AccueilFAQRechercherglossaireLa charteConnexionS'enregistrer
Statistiques
Nous avons 386 membres enregistrés
L'utilisateur enregistré le plus récent est Nicky.

Nos membres ont posté un total de 30154 messages dans 2279 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 in faisot des collections bizarres....

Voir le sujet précédent Voir le sujet suivant Aller en bas 
Aller à la page : Précédent  1, 2, 3, 4, 5  Suivant
AuteurMessage
Invité
Invité



MessageSujet: Re: in faisot des collections bizarres.... Sam 8 Jan 2011 - 7:58

y avot ces cafougnettes aussi à clé-ment
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1845
Localisation Belgique

MessageSujet: Re: in faisot des collections bizarres.... Sam 8 Jan 2011 - 9:31

camanette a écrit:
pis il avot un gros quién, ché pour cha qu'in l'appelot " clé-bard"?
.
Et ch'gros quien qui v'not d'Egypte y'avot des porte-clés aux pattes lol!
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4893
Localisation St Dié dins les Vosges

MessageSujet: Re: in faisot des collections bizarres.... Sam 8 Jan 2011 - 12:26

Ouais, pis cosette elle avot un frère qui n'avot nin pris qu'eune photo d'elle. Et comme cosette elle aimot bin faire rire ses copainpines, elle s'a dit que cha serot nin charitape de nin lu moutrer.

Du cop, ses copainpines is joqtent pour eune nouvielle photo qui dévoilera un autre aspect de l'vie rute de cheule guernoule qui bonifie avec le timps. Parce qu'i faudrot nin croire hein: i n'avot nin que les porte clés qui comptotent dins s'vie.

Comme quo l'canchon "avec le timps va tout s'in va..." elle n'est nin universelle. Pour cosette - et je supposse pour jean valjantoni aussi - ch'est "avec le timps va tout s'arrinche...".

Donc, suite de l'histoire tchand que l'fée cloquette elle sonne et qu'in tourne l'pache chu eune nouvielle imache.

Espérons que che n'd'est nin eune qui fait trop peur...
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3109
Localisation Dins le beaujolais (69)

MessageSujet: Re: in faisot des collections bizarres.... Sam 8 Jan 2011 - 14:46

Comme Cosette avot quer sin clé-bard, clé aux pattes, alle a voulu s'faire l'même cope d'caveux qu'li affraid


quind i a vu cha Valjantoni ch'est écrié :....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: in faisot des collections bizarres.... Sam 8 Jan 2011 - 15:17

" laiche quère tin séau, gamine, et viens à m'mason, j'te f'rai vire mes estampes japonaisses...".y étot fort instruit Valjantoni....
" je nn'ai rien à s'couer d'tes estampes japonaisses" qu'all y a répondu cosette, "mi j'veux minger des nouilles à l'sauce tomate...".
" DES NOUILLES !!!" qu'y s'a écrié Valjantoni, " mais cha n'existe pon, ché eune histoire qu'in raconte à ché tiots, mi, j'vas t'faire découvrir les PATES "....après cha, té voudras pus arpartir
alors Cosette all" y dit:
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1845
Localisation Belgique

MessageSujet: Re: in faisot des collections bizarres.... Sam 8 Jan 2011 - 17:12

" des pâtes..... des pâtes........... oui mais des Valjantoni"
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: in faisot des collections bizarres.... Sam 8 Jan 2011 - 19:07

mais s'qu'alle vous a pas dit ch'est que Toni à l'armée i juot del musique déjà ch'étot l'porte clé rond et et ses copains l'ap'lottent ch'Clairon à ch't'heure i s'a mis au tub'bas alors alle va collectionner des tubes, d'musique bin sûr cha print moins d'plache.
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4893
Localisation St Dié dins les Vosges

MessageSujet: Re: in faisot des collections bizarres.... Sam 8 Jan 2011 - 20:00

flersois a écrit:
" des pâtes..... des pâtes........... oui mais des Valjantoni"
Ouais parce que jean valjantoni i avot plus d'un tour dins sin sac pour draguer les bielles guernoules. Ch'est eune espécialité ritale hein... I li a fait l'artique chu les nouilles qu'in fabriquot à s'fabrique. Avec des oeufs intiers intacts, même que les oeufs fêlés is étottent arfusés à l'réception des marchindisses. I li avot dit "à m'fabrique l'patron ch'est mi et j'ai donné des consignes pour qu'i n'y ait nin deux fêlés ches nousautes..."

