mobylette.

Avec les caleurs qu'i a faites, je me chus dit que cha serot peut-être nin superflu de mettre du sint bon dins min caxe et dins mes gints, histoire de mucher les évintuels mauvais sintimints consécutifs - muillerd que je cause bieau - à l'transpiration.

Et comme sint bon, j'ai rin trouvé de miux que de l'ieau de Cologne. Vu que cha ne coûte nin quer, je n'd'ai versé eune bonne rasade dins chaque gant, et eune autre dins le caxe. Aussi sec - façon de parler parce que ch'étot tout fraique - j'ai mis mes gants à mes mains et le caxe chu m'tiête - l'inverse cha n'allot nin - et je chus parti.

Ouais, ben l'alcool à 70 pressé bin fort contre l'pieau de min front, cha l'a brûlée. Pindint 8 heures le supplice i a duré. Et i a rin à faire, i fallot que je roule avec le caxe chu m'tiête... J'ai souffert. A ch't'heure j'arsonne à Gorbachev.

In plus bieau, infin je trouve...

Mais bon, cha va déjà miux. J'avos passé min pestaque des fux d'artifice à éponger le jus qui coulot avec min tire jus. A ch't'heure i n'a pus de jus qui coule. Je chus arvénu à m'majon avec eune compresse chu min front. Les ginses is m'arwettiottent tout drôle eune fos que j'inlevos min caxe...

Promis juré, je ne le ferai pus!
Revenir en haut Aller en bas
la clo



Sexe : Féminin
Date d'inscription : 25/12/2009
Messages : 644
Localisation Brive la Gaillarde

MessageSujet: Re: Comme eun' écrevisse Jeu 15 Juil 2010 - 19:28

vaut mieux sintir l'transpiration alors,
enfin, pas trop quand même.
t'as dû déguster ch'est sûr
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: Comme eun' écrevisse Jeu 15 Juil 2010 - 21:28

Hé bé tcheu jeu... tertous y cauffe aveuc l'soleile. In dit qui faut mette un capiau pour s'protéger et y n'd'a qui mettent du sint bon dins leur casque.
Pourtint, nous z'aut in est habitué au fumet naturel ed'Batisse. Aveuc s'n'odeur ed Cologne in dirot un vrai viu.
J'sus témoin du dallache... Hé bé qui est laid à ch t'heure! eune terreur pour mes tiots afants qui n'avottent jomais vu leur mononque in lambeaux. A ch't'heure y arsimpe à Gorbatchev mais in pu modeste: au lieu d'avir toute l'carte du monte su s'tiête, Batisse y s'artrouffe aveuc foque el carte de la Réunion su sins front...mais in tros diminsions aveuc el volcan qui guille!!!!
In avot mis un tupe ed mitosyl su l'taff qui fallot nin confonte aveuc de l'mayonnaisse.

Bléssé au front y va mériter eune médale.

Y n'est pos resté lomind à m'majon Batisse, in li a mis des berlouffes autour de s'tiête pour aller à sin lit...

J'va nin faire em mariole, vu que j'a été nin très sache non pu. Diminche in a vindu un tas d'vieuseries à la brocante ed min villache ( mais Batisse y'étot pas cor là) et j'ai attrapé aussi un coup d'soleile in dessous de not parasol.

J'avos mis un collier aveuc un cordon et un berloquant in noix d'coco et bin l'soir j'avos l'trace toute blanque aveuc l'pieau rouche autour...
J'va m'excuser au passache de nin venir gramind su l'foroum à causse ed l'ouvrache, mais min tcheur y buque toudis aveuc vous z'aut tertous.
J'souhaite des bonnes vacances aux ceuss qui in prennent et l'meilleur à tertous et sin quien.
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: Comme eun' écrevisse Jeu 15 Juil 2010 - 22:19

L'piau blanque ch'est là qui restot un tiot peu ed lait d'coco.

Aujourd'hui in a été vire toudis sous l'solèle les cascades ed Sautadet à côté ed La Roque sus Céze, bin ch'est à vire, mais pas après in orach' hein!
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4908
Localisation St Dié dins les Vosges

MessageSujet: Re: Comme eun' écrevisse Jeu 15 Juil 2010 - 22:54

t;Loumarcel"Aujourd'hui in a été vir les cascades ed Sautadet, bin ch'est à vire, [color=Red]mais pas après in orach' hein![/quote]

Quo qu'ch'est qu'i nous raconte incore eune fos le boyau rouche? Après un orache, i a puq d'ieau. Donc eune cascade - que normalemint ch'est de l'ieau qui quet - cha serot, dins m'logique à misaute, plus pestaculaire tchand qu'un orache i li amène grammint d'ieau à déverser.

