AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31216 messages dans 2282 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 in faisot des collections bizarres....

Voir le sujet précédent Voir le sujet suivant Aller en bas 
Aller à la page : Précédent  1, 2, 3, 4, 5  Suivant
AuteurMessage
flersois



Date d'inscription : 27/11/2010
Messages : 1850

MessageSujet: Re: in faisot des collections bizarres.... Mar 11 Jan 2011 - 20:06

Et elle a pu goûter tout cha et après elle a su pédaler plus vite, ché pour cha qu'incorea s'teure ché coureurs du Tour de France qui z'ont tertous vu Acoute-ichi, y minge'nt gramin d'pâtes...
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: in faisot des collections bizarres.... Mar 11 Jan 2011 - 23:17

Ch'est vrai que ch'étot eune grinte esportife (1,52m) et cha qu'elle aimot par dessus tout ch'étot de pousser eune vielle poussette avec un bâti in fonte qu'elle avot trouvé nin querre à un marché à puches.

Si qu'elle véyot un tiot afant elle li proposot de monter pour faire un tiot tour.

Et elle poussot et elle poussot.

Même que dins sin villache i avot des montées et que dins ch'cas-là elle avot sin tchul in busse et des gouttes grosses comme ses pouces qui sortottent de s'tiête. Ch'étot les excès de nouilles qui arsortottent. S'lingue aussi elle arsortot, mais cha n'avot rin à vir avec les nouilles. Cha faijot un bruit de locomotife à vapeur. Un tiot peu comme s'machine à faire du bain marie.

Tchand qu'elle déhuttot nin, s'lingue elle faijot sin boulot de lingue de guernoule: elle babellot. A un point que jean valjantoni i se demindot commint que cha ferot à l'piscine. Si que cha ferot des bulles et si qu'elle boirot des tasses.

Jean étot impatient de vir Cosette à l'piscine, officiellemint pour vir si que ses frisettes crêpues elles étottent comme celles des afwicaines, ch'est à dire imperméapes. In fait i voulot surtout la vir in caneçon de bain, histoire de vir si qu'elle pourrot s'inscrire au concours de miss locale.
Ch'est parce que ch'est li qui offrot le premi prix et que cha arot été eune occasion de le récupérer. Le premi prix ch'étot le poids de la guernoule in tiotes lettres in nouilles qu'in met dins le bouillon et qu'in écrit chu le bord de s'n'assiette.

Ch'étot un modèle de lettres espéciales brevetées SGDG, qu'in pouvot écrire alfos in français, in patos et in rital. I in vindot grammint dins les hospices, sous l'appellation de "scrable alimintaire".
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: in faisot des collections bizarres.... Mer 12 Jan 2011 - 14:11

In fin de compte, jean valjantoni a fait découvrir pratiquemint tout cha qui allot marquer s'vie à cosette bozette frisette.

I li avot même - et surtout? - fait découvrir l'amour autremint qu'in rêve, et tchand qu'in arvot l'premire photo de l'alboum in se dit qu'i a eu du mérite ch'garchon.

Alors là, jean i n'a nin été déçu vu qu'elle ne savot nin quo faire pour faire plaiji à sin bienfaiteur. Quint à elle, vu qu'in cause de bienfaiteur, ben i li faijot du bien! I faut dire que tcherre chu un rital que cha eune réputation probablemint surfaite mais eune réputation quind même, tchand qu'in sort des rings qui vont au chintre d'apprintissache pour être bonne soeur, cha fait découvrir des nouvieaux horizons.

Bon, in ne va nin s'étindre chu le sujet, jean valjantoni i s'in a chargé et pis voilà. I a un carré blanc.

Et cosette bozette frisette elle étot tellemint amoureusse de li qu'elle s'a dit qu'elle in voudrot des tiots comme li. Et elle a fait cha qu'i fallot pour - ch'est là qu'elle a comminchi à se faire des loques avec les rideaux et lus doublures, et à faire l'dinse du vintre comme Dalida elle faijot à l'télé, in passint ses mains tout partout le long de ses cavux. Mais bon, Dalida elle avot des looooongs cavux qui allottent jusqu'à sin trou de balle alors que cosette bozette frisette, même in saquint dessur pour les défriser, cha n'allot nin plus lo que sin cou.