Et cosette, telle eune truite qui se laiche attindrir par l'mouque qu'in péqueux adrot i li met sous sin nez, elle à mordu à l'hameçon in macaronis de jean valjantoni.

Vlà commint que cha s'est passé...

Jean valjantoni i avot des fantasmes, comme grammint de ritaux. Li, in puq des macaronis, i aimot les caniches et aussi les guernoules toutes sèques, limite anorexiques. Et, chériche chu le macdo, i les aimot à leunettes parce qu'au régimint des copains boyaux rouches li avottent canté eune canchon dins laquelle i étot question de feumes à leunettes et cha li avot plu, même que ses ys is comminchottent à rouler in roue lipe dès qu'i y pinsot.

Et vlà qu'un jour, in marchint dins la rue - in fait i ne marchot nin dins la rue parce qu'i a que les égouttiers si peuttent le faire. Li i marchot à côté de l'rue, chu le trottoir - i s'a artrouvé par hasard derrière eune espèce de caniche qui marchot chu ses pattes arrières, et qui étot tout sec. Eune espèce de clique à z'oches jamaïcaine, mais blanque. A l'odeur i s'a convaincu que ch'étot eune guernoule, parce que ch'est rare qu'in met du sent bon à un quien, ou alors ch'est qu'i a du brun plein ses poils et là, ch'étot apparemmint nin le cas.

Alors i l'a suivie et elle a rintré dins eune discothèque, parce que cha qu'i ne pouvint deviner, ch'est que cheule guernoule - che n'd'étot eune - elle aimot bin hochener sin popotin in cadinche avec de l'musique. In fait elle avot l'orelle musicale, mais nin foque l'orelle...

Alors li i a rintré dins l'discothèque aussi et comme par hasard, i s'a artrouvé à dinser avec. Là i étot aux inges parce qu'in la serrint dins ses bras i sintot toutes ses côtes. In faijint clichi s'main de sin lomoplate à... in va dire s'talle... cha a fait glinglinglinglingling tout du long. Un vrai xylophone. In puq, au bout d'un long momint, tchand qu'i a fini par arwetchi s'tiête, i s'a rindu compte qu'elle avot des leunettes... ch'étot parfait. I li a mis s'machine à charmer in route, in li faijint le coup du patron d'eusine qui cache eune secrétaire gouteusse et tout cha.

Elle a marché. Non, elle a couru. Elle s'a dit que ch'étot probablemint un bon parti, même si qu'i étot rital, et elle a jué le jeu. Elle a fait comme si que ch'étot eune fanette de nouilles, alors qu'à s'majon elle ne mingeot que des pennes tierre.

Maaame camanette, l'patronne de l'discothèque, elle a tout intindu et elle peut le confirmer. D'ailleurs elle l'a déjà fait avint qu'in li deminte...

Et à forche de faire s'n'intéressinte in li demindint de li faire gouter des nouvielles variétés de nouilles, cha qui devot arriver arriva... le xylophone i a comminchi à juer in sourdine... comme si qu'i avot de l'ouate chu les touches...

Alors jean valjantoni i a mis ses fantasmes dins s'poque, sin tire jus par au-dessur, et i li a dit "cosette, te comminches à arsonner à m'mère, à m'mote que je vas t'aimer! A condition que te gartes tes leunettes!"