Eh ben Marcel i préfère les cascades qui font un tiot pipi, avec quelques algues toutes vertes.

Quo qu'ch'est que t'as incore voulu dire et qu'in a nin compris?
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: Comme eun' écrevisse Ven 16 Juil 2010 - 12:43

Ouais j'me comprint, et j'va essayer d'esspliquer :

passe que après chés cascates i a des marmites, des labyrintes etc... et quand qu'i y a des gros orach' in amont et que l'niveau i monte vite i a pus trop d'cascates, tout est noïé, i a déjà eu des morts (des parisiens) et minme un pompier qui voulot sauver quelqu'un.
Cliquez chi d'sous:

http://www.youtube.com/watch?v=_OkKpanEsoE

et pinsez à s'que cha peut faire avec gramint pus d'iau après un orach' et ch'est bin pus long que s'qu'in vot.
I a d'aut' vidéos sus You tupe vous ravis'rez.
Revenir en haut Aller en bas
la clo



Sexe : Féminin
Date d'inscription : 25/12/2009
Messages : 644
Localisation Brive la Gaillarde

MessageSujet: Re: Comme eun' écrevisse Ven 16 Juil 2010 - 19:45

j'viens d'aller vire, ch'est bieau, j'imagine quanque y a plus d'ieau, et l'bruit cha dot ête impressionnant.
Revenir en haut Aller en bas
Roger

avatar

Sexe : Masculin
Date d'inscription : 17/12/2009
Messages : 1273
Localisation Henin Beaumont

MessageSujet: Re: Comme eun' écrevisse Ven 16 Juil 2010 - 20:24

pour être impressionnant,ch'est imptressionnant!
té t'vos faire du canoé la d'dins!!

-+-+-+-+-+-+-+-+-+-+-+-+-+-+-+-+-+-+-+-+-+-+

Revenir en haut Aller en bas
http://www.videochti.fr
la clo



Sexe : Féminin
Date d'inscription : 25/12/2009
Messages : 644
Localisation Brive la Gaillarde

MessageSujet: Re: Comme eun' écrevisse Ven 16 Juil 2010 - 20:39

ah non, pas là.
Souvint les vacanciers n'connaichent pas l'danger.
In cas d'orache, cha arrive vite l'ieau !
Ch'est parel dins les gorges du Tarn. Y a d'belles tiotes plaches pour s'installer bronzette, pique nique, in installe inne toile ed'tente et pis quanque l'pleuffe ale arriffe i sont pris au piège.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4908
Localisation St Dié dins les Vosges

MessageSujet: Re: Comme eun' écrevisse Ven 16 Juil 2010 - 21:23

la clo a écrit:
in installe inne toile ed'tente et pis quanque l'pleuffe ale arriffe i sont pris au piège.

Is ont qu'à printe des tintes que l'frotture éclair elle se coinche nin tchand qu'elle est mouillée. Non?
Revenir en haut Aller en bas
la clo



Sexe : Féminin
Date d'inscription : 25/12/2009
Messages : 644
Localisation Brive la Gaillarde

MessageSujet: Re: Comme eun' écrevisse Sam 17 Juil 2010 - 8:42

ch'est cha, te fais partie ed ceusses qui n'comprennetent pas du premier cop ! alors j'esplique.
J'ai voulu dire qui sont pris au piège de l'plache qui n'in est pus inne. Tout y est inondé, tout plein d'ieau partout ....
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4908
Localisation St Dié dins les Vosges

MessageSujet: Re: Comme eun' écrevisse Sam 17 Juil 2010 - 8:51

Ah valà... Donc, pour aller faire du campinge par là-bas, i faut printe eune tinte avec le matelas pleumatique cousu dessur.

Ch'est nin cha qu'i a comme radeau de sauvetache dins les avions?

Ch'est peut-être aussi de l'hausse subite du niveau d'ieau qu'elle vient l'expression "le mou Tarn monte à min nez". Quo que t'in pinses, ti que t'es de là in bas?
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4908
Localisation St Dié dins les Vosges

MessageSujet: Re: Comme eun' écrevisse Sam 17 Juil 2010 - 9:00

A part cha, je n'arsonne pus à Gorbachev. J'arsonne à Berlusconi.

J'explique... hier j'ai fini par me décider à tonte min gazon, vu qu'i avot des cruauds de 50 cm de haut qui déhuttottent et que cha faijot incore plus laid que d'habitute.

J'avos mis un bieau bob chu m'tiête, pour nin l'brûler incore puq.