Du coup cosette bozette frisette, faute de cavux assez longs, elle se contintot de caresser ses tototes de haut in bas, comme l'autre à l'télé, in posint l'autre main chu s'fesse. Forchémint, cha a donné des idées au nouilleux.

Résultat des courses: elle s'a artrouvée prisse. Tros fos. Même qu'un cop, le mini jean valjantoni qu'elle avot rêvé, ch'étot eune guernoule... Mais comme elle a lu dins "à nous deux" que dins chaque homme i avot eune part de féminin, elle s'a dit que cha devot être cha et que cheule tiote guernoule ch'étot le portrait caché craché de sin père.

Pour loger tout ch'bieau monte, is ont acaté eune auto in plastique. Au début les gins du quartier is étottent saisis parce qu'is croyottent que l'auto elle dévalot toute seule à cause que sin frein à main i n'étot nin mis. In fait non, ch'étot foque que ch'étot cosette bozette frisette à leunettes qui conduijot et, vue s'grinte talle, elle milot intre l'barre de direction et l'haut du volint.

Avec ses mains de chaque côté.

Et in babellint, parce que cha... ch'étot s'marque de fabrique... Cosette, bozette frisette à leunettes et surtout pipelette. Si jean valjantoni i avot eu eune fos de timps in timps le loisir d'in plachi eune, i l'arot raconté li-meme. Mais hélas, même qu'i n'avot nin de gastro ou de séquos ainsi, elle li tenot toudis le crachoir.


Dernière édition par batisse le Mer 12 Jan 2011 - 14:21, édité 2 fois
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: in faisot des collections bizarres.... Mer 12 Jan 2011 - 14:16

Ndlr: i a bétôt 600 brinchemints pour lire ses avintures à cosette aux porte clés.
A m'mote que Dallas ou plus bielle l'vie is ont intérêt à bin se tenir.
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: in faisot des collections bizarres.... Mer 12 Jan 2011 - 14:59

In fait tous les gins y pinsottent que Valjantoni i ne pouvot nin in placher eune, mais ch'étot eune léginde, pis comme tout Italien qui s'respecte Valjantoni i causot grammint avec chés mains... Mais ch'est vrai que Cosette et Valjantoni i ont eu tros tiots quinquins, comme a dit un d'leu amis eune fos, vos avez eu tros spaghetti, deux avec boulettes et un sins boulette (ch'étot un poête chti lal !),... pis des cats.
Cosette alle préférot les GROS quiens mais d'pis qu'alle avot perdu sin quien quind alle étot jone et qu'alle avot passé des jours et des nuits à raconter à Valjantoni commint sin quien i étot bieau, gintil, intelligint et tout et tout, Valjantoni hésitot à li in offrir un... i avot peur d'pus ête l'unique objet de l'attintion de s'Cosette, pis les quiens cha mingent d'tout et y avot surtout peur que Cosette i donne des pâtes à c'quien, cha li in aurot fait d'moins dins sin assiette...

Cosette étot effectivemint connue dins tout l'quartier avec s'carette d'pis qu'alle étot quéue in panne d'essence à 30 m de s'majon et que des vojins l'ont aider à pousser l'carette jusqu'à chez elle.. et surtout d'pis qu'alle avot déclanché l'arlarme de l'carette d'sin père qui ch'étot bin garé sur l'parking mais juste devint sin portal (que idée aussi !) et qu'in arculant Cosette, bin, alle a rintré dins sin capot, déclanchant l'sirène et faisant sortir tous chés vojins d'leu majon... pou sa définse alle a dit qui faisot nuit, qu'in veyot rin et qui avot qu'à avoir un tiot bip bip qui prévient quind i a un obstaque...
Ch'est d'ailleurs eune idée qui a été esploitée pus tard, comme quo ch'étot eune visionnaire Cosette.....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: in faisot des collections bizarres.... Mer 12 Jan 2011 - 19:55

tiote bellotte a écrit:
Cosette alle préférot les GROS quiens mais d'pis qu'alle avot perdu sin quien quind alle étot jone et qu'alle avot passé des jours et des nuits à raconter à Valjantoni commint sin quien i étot bieau, gintil, intelligint et tout et tout, Valjantoni hésitot à li in offrir un... i avot peur d'pus ête l'unique objet de l'attintion de s'Cosette, pis les quiens cha mingent d'tout et y avot surtout peur que Cosette i donne des pâtes à c'quien, cha li in aurot fait d'moins dins sin assiette...

