AccueilFAQRechercherglossaireLa charteConnexionS'enregistrer
Statistiques
Nous avons 388 membres enregistrés
L'utilisateur enregistré le plus récent est Dzulma

Nos membres ont posté un total de 31208 messages dans 2282 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Des fleurs pour mes copines

Voir le sujet précédent Voir le sujet suivant Aller en bas 
Aller à la page : Précédent  1 ... 5, 6, 7 ... 13 ... 20  Suivant
AuteurMessage
batisse



Date d'inscription : 22/12/2009
Messages : 4968

MessageSujet: Re: Des fleurs pour mes copines Mar 5 Avr 2011 - 19:19

Bon, à ch't'heure je vas vous dire un tiot secret: vous avez failli nin le vir le bieau pichouli à grammint de fleurs.

I a poussé à l'ombre de m'n'auto, coinchi intre elle et le mur de l'majon. Peinard.

Ch't'au matin i étot superbe, les feules bin dréchies mais les fleurs elles n'étottent nin ouvertes. Du coup j'ai attindu.

Et pis ch't'aprème, j'ai été faire des commissions avec m'n'auto, histoire de l'faire bouger un tiot peu et de laichi arfrodir l'moto. Seulemint i faijot un solel de tous les diapes et là d'ùche que m'n'auto elle est garée, ch'est côté sud...

Tchand que je chus arvénu des commissions, le pichouli i étot tout raplapla, ses fleurs à tierre qui tirottent lu tiote lingue. J'étos déçu et presque aussi raplapla que li.

In espérint que les vijins is ne me verrottent nin, j'ai été cachi de l'ieau et j'ai arrosé min pichouli. Ch'est l'première fos de m'vie que j'arrose un pichouli. Je me deminte si qu'i a des autres maboules qui l'ont déjà fait. Surtout pour des in fleurs...

Et i s'a ardréchi. Ch't'un brave. I a du avoir pitié de mi in sachint qu'i a toute eune binte de rieux de gins qui ne demindottent qu'à rire de mi et m'main verte...

Valà, comme cha vous savez tout, même le bêtisier du flim.

In puq j'ai du attinte à cause d'eune histoire de batteries archargeables pour min lapparel à photos, mais cha i ne faut nin que j'in cause....
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Des fleurs pour mes copines Mar 5 Avr 2011 - 19:39

J'te décerne la médalle du meilleu producteur de pichouli et j'dirai rin su tin apparel photo et chés batteries qui t'font toudis des misères, pace que un pichouli élevé avec tant d'amour cha mérite l'respect....
Alors t'fleur que té sais pas c'que c'est, ch'est un MAHONIA... j'ai l'même à la majon (cha m'rappelle l'pub pour les raviolis : "reviens Léon j'ai les même à la maison Very Happy )
Vl'a m'tiote sélection d'fleurs pou mes copines et mes copains, l'mahonia, un pommier du japon, des futures quetches (infin j'espère) et pou l'dernière fleur, l'violette, impossipe de m'rappeler commint alle s'appelle, si quequ'un sait ??

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: Des fleurs pour mes copines Mar 5 Avr 2011 - 21:25

El l'min d'pichouli, tros fleurs sur l'même tige..Ché nin bieau ! flower
Revenir en haut Aller en bas
Roger

avatar

Sexe : Masculin
Date d'inscription : 17/12/2009
Messages : 1279
Localisation Henin Beaumont

MessageSujet: Re: Des fleurs pour mes copines Mar 5 Avr 2011 - 21:47

Citation :
Ch'est l'première fos de m'vie que j'arrose un pichouli. Je me deminte
si qu'i a des autres maboules qui l'ont déjà fait. Surtout pour des in
fleurs...
Là! j'pinse que té l'seul, et pour cha, comme dit tiote bellotte,in peut t'décerner eun' médalle...

-+-+-+-+-+-+-+-+-+-+-+-+-+-+-+-+-+-+-+-+-+-+

Revenir en haut Aller en bas
http://www.videochti.fr
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Des fleurs pour mes copines Mar 5 Avr 2011 - 22:21

Dis donc tiote cheftaine, un mahonia cha se plante?

Parce que l'mien - ou plutôt les miens vu qu'i dot bin n'd'avoir 3 ou 4 - is sortent de nulle part. Je ne les avos jamais vus avint. Is ont poussé au pid de noisetiers.