Alors là i s'a passé des séquos...
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3109
Localisation Dins le beaujolais (69)

MessageSujet: Re: in faisot des collections bizarres.... Sam 8 Jan 2011 - 23:21

... Jan Valjantoni a comminché à canter : "'O sole mio, sta 'nfronte a te!" c'qui veut dire "mon soleil à moi est sur ton front", l'paufe Cosette qui étot eune brafe guernoule de ch'nord, d'origine belche, n'comperdot rin de rin à ch'charabia, pis alle s'demindot bin pourquo l'solel étot su sin front, l'seule cosse qu'alle avot su sin front ch'étot chés frisettes d'coiffure d'caniche mais alle s'disot que ch'étot sins doute in ginre d'canchon d'amour alors pou n'pas rester in reste alle a canté à sin tour : "quand la mer monte, j'ai honte, j'ai honte, quand elle descend, je l'attends...." c'qui n'avot aucun rapport avec l'choucroute mais in sait bin que quind in est amoureux in dit n'importe quo...
Heureusemint pou cheule histoire d'amour qui comminchot d'eune drôle d'manière, Mme camanette a mis un dixe su l'platine de l'discothèque chétot....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: in faisot des collections bizarres.... Dim 9 Jan 2011 - 0:08

"in revenant d'Marquette".....
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4893
Localisation St Dié dins les Vosges

MessageSujet: Re: in faisot des collections bizarres.... Dim 9 Jan 2011 - 9:46

... à cause qu'elle n'avot nin "femmes à leunettes" et qu'elle s'a dit que Marquette et leunettes, cha rimot. Dins sin ginre ch'étot eune poétesse mame camanette.

I n'd'a même qui dijottent que si mame camanette elle étot dins le secteur, régine elle pouvot aller se rhabiller. Si seulemint... incore que mame camanette elle cante un tiot peu comme régine. Cha dot être le métier qui veut cha.

Bref, du raoul dins eune discothèque, cha surprind, et cosette elle a été un tiot peu surprite. Elle étot jone et i avot incore grammint de séquos qui pouvottent - et allottent - la surprinte.

Elle a demindé à sin cavalier servint des nouilles commint que cha se dinsot cheule canchon-là? I li a répondu que cha se dinsot un tiot peu comme l'décadinche de gainsbourg, mais in pire. Cosette elle li a dit qu'elle étot désolée mais qu'elle ne connochint nin toutes ches nouvielles dinses-là.

I a bin essayé de li expliquer que ch'étot eune archi vielle dinse et de l'attirer à l'écart de l'piste pour li apprinte, mais elle n'a nin voulu. Elle voulot rester dins l'leumire pour que tertous i peuche vir sin feutrache rouche chu s'tiête.

In fait les gins, au lieu de l'appeler cosette is s'avottent mis à l'appeler bozette, à cause de bozo le clown qui étot coiffé un tiot peu parel. Mais li i avot un nez rouche, pour qu'in voche que ch'étot exprès pour faire rire les afants.

Et pis i étot moins clique à z'oches.

A causse de sin sourire, i n'd'a des de sin quartier qui avottent essayé de l'appeler la joconte... mais tchand qu'elle arlévot ses babines is sintottent bin qu'elle serot vite capape de morte. Is n'ont nin insisté. Is se sont rabattus chu bozette.

Elle, annochinte, a jamais compris pourquo qu'in l'appelot ainsi.

Jean valjantoni, qui avot de l'suite dins ses idées et qui li avot proposé eune plache d'assistinte gouteusse dins s'fabrique, i a comminchi à se poser des questions chu le futur de s'fabrique... Ch'est ainsi qu'à l'occasion que mame camanette elle avot mis un dixe de slow qui n'in finichot pus - elle devot suremint aller téléphoner mame camanette, ou faire s'grosse commission... - il li avot glichi dins l'tuyau de s'n'orelle eune question qui allot trinsformer toute s'vie: commint que te prépares le minger?