Roger, oh grind chef à pleumes si capape de tes dogts y compris chu un clavier, au secours!
Te voudros bin nous mettre in illustration de cha qu'elle dit pleumette, l'canchon que l'histoire de cosette bozette frisette pipelette pleumette et jean valjantoni elle a inspirée à simon Colliez? (I in a que pour li). Je ne l'ai nin trouvée chu youtube ou dailymotion alors je chus perdu...

D'avinche je t'in armercie, à moinse bin intindu que cha pourrot faire des problèmes de drots d'auteur à tin bieau site.
Revenir en haut Aller en bas
Roger

avatar

Sexe : Masculin
Date d'inscription : 17/12/2009
Messages : 1279
Localisation Henin Beaumont

MessageSujet: Re: in faisot des collections bizarres.... Mer 12 Jan 2011 - 22:41

tes voeux sont éxaucés!!! Batisse!

Revenir en haut Aller en bas
http://www.videochti.fr
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: in faisot des collections bizarres.... Jeu 13 Jan 2011 - 9:04

Oh merci Roger, t'es le meilleux (te le savos énon?)

Donc in arprind... l'canchon que vous pouvez intinte ichi au-dessur ch'est inspiré direct de sin cerveau à jean valjantoni tchand qu'i a intindu les mots et les intonations que cosette bozette frisette pipilette pleumette pirouette cacaouette elle avot dins s'voix in causint de sin quien.

Forchémint ch'garchon i avot bieau être brave et courageux, i avot des limites à s'n'abnégation - vinguette, i fallot le trouver ch'mot-là... I se doutot bin que le fait qu'elle aiche ses ys qui briltent dès qu'i arrivot avec eune palette de nouilles ou 50 litres de sauce tomate, cha ne durerot nin aussi longtimps que les contributions indirectes.

Du coup i faijot des efforts. I cangeot de snip et de cauchettes toutes les semaines, i se mettot du sint bon, i se rasot et i lavot ses dints tous les jours. Mais i savot bin que si qu'un quien i se mettot intre li et cosette bozette etc. ch'est nin forchémint li qui gagnerot. Et i avot suremint raison! I n'd'avot causé à un troubadour local et cha avot donné l'canchon là, pleine de vérité i faut bin l'avouer.

Les cats cha allot parce que les cats cha a peur des aspirateurs et que cha vole le minger chu l'taffe de l'cuisine. Comme cosette bozette de sin côté elle aimot bin le bruit de l'aspirateur, le cat i serot souvint loin et valjantoni imaginot mal s'copine in train de courir après le cat et monter dins les arpes in dijint des mots douches sinsés le calmer... d'autint que cha court rudemint vite un cat...
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: in faisot des collections bizarres.... Jeu 13 Jan 2011 - 14:17

... pis que Cosette alle a nin quer courir.
A force, alle s'a habitué à avoir un cat à l'majon, surtout que ch'étot eune tiote minette toute amiteusse, même que Cosette qui étot fan des dessins animés de Walt Dysney alle y avot treuvé un nom d'un personnache du ro lion, ch'est dire si alle l'portot dins sin coeur ch'tiote biête.
Alle avot même incrinqué un tiot porte-clé in forme d'boutelle d'lait su sin collier...
(ndlr : et là WHAOUUUUUU !!, l'lecteur épaté admire l'auteur su l'façon qu'i a d'arvenir au sujet initial et s'manière d'arquerre su chés pattes -d'cat, bin sur Very Happy).