Et comme i faijot rudemint caud, j'ai sué comme un boeu. Et eune fos que j'ai eu fini j'ai pris eune serviette éponche et j'ai essuyé m'tiête, sins pinser à l'brûlure à min front... Du coup l'serviette éponche elle a immenée avec elle l'croûte brune Gorbachévique, pour laichi à l'plache eune bielle pieau rose, qu'in dirot un baiser de guernoule avec grammint de rouche à lèvre.

Ch'est pour cha que je dis qu'à ch't'heure j'arsonne plutôt à Berlusconi...

Vous coperdez?
Revenir en haut Aller en bas
la clo



Sexe : Féminin
Date d'inscription : 25/12/2009
Messages : 644
Localisation Brive la Gaillarde

MessageSujet: Re: Comme eun' écrevisse Sam 17 Juil 2010 - 9:08

ouais j'sus là ! j'ai compris, maintenant l'Italie après l'Espagne et l'espagnol
dis me t'es bronzé quemint avec tin bob sul tiête t'es bronzé "in rond?"
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4908
Localisation St Dié dins les Vosges

MessageSujet: Re: Comme eun' écrevisse Sam 17 Juil 2010 - 9:18

Je chus bronzé dins min cou. Et toc!

Tchand que je m'arwette dins l'glache sins quémiche, in dirot que je chus habillé. J'ai comme qui dirot un ticheurte blanc avec des drôles de manques... I a eune couleur pâlotte du mitan du biceps jusqu'au coude et, du coude aux mains ch'est plus foncé. In puq, comme j'ai souvint mins bras gauche au cassis, i est plus coloré que l'autre. Et in vot bin l'trace de l'montre.

J'ai à ch't'heure min crâne plutôt blanc, vu que je me déméfie des cops de solel là-haut, que cha pique et que cha pèle comme les viux de l'hospice, avec m'trace de rouche à lèvres posée par eune bouque bin lipue chu min front.

Miux vaut que je reste muché... un armète contre l'amour batisse!
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Comme eun' écrevisse Dim 18 Juil 2010 - 8:31

. Vénez dins l' Pas d' Calais mes gins, à Beurck, jamais un cop d' solèle,..........infin, presque jamais. .
. ( Eune écrevisse cha dot ète un équerchin ? ? ?)
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Comme eun' écrevisse Lun 19 Juil 2010 - 9:08

bin nosautes in arvient d'avoir passé 2 jours chez m'bielle mère à Perpignan d'ù qu'in est resté au frais dins l'majon, vu que quind in va là bas ch'est pou profiter de m'bielle mère qui n'sort pus sauf pou s'occuper d'sin gardin, pis après in a passé 3 jours vers Avignon d'ù qui faisot eune caleur - 39°- que même les gins d'las bas is s'plaignottent..... pis quind j'avos réservé là bas j'ai pus pinsé qu'ch'étot in plein pindant l'festival, alors i avot in monte fou c'qui fait qu'in a putôt visité les alintours d'Avignon pace qu'eune jornée dins l'foule cha a suffit à not' bonheur, j'ai quind même été guincher su l'pont et visiter l'Palais des Papes....
in a pris d'bielles couleurs mais pas d'cop d'solel....

au fait mes gins méfiez vos avec l'Biafine, normalemint quind in in met in n'dot pas exposer au solel l'indrot "pommadé" pindant 48 h.... ch'est eune des cosses qu'in apprind quind in fait l'formation aux premiers secours

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: Comme eun' écrevisse Lun 19 Juil 2010 - 10:08

ah! bon, j'ai jamais intindu cha, j'ai donc fait s'qui fallot pon.
Revenir en haut Aller en bas
pépéPéBé

avatar

Sexe : Masculin
Date d'inscription : 25/12/2009
Messages : 4646
Localisation Wimille 62126

MessageSujet: Re: Comme eun' écrevisse Lun 19 Juil 2010 - 14:54

. Ch' est dingereux l' solèle ! ! ! Imagine un peu un nudisse qui prind un bain d' solèle couqué d' sur sin dos! ! ! Un cop d' solèle la d' sure et v'la l' créateur hors d' usache pour eune coupe eude sémaines ! !
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Comme eun' écrevisse Lun 19 Juil 2010 - 14:58

ouais Loumarcel i paraitrot qu'cha infreume l'leu dins l'bergerie comme in dit...

j'ai in tiot consel pou Batisse :
l'prochain cop au lieu d'mette de l'ieau d'cologne mais du sint bon spécial bébé, sins alcool d'dins cha évitera qu'té arsonnes à Gorbachev, imagine, avec cha té arsonneros putôt au bébé Cadum qui est quind même pus bieau à raviser que Gorbachev !

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Contenu sponsorisé




MessageSujet: Re: Comme eun' écrevisse

Revenir en haut Aller en bas
 

Comme eun' écrevisse

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-