A ch't'occasion de li causer à s'n'orelle, i avot armarqué qu'elle avot des pindints d'orelles comme i n'd'avot jamais vus: des porte clés de l'brasserie declerk. Cha l'avot intrigué et, commint dire... un tiot peu détindu.

Pour réponte à s'question culinaire, elle a pris s'n'haleine à fond - à l'époque, vu qu'in arot pratiquemint pu la faxer, ch'étot loooooin d'être dingereux pour les boutonnières de s'rope - et elle a dit....
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1845
Localisation Belgique

MessageSujet: Re: in faisot des collections bizarres.... Dim 9 Jan 2011 - 18:22

et cosette elle s'd'mindo pourquo Valjantoni y d'vo s'arrêter à'l cabine de téléphone de place de l'mairie... ène fos elle l'a suivi sans s'faire vir et elle l'a intindue dire : ma, kié l'pius bell homme du monte, enfin, két kos comme cha, et ch'téléphone y continuait à réponte : tou tou tou tou,
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3109
Localisation Dins le beaujolais (69)

MessageSujet: Re: in faisot des collections bizarres.... Dim 9 Jan 2011 - 18:39

"pour savoir commint j'cujine, va falloir qu'in s'connaiche in tiot peu miux, pace qu' cha c'mérite c'qu'in troufe dins mes castroles, i a des secrets d'famile, mais si jamais té voudros m'faire un cadeau té peux toudis m'acater un l'apparel à bain marie" qu'alle a dit Cosette in hochenant sin tiot capieau rouche qu'alle avot su s'tiête, pace que ch'étot eune soirée "spéciale capieau rouche" al discothèque....
C'est vrai qu'ch'étot un vrai clown Cosette, alle avot nin peur du ridicule et faisot toudis rigoler chés copains in mettant su s'tiête les cosses les pus improbapes, z-avez qu'à vir : vl'a chi un cliché pris à l'insu d'sin plein gré, lors d'eune soirée d'mariache, d'ù qu'alle avot récupéré les tiots noeuds décoratifs pou les incrinquer su chés caveux... avec les porte-clé les capieaux ch'étot eune aute de ses collections

imagik.fr

mais pou arvenir à nos moutons, cha qu'alle a dit au sujet du manger, a laisser intrevoir à Valjantoni queque bielles perspectifes, pace que ch'étot un gourmand Valjantoni qui connaichot que l'cujine italienne de s'maman alors i étot près à tout pou goûter aux spécialités de Cosette, ch'est pou cha qu'i allot à l'cabine téléphonique, i essayot s'savoir auprès des frères de Cosette quoque ch'étot que chés fameusses spécialités, alors.....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: in faisot des collections bizarres.... Dim 9 Jan 2011 - 19:44

il a pinsé un momint à de l'tarte au libouli.....chétot pon cha
à du pâté au poif.....chétot pon cha non pus
à du sauté d'viau au café.....non pus
ché frères à cosette, y z'ont seul'mint dit in prenant des airs d'sous intendus: "té déméfieras quand te l'verras arriver dins s'rope d'champe rouche!!!" z'ont pon voulu in dire pus....
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4893
Localisation St Dié dins les Vosges

MessageSujet: Re: in faisot des collections bizarres.... Dim 9 Jan 2011 - 19:54

Alors i a insisté et insisté mais ses frères à cosette is n'ont nin voulu le décevoir eux-mêmes alors is li ont suggéré de deminder, mine d'arien, à cosette directemint.

Ch'est ainsi qu'elle a dit sins réfléchir qu'elle étot bonne à l'préparation des oeufs cuits durs - nin toudis tout à fait - du riz et surtout des pennes tierre à l'plure, que ch'est cha qu'elle réussissot le miux.

Elle servot cha avec du sauret et de l'bière... pis évintuellemint un bout de viux puint. Un régal pour les tros de nez. Pis l'avintache ch'est que cha ne fait nin grammint de vaisselle, surtout si qu'in bot l'bière à l'boutelle, comme dins bienvenue chez les chtis.