Mais asteur, vl'a Valjantoni jaloux du cat et d'sin bieau porte-clé alors...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: in faisot des collections bizarres.... Jeu 13 Jan 2011 - 18:06

Ben alors li aussi i s'a mis un porte clés à sin cou. Nin avec eune boutelle de lait, mais avec eune de chianti, pour bin moutrer l'différinche.

Pis i a laichi pousser s'moustache.

Mais cosette bozette frisette pipelette etc elle a ri de li, surtout de s'moustache. Du coup i a tourné sin nez, i a pichi chu tous les coins de l'majon pis i s'a mis à sortir le soir et à canter déhiors la nuit. Eune ringaine énervinte au possipe!

Elle li linchot des castroles d'ieau par les cassis pour le faire taire et s'in d'aller, mais i arvénot.

In quelque sorte, i avot du branle dins le manche, ou du brun dins l'tale, ou le cat i étot dins l'horloche - si seulemint.... mais i étot chu le canapé, à raviser l'télé à l'plache à jean valjantoni - ou in servot de l'salade de groin etc. Ch'étot nin le pitit quien de l'canchon, mais le cat qui étot miux vu que li.

Mais Cosette bozette elle avot plus d'un tour dins sin sac pour le rattirer à l'majon, parce qu'elle savot par d'uche qu'i péchot.

Ch'est ainsi qu'elle a...
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: in faisot des collections bizarres.... Jeu 13 Jan 2011 - 18:34

.. qu'a a appellé Don Patillo à la rescousse, is ont élaboré un plan et ch'est pou cha qu'un bieau soir d'été, Cosette a préparé à Valjantoni plein de spécialités italiennes, i a vot pas foque des pâtes, alle avot passé toute s'journée l'nez dins un life d'cujine espéciale, i avot aussi des antipasti, des minestrones, un gâtieau à l'amaretto et surtout, surtout alle avot cujiné tout cha SINS bain marie !!!!...
Valjantoni est rintré vintre à tierre (si j'osse dire !) et pindint qu'i faisot bonne chère, Cosette alle y a susurré à l'orelle qu'is pourrottent pet ête unir leu deux passions...
" ah ouais mais comment ?" a répondu Valjantoni....
"Ben, j'te proposse d'invinter plein d'forme nouvielle d'pâtes dins t'fabrique (car n'obliez pas qu'i avot eune fabrique), pis in pourrot arproduire l'même modèle in porte-clé et un ferot des lots, par eximpe pou tros paquets d'pâtes acatés, un porte-clé d'offert"...
"Bon diu, mais ch'est bin sur, qui a dit valjantoni, (qui étot amateur du commissaire Bourrel), pouquo in y a pas busié pus tôt "

EPILOGUE :
Et ch'est pou cha de depis, avec leu tiots bras musclés à force d'pétrir de l'farine et des oeufs, Cosette et Valjantoni sont connus dins toute l'région...
Leu' pâtes et leu' porte-clé s'arrachent comme des tiots pains...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: in faisot des collections bizarres.... Jeu 13 Jan 2011 - 18:49

... les infant font des écanches d'porte-clé dins chés cours d'récréation, les mamans sont à l'affut dins chés rayons pour découvrir chés nouvielles variétés et forme d'pâtes que l'société "Valjantoni et Co", (Co pour Cosette, bin sur) met su l'marqué régulièremint...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: in faisot des collections bizarres.... Jeu 13 Jan 2011 - 18:50

ché qui "logue" ?
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: in faisot des collections bizarres.... Jeu 13 Jan 2011 - 18:57

Ch'est l'épilogue?

L'fée clochette elle va bin mettre eune paire d'imaches pour l'dernière pache énon? In général ch'est là qu'in met les bêtisiers. J'espère qu'elle fera fort et qu'in in ara grammint.

J'imagine bin cosette bozette pipelette etc se dire "mais tcheu soyeux ch'ti-là". Hein ouais?

Et pis à l'occasion, in bas de l'dernière pache, i sera écrit à suivre...

In tous les cas, i n'd'a au moins deux d'arbaptisés par ch't'histoire.

Je dis cha, je ne dis rin hein... mais à m'mote qu'in in intindra incore causer.

