Min Père i allumot ses cigarettes roulées ed tabac gris avec un briquet parèle.
Bon i a eun’ roulette avec eun’ pierre à briquet comme les zaut’ briquets mais dins ch’corps ed briquet i avot de l’ouate sus l’quelle i fallot mète ed l’essence pou qu’alle s’imbibe ainsi que l’mèche qui sortot à côté de l’roulette.
Un cop d’pouche sus l’roulette, l’mèche s’inflammot et au d’sus de flamme i avot eun’ finquière du diape quand té v’nos d’armète ed l’essence, l’flamme alle étot grante aussi; presque à brûler chés moustaches.
Qui ch’est qui a connu ch’briquet là ?

[img][/img]

mi j'ai connu...
min grind père maternel avot c'briquet là ! quind i allumot c'girarette, roulée à l'main ou bin dins s'blague à tabac (j'cros qu'cha sappelle comme cha) des fos ch'étot un vrai chalumeau, i restot toudis eune drôle d'odeur.... j'arvos cor min grind père mette l'essence su l'bout d'ouate assis dins SIN fauteul, avec un chiffon posé su chés gampes
min grind père avot des tiotes moustaches et j'me sus toudis demindée commint i faisot pou pas y mette l'fu !!

l'boite d'ù qui avot sin tabac i avot eune panthère d'sus, ou bin ch'étot su l'blague à tabac ? j'sais pu exactemint mais j'arvos cor l'dessin comme chi c'étot hier

Min père i n'avot un pareil pour alleumer ses roulés d'tabac bleu,j'vos core l'boutelle, d'essence din l'placart de ch'buffet,
eun' tiote boutelle avec eun' pipette de l'marque BP,et ses cahiers d'feulles à cigarettes OCB.

Mi aussi j'm'in rappelle même qu'in lisant l'explication ed Loumarcel j'avos l'odeur dins l'nez, un' drôle d'odeur comme dit Tiote bellotte. J'cros qu'ch'était nin min grind-père mais min père qui utilisot c'te briquet !

Min Père ses feules à rouler ch'étot de l'marque JOB.
Lors d'eun' journée du patrimoine in a visité avec des amis l'mason de Joseph Bardou qui est ch' fondateur d'eun' des intreprises les plus connues historiquemint parlant à Perpignan : l'usine JOB.
In a vu un biau vitrail aux armes ed JOB



et aussi eun' statue dins l'patio (ch'est mi qui a pris chés photos, et s'qu'alle a dins s'main cha queminche par un J hein!



j'vous pale pas des pièch' et des meupes qui a en dins l'mason.

Cha paye ch'papier à cigarettes hein!.

I n'd'avot dins le tiroir à bazar du buffet des briquets comme cha.

I a grammint de monte - dont min bieau père - qui rimplissot sin briquet à l'pompe à essince. Un plein pour l'2CV et avec les dernières gouttes, un plein pour l'briquet.

Mi j'ai eu un zippo. Non, des zippos, parce que j'in ai cassés grammint... In in faijot des manières pour ouvrir et alleumer ch'bazar.

Ch'étot - déjà - des copies, vu que les vrais zippos, cha coûtot un bras.

mi aussi j'm'in souviens de ch'briquet là, min père y s'in servot, l'mèche qui sortot à coté de l'flamme chétot pon d'l'amadou?

L'mèche ch'étot du coton. Même un lacet de bottine cha marchot.

Les briquets à amadou, ch'étot eune autre séquo, mais je ne me rappelle pus commint que cha marchot. In tous les cas, l'amadou ch'étot eune matière qui devenot rouche - sins flamme - facilemint eune fos qu'in la cauffot. Je ne me rappelle pus du principe qui étot utilisé pour la cauffer (pression? frottemint?).

Bin i avot aussi eun' molette avec eun' pierre à briquet, té faisos fonctionner l'moette, chés étincelles v'nottent brûler légèremint l'mèche d'amadou et insuite i fallot souffler sus l'mèche pou l'faire rougir et allumer t'cigarette comme si té l'allumos avec eun' aut' cigarette.

Ah ouais, ch'est cha!

Te verras tchand que t'aras m'n'âge...

vlà chi eun' photo de briquets à mèche d'amadou

on l'aplo aussi el briquet tempête parce que meme quand i faisot un vint ed sot in pouvot l'allumer.j'in ai eu un pus moderns j'en' va pas cor arraconter l'histoire j'inai ms eune sur el ite à minloute ej pinse que certain d'intre vousl'on lu parce qu'el sujet i coincide.

bin ouais nounours mais i a pet ête des gins qui nos lis'tent et qui connaichent pas l'site de Minloute, alors té peux bin l'arconter tin histoire...

té sais nounours tiote bellotte a raison,et pis ch'forum est fait pour cha.

j'ai pus l' temps ed vous l' raconter aujourd'hui parce qu'ej min va travailler si vous ete saches ej vous el metrrai ed main.

jure sur el tête ed Toni que té sache tiote belotte.
chose promise chose due attention la fin n'aura pus rien à vire avec el début.
j'ai eu un zippo à l'effigie ed l'Aunis chéto el batiau sur el quel j'ai fait min service militaire à Toulon i a fort longtemps(ne l' dite à personne j'ai peur d'el l'iau et ej dot ete el seul ancien marin ed France a n' pa savoir nager ben ouaus quand i a fallu avec min copain quand i falo aller ale piscine in allo...admirer ché batiaux sur la rade.bref j'arviens à min briquet j'i téno comme ale prunelle ed mes yux.mais un jour nous v'la parti avec em cousine et s' n'homme au HIT CLUB à lapugnoy in avo laissé nos affaire dins l' carette et i a des jones "bien inttentionnés" qui l'ont forché et voler nos loques naturallemint min briquet j'en l'ai jamais arteuvé. in plusse j'avo les clé d'em carette dins min blouson heureuseumint j'éto in vagance à Bruay i a fallu que j'attind 2 jours el temps que m' mère m'invo el doupe par la poste. j'm véyo mal pouser em carette pendant 230km pour el ram'ner in région parisienne.que soirée s'arteuver à 6h du mat' au commissariat pour déposer plinte ej m'in souviendrai..mais in a eu ed la chance dins nou malhleur el lend'main in cachant dins l' villache on a arteuvé nos papiers sur eune grille d'un pont et la galère i a fallu l'escalader au risque de s' tuer ou de s' faire électrocuter té va m' dire ché ed l'insoucience t'auro du appeler ché pompiers on n' voulo pas les faire déringer pour si peu.
voila ché la fin ed l'histoire.j'ai l' dro à eune récompense?
ej laisse el soin ale modératrice ed faire el ponctuation et d' corriger les fautes d'orthographe

bin non nounours t'es pas l'seu ancien marin d'France à pas savoir nager, i a aussi min papa, tros ins d'Marine (aussi à Toulon) qui nache, infin j'devros dire qui coule, comme in fier à arpasser