Tchand qu'elle a dit cha à ch'paufe garchon qui l'imaginot déjà dins sin pyjama rouche, s'guiffe elle pindot tellemint qu'i étot défoutu. Ch'étot comme si que le clone de s'mère, in cristal, i éclatot sous l'effet de l'vox de la callas qui arot pris sin dogt dins eune portière d'auto.

Comme elle a vu sin désaroi elle l'a bin vite rassuré: il savot aussi faire des frites, avec de l'sauce tomate in tube pour écrire le nom des gins chu le bord de l'assiette.

Elle li avot dit le mot magique: sauce tomate. Sin sourire à valjantoni i a armonté presque jusqu'in haut et i li a dit "super! allez, je t'invite au resto".

Et ch'est comme cha qu'elle a découvert pour l'premire fos l'cantine de s'n'usine à valjantoni.

Elle a mingé des spaghetti à l'sauce tomate - forchémint... i n'd'avot à tous les repas - et elle s'a amusée à les aspirer comme elle faijot des fos à l'cantine de s'n'école tchand que le surveillinte elle milot ailleurs.

Et cha n'a nin loupé: elle a foutu de l'sauce tomate tout partout, y compris chu s'cravatte à valjantoni l'élégint rital.

Mais comme ch'étot un brave garchon, i a....
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: in faisot des collections bizarres.... Dim 9 Jan 2011 - 20:30

dit: " t'as vu comme y est original ch'resto dù que j'tai inm'née, y font meume des serviettes d'tape in forme d'cravates!!" tout in s'barlafant pou netier tout cha qu'cosette all y avot invoyé
su sin plastron
d'vant si tant d'gintillesse et d'bonne volonté, cosette all a craqué et all a dit à valjantoni : " après souper, j'vas m'moutrer m'clarinette"
l'pôv garchon.....si qu'il avos su, li qui pinsot.....
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4893
Localisation St Dié dins les Vosges

MessageSujet: Re: in faisot des collections bizarres.... Dim 9 Jan 2011 - 21:25

comme tout rital qui se respecte, aller arwetchi un match de fouteballe avec ses copains. Ben vlà qu'i étot de l'revue: concert de clarinette solo....

I se demindot si que pour s'arvinger i ne devrot nin li proposer un visionnache des diapos de ses dernis congés à marakech... Et pis i a pinsé à miux que cha. I allot li apprinte eune canchon qui a grammint de succès chez les ritaux: les tomates.

Cha i a ardonné le sourire... icantot dins s'tiête: i mingeot des tomates, des tomates, des tomates. Sin programme i étot fait, i étot bénaiche. Bozette elle li ferot sin tiot tour avec s'clarinette, comme zavatta i faijot à la piste aux étoiles, et après: chorale.

Et après, peut-être qu'elle inlèvera s'moumoute, qu'i voche à quo qu'elle arsonne in vrai.

I n'étot nin au bout de ses surprisses ch'garchon....
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3109
Localisation Dins le beaujolais (69)

MessageSujet: Re: in faisot des collections bizarres.... Dim 9 Jan 2011 - 23:20

...pace que Cosette avot quer les tomates, alle aussi, même qu'alle avot réussi à dégoter des porte-clé in forme d'tomates. I avot l'porte-clé Olivette, l'porte-clé Coeur de boeuf, l'porte clé Marmande, l'porte-clé Cerise.... Valjantoni in étot tout ébaubi et i s'disot que vraimint cheule guernoulle là, i fallot pas qu'i la laisse arpartir !.
Du cop malgré que li n'étot pas trop fan des capieaux, des canchons d'chorale, i a laissé s'Cosette faire cha qu'alle voulot, même acouter d'l'opéra li qui avot horreur d'cha ! Même qu'à forche l'accompagner à chés concerts d'clarinette cha y a rappelé sin timps militaire d'ù qu'i intindot l'son du clairon et qui s'a dit : "tiens j'vas m'mette au tuba"... pis cha li permettot d'vir si Cosette n'faisot pas trop l'indoule avec chés copains d'la musique, pace que ch'étot des rudes amusettes chés copains d'musique !!! mais cha n'déringeot pas Cosette pace que d'toute manière si alle avot invie d'faire l'indoule, alle se gênot pas.
Mais un jour i s'a passé eune drôle de séquo...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4893
Localisation St Dié dins les Vosges