Bon, allez, hop hop la fée clochette, in joque après ti ichi Wink
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: in faisot des collections bizarres.... Jeu 13 Jan 2011 - 19:01

Un épilogue, un épilogue.... ch'est nin un docteur espécialisé dins l'épilation cha? Ou dins les épis. Dins les deux cas ch'est eune affaire de poils.

Quo que cha vient faire ichi?

Mi, artrouver des poils dins min plat de nouilles, j'aime nin! Même si que ch'est des valjantoni.
http://www.youtube.com/watch?v=kKt8CNEtf_4
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: in faisot des collections bizarres.... Jeu 13 Jan 2011 - 19:12

Logue, ch'est cti qui reste toudis à la fin....
et mi j'reste chu ma faim, cmint qu'elle va finir ch't'histoire?
J'joque
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: in faisot des collections bizarres.... Jeu 13 Jan 2011 - 19:14

Epi Logue, ch'est cti qui apprind cmint qu'un cultiffe les épis ed blé pour faire des bonnes nouilles, ouais, mais chelles ed Valjeantoni!
Revenir en haut Aller en bas
Mérilou

avatar

Sexe : Féminin
Date d'inscription : 12/01/2010
Messages : 737
Localisation Touraine

MessageSujet: Re: in faisot des collections bizarres.... Jeu 13 Jan 2011 - 19:15

Y'a l'Epi logie et pis y'a la fée au logis, que ch'est nin l'fée Clochette mais Bozette...
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: in faisot des collections bizarres.... Jeu 13 Jan 2011 - 21:36

Et l'fabrique de pâtes de Valjantoni, elle n'éto pas à Montreuil-sur-Mer dins l'Pas de Calais ?
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: in faisot des collections bizarres.... Jeu 13 Jan 2011 - 21:49

flersois a écrit:
Et l'fabrique de pâtes de Valjantoni, elle n'éto pas à Montreuil-sur-Mer dins l'Pas de Calais ?

Non Valjantoni et Cosette is étottent du 59, alors is restottent fidèles à leu départemint, mais devint l'succès grandissant, is invisageottent d'pus in pus d'ouvrir des fabriques dins pusieurs départemints, et ch'est vrai que Montreuil sur Mer cha les tintot bin

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com


Dernière édition par tiote bellotte le Jeu 13 Jan 2011 - 21:51, édité 1 fois
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: in faisot des collections bizarres.... Jeu 13 Jan 2011 - 21:50

EPILOGUE, ch'étot justemint l'nom qu'avot treuvé Valjantoni pou s'dernière création, l'pâte épilogue, ou bin "pasta épilongo" dins l'texte... chétot eune pâte longue, pas pas d'trop, alle arsonnot à un buccatini mais in pus court, fabriquée avec les meilleux épis d'blé, ramassé un à un...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: in faisot des collections bizarres.... Ven 14 Jan 2011 - 10:41

Après avoir contacté l'fabrique "Valjantoni", vl'a chi in esclusivité chés dernis modèles d'porte-clé, livré avec chés paquets d'pâtes


-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: in faisot des collections bizarres.... Ven 14 Jan 2011 - 13:48

Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4969
Localisation St Dié dins les Vosges

MessageSujet: Re: in faisot des collections bizarres.... Ven 14 Jan 2011 - 17:24

Allez garchon, raconte cha que te voulos faire et un ou eune qui sait va t'explicationner Wink
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: in faisot des collections bizarres.... Ven 14 Jan 2011 - 17:35

T'as pas bin ravisé, su l'porte-clé du milieu, in bas, quo qu'j'ai mis.
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: in faisot des collections bizarres.... Ven 14 Jan 2011 - 17:55

ch'est vrai flersois, t'as raison i avot eu aussi eune série "batisse", ch'étot pou des vermicels...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Contenu sponsorisé




MessageSujet: Re: in faisot des collections bizarres....

Revenir en haut Aller en bas
 

in faisot des collections bizarres....

Voir le sujet précédent Voir le sujet suivant Revenir en haut 
Page 4 sur 5Aller à la page : Précédent  1, 2, 3, 4, 5  Suivant

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-