D'nos jours y a un tro à un pull, in l'jette.
In n'jétot rien. quanque j'étos tiote.
In détricotot ches pulls.
Souvenez-vous avec vote mère devint vous, à détricoter et vous d'vant les deux mains tendues, face à elle, pour fabriquer l'écheveau d'laine. Si in voulot pas trop d'frisettes à l'laine in lavot l'écheveau bien attaché surtout pour pas qu'tout i s'mélanche.
Quanque i avot assez d'laine ed prêtes, là in immaginot un nouvieau pull et l'tricotache queminchot.
Comme i avot plusieurs pulls à l'origine, in avot des pulls à rayures !
Qui n'in a pas eu ? quanque les couleurs ale s'mariotent bien cha allot mais y a eu des cops du qu'ch'étot pas inne réussite mais in n'disot rien, ch'étot du neuf avec du vieux.

Pas avec em' mère mais avec Solan?e j'ai eu souvint les mains tindues in l'air pour détricoter ou alors directemint ar'faire eun' pelote qui servira pou un aut' pull.
J'in ai cor des crampes dins mes dogts. Ouaf! ouaf!
Ches gosses is ont eu toudis des biaux pulls.
Ches pétits infants aussi mais à ch't'heure ch'est pus à leu mote.

Mi j'ai m'bielle mère qui a toudis fait jusqu'à i a pas chi lommint chés pulls d'toutes chés couleurs avec des restants d'laine.
Un des dernis qu'alle a tricoté ch'étot pou m'file, seulemint alle avot oblié que s'tiote file avot 25 ins, i parait que l'infilache du pull cha valot un bon film comique, l'pull arrivant difficilemint au nombril de m'file qui étot bloquée avec chés bras coinchés in l'air...
Si Nougatine étot pas in vagances alle vos raconterot cha miux qu'mi car alle étot chez not' bielle mère au momint de l'essayache...
M'file avot pas osé dire à s'gind mère toute continte d'avoir fait ch'pull, qu'alle mettot pus c'ginre de tricot et qu'i devot être trop petit.

J'ai jamais vu mère tricoter,peut ête qu'elle aimot nin ou qu'elle n'avot nin l'temps vu qu'in étot 9 éfants,par contre racommoder des cauchettes!! cha ouais, et chétot tout un art aussi à faire surtout quand i avot des gros tros...

ed temps en temps, cha m'arrife core ed racommoder mes grosses cochettes in laine,pour racommoder mes cochettes ,je m'sert d'einne tasse !!

Et aprèst'as du jus d'cauchettes, j'croyos qu'avos quer du bon café.

ouai , loumarcel,j'ai aussi quer ech bon café

L'jus d'cauchette ché du bon jus (mi ej me souviens d'eune polonaisse à Calonne qu'i in faisot comme cha et in s'régalot tertous aveuc... alle le passot tout duchemint à l'louche et que bonne odeur dins l'mason....
Ej précisse que l'cauchette alle étot neufe...
In n'sait jamais aveuc certains.....

Ch'étot eune cauchette in coton ou in laine lili?

Parce que ch'est nin les mêmes apprêts de teinture, alors forchémint, cha ne donne nin le même goût à l'ieau de rinçache...

In puq, i fallot du tricoté serré et avec des malles qu'elles ne s'allongtent nin, pour éviter que le marc du café i passe au travers.

Les turcs aussi i font du café à l'cauchette, mais comme is sont plus pauvres que les boyaux rouches, is prentent des cauchettes bin usées, avec des trous. Cha fait qu'i a du marc dins lu café. Et un goût bin espécifique.

In tous les cas, cha explique le mystère de l'mercerie machin, dins le secteur d'ùche que lili elle étot tiote, qui avot des paires de cauchettes avec eune seule cauchette dedins... surtout les plus grintes pointures. Ch'étot à cause de l'louche.

J'viens d'lire tout l'sujet su l'tricot et cha m'a fait sourire et rappeler des souvenirs.Tout cha, ché vrai. In tricotot, détricotot pou ne rien jechter, in faisot des écheveaux, psis des pelotes bien rondes et bien grosses.
Min souv'nir, chétot d' vir em grind- mére qui faisot toudis ses boules in forme d'oeuf, comme in ballon d'rugby. Plus tard, j'ai essayé et j'n'a jamais réussi à in faire autant. Ché vraimint bizarre. Pour mi, qu'i'étot tiote, chétot in mystère...
mi, j'a beaucoup d'chance, j'a unne file qui a toudis mis les pulls que j'y tricotos avec plaisi, et ch'é l'minme cosse aveuc mes pétits-infants (13et 9 ans). Cha fait vraimint plaisi. Quand à m'note fille, l'laine ,al y grattot toudis!

eune maille à l'indrot,eune maille à l'invers.

cha s' vot qu't"a jamais tricoter sauf des gambettes, in valsant ou à la java!