MessageSujet: Re: in faisot des collections bizarres.... Lun 10 Jan 2011 - 7:12

L'fée cloquette elle est in grève?
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: in faisot des collections bizarres.... Lun 10 Jan 2011 - 7:32

l'valjantoni y a été arconnu par la police?
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3109
Localisation Dins le beaujolais (69)

MessageSujet: Re: in faisot des collections bizarres.... Lun 10 Jan 2011 - 7:45

ah pace qu'asteur, i a l'fée cloquette qui arrife ? bin Valjantoni i n'est pas au bout d'chés peines intre Cosette et Cloquette...

nin Valjantoni i a pas été arconnu par l'police, mais li qui avot pas quer les capieaux, bin i s'a artreuvé déguisé avec un drôle d'capieau su l'tiête, ch'étot à l'occasion d'un anniversaire surprisse d'un d'leu ami, i a même du apprinde l'canchon du tiot quinquin, alors que li i est pus à l'aise avec chés canchons italiennes avec plein d'trémolos dins l'vox... z-auriez vu ch'tableau ! d'ailleurs....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4893
Localisation St Dié dins les Vosges

MessageSujet: Re: in faisot des collections bizarres.... Lun 10 Jan 2011 - 11:12

M'enfin... l'fée cloquette ch'est pour tourner l'page et découvrir eune nouvielle imache.

Ichi l'tour de contrôle... t'as l'autorisation d'aterrir tiote.
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3109
Localisation Dins le beaujolais (69)

MessageSujet: Re: in faisot des collections bizarres.... Lun 10 Jan 2011 - 13:55

AH, té comme les tiots ti Batisse, té comprinds miux les histoires quind i a des imaches sur les paches ?

Donc in avot laiché, Valjantoni et Cosette à l'anniversaire d'un d'leu ami avec leu drôle d'capieau su leu tiête...
Et v'la ti pas qu'in s'rindant à l'majon d'ù qui avot les festivités, i a l'vojine d' in face, qui curieusse comme eune maguette, surveillot tout c'qui s'passot derrière sin cassis... quind alle a vu passer Cosette et Valjantoni avec leu drôle d'capieau, alle a minqué querre su l'dainne, alle avot pas intéret d'rire pace que, comme dit l'glainne chi d'sous :



Mais Cosette et Valjantoni n'étottent venus seu' à l'fiête i avot aussi l'responsape de l'discothèque, Mme Camanette qui avot....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4893
Localisation St Dié dins les Vosges

MessageSujet: Re: in faisot des collections bizarres.... Lun 10 Jan 2011 - 17:11

aussi un rute de drôle de capieau... in fait ch'étot un foulard noué un tiot peu comme un oeuf de Pâques. Un oeuf cha n'a nin de poils eh ben mame camanette, à l'époque, elle n'd'avot pratiquemint nin non pus.

Rassurez vous, in étot loin de l'libération et cha n'avot nin à vir avec cha...

Monsi camanette i avot venu aussi, avec chu s'tiête un bonnet de boueux péruvien, même qu'i avot rudemint caud avec. S'sueur elle dégoulinot le long des fichelles, qu'i n'avot nin nouées, vu qu'i ne faijot nin un vint de sots.

I n'd'avot incore des autres qui étottent vénus, dont des du far west, dins lu auto dilligence. Ch'étot monsi De la Crodessin - un noble, avec du sang bleu tchand qu'i se cope in se rasint - et s'femme, eune gintite, vraimint gintite, pratiquemint eune sainte, que vu que sin homme i a du sang bleu, in l'appelle des fos la schtroumpfette.

Sauf s'n'homme, à cause de ses dints. Tchand qu'i s'a des fos avinturé à essayer de dire schtroumpfette, i a à chaque cop du rattraper ses dints au vol. Et tchand qu'i ne les a nin et qui veut dire par eximpe viens ichi m'tiote schtroumpfette chérie à sin pépère, cha éclabotte tellemint que l'schtroumpfette elle est bonne pour passer l'wassingue et netchi ses leunettes.

Infin bon, là, cosette elle étot à s'n'affaire, parce qu'i avot des capieaux, qu'i avot de l'imbiinche et que ch'étot nin elle qui conduisot pour rintrer à s'majon, vu qu'elle dormot chu plache. Valjantoni i étot bénaiche aussi parce que d'habitute ch'est toudis li qui devot faire ch'ti qui ne bot nin tchand que cosette elle le trainot quelque part.

Et justemint, au soir, à l'heure d'aller à sin lit, in s'a cru au bieau mitan du conte des mille et eune nuts. I ne minquot que les pétales de roses et les mouques.

Parce qu'i n'avot nin que des capieaux.... Mame camanette elle ouvrot dins la discothèquerie, le pestaque et tout cha, mais cosette elle arot pu l'assister. Parce que dins le ginre blue belle girl, elle savot faire sin effet...
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: in faisot des collections bizarres.... Lun 10 Jan 2011 - 17:51

all a déchindu l'escalier arvêtue d'eune sorte d'djellabah in v'lours rouche aveuc un sourire ultra brite su ses lèfes, in n'sait pon dù qu'all avot dégoté cha surtout qu'all avot pon d'doupes...( souv'nez vous all étot in pinsion amon ché thénardier....faut arméte l'contexte in a tendance à l'oublier!!)mais chéto juste poue épater la galerie pacheque au soir, all a dormi d'zeur un matelas à même l'sol...comme tout l'monte
all voulot péter plus haut qu'sin cul.....mais cha n'a pon marché
et Valjantoni pou pon éte in reste il avot mis un capiau melon....
in veyant l'dallache y s'a mis à crier:
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3109
Localisation Dins le beaujolais (69)

MessageSujet: Re: in faisot des collections bizarres.... Lun 10 Jan 2011 - 18:18

"MAMA MIA, ma qué passa" ? tellemint i étot surpris, Valjantoni s'a mis à parler italien, ouais i étot supris d'vir s'cosette trinsformée in princesse des 1001 nuits, i espérot sins doute avoir l'drot à eune dinse du vinte.... mais Cosette qui n'avot pas trop d'doupe, n'avot jamais pu s'payer le stache de la dinse du vinte, comme alle sintot bin qui étot déçu, alle a demindé à Mme Camanette d'mette un madison, cha alle savot l'dinser, pis avec cheule dinse alle étot sure d'épater Valjantoni, pace qu'i n'a jamais rin compris dins les pas qui faut faires dins cheule dinse là...
Bref vos l'aurez sins doute compris, les ceusses qui aurottent buquer à l'porte c'soir là, se serottent cru dins eune majon d'fous...
Mais l'ami qui fêtot chés ins, n'étot pas un reste de folie, pace que, i s'a artreuvé à mette un snipe au d'sus de s'maronne in d'jinne, cadeau que li avottent fait chés soeurs, des rudes blagueusses aussi, à un momint donné l'eune d'elles...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Contenu sponsorisé




MessageSujet: Re: in faisot des collections bizarres....

Revenir en haut Aller en bas
 

in faisot des collections bizarres....

Voir le sujet précédent Voir le sujet suivant Revenir en haut 
Page 2 sur 5Aller à la page : Précédent  1, 2, 3, 4, 5  Suivant

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-