Mi je trouve que les feules elles arsontent un tiot peu à des feules d'houx. Et le houx, je sais commint que cha s'arplante: les merles is mingtent les boules rouches, que dedins i a des tiotes graines qui résistent à tous les produits chimiques qu'i a dins les boyaux des ojeaux et du coup elles s'artrouvtent intactes à l'sortie, et tchettent là d'ùche que les ojeaux is postent lu crotte.

Ch'est peut-être parel pour les mahonias. Quo que t'in pinses? Ti ou un autre courtilleux d'élite comme i a chu ch'site. Cha me fait pinser qu'i a un momint qu'in n'a nin eu de nouvielles de ch'duc... J'espère qu'i n'a nin incore chopé eune saloperie ch'paufe garchon.
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Des fleurs pour mes copines Mer 6 Avr 2011 - 13:14

Ouais Batisse, cha arsonne à des feules de houx, in moins "piquant" et cha dot faire parel que le houx pou l'prolifération car si nosautes in in a acaté et plinté un (qui a pus que triplé d'volume) i a d'chés arbustes qui sont apparus chez des vojins alors qui n'd'avottent pas plinté... pou l'mahonia ch'est des tiotes baies noires qui arriv'tent après l'floraison
I paraitrot qui a pus d'70 variétés de mahonia ! certains fleurissent in hiver....
valà ch'étot l'minute de Pleumette gardinière
flower

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
therese



Date d'inscription : 22/12/2009
Messages : 81

MessageSujet: Re: Des fleurs pour mes copines Mer 6 Avr 2011 - 18:58

Eh bin, pour des pichoulis, ch'est des biaux pichoulis. Very Happy

Mi l'semaine dernière y in avot gramint (j'diros même : gramint gramint) et tout cha dins mes quiques M2 d'gazon, alors sincèr'mint j'ai pon attindu l'floraison j'les ai zigouillés à l'base. mais j'arconnos que le jaune dins l'verdure ch'est biau.

J'sus épatée par vos connaissances in fleurs, mi j'y connos rien (ou si peu) mais j'ai quer les vir fleurir, surtout à la saison, y in a si peu l'hiver.

Par cont', j'sais quand même arconnaite du muguet et j'peux vous dire que dins l'coin y in a qui n'attindront pon le 1er mai pour fleurir.
Revenir en haut Aller en bas
la clo



Sexe : Féminin
Date d'inscription : 25/12/2009
Messages : 646
Localisation Brive la Gaillarde

MessageSujet: Re: Des fleurs pour mes copines Jeu 7 Avr 2011 - 9:14

pour les pichoulis, nous in est servis !
de m'ferniète del'pièche du que j'vous écris j'vos comme un tapis tout jaune, ch'est magnifique, j'connos queques voisines qui font inne liqueur ed fleurs ed'pichoulis
Ch'est fameux! in peut rallonger l'liqueur avec des glachons et cha fait un tiot apéro pas mauvais du tout
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Des fleurs pour mes copines Jeu 7 Avr 2011 - 9:26

Wette ichi qui qu'ch'est qui nous arvient.... eh beh que je chus contint!

L'autre jour j'ai causé avec un fabriquint de confitures de toutes sortes - mais vraimint de toutes sortes... - et i ma dijot qu'i faijot de l'confiture de pétales de pichoulis. Même qu'i in faut grammint pour faire quelques pots de confiote.

I fait aussi de l'confiture de fleurs d'accacias.

Pindint que je causos avec, il faijot de l'confiture d'oignons, pis de l'confiture de chocolat (avec grammint de vin doux et un tiot peu de chuc). Eune espèce de maboule qui fait des bonnes séquos...
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: Des fleurs pour mes copines Jeu 7 Avr 2011 - 9:33

Ichi is font de l'confiture avec du "gratte cul", i in faut gramint aussi.
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Des fleurs pour mes copines Jeu 7 Avr 2011 - 9:38

Eune fos j'ai vu de l'confiture de tomates vertes, j'ai voulu essayer eune année qu'in avot grammint d'tomates au gardin, bin, beurk, in a pas eu quer ! vaut miux attinde que les tomates seuchent bin mures et faire du coulis avec...
Vos allez m'dire que l'coulis in l'met pas su les tartines l'matin, mais cha peut servir à plein d'autes cosses Very Happy

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: Re: Des fleurs pour mes copines Jeu 7 Avr 2011 - 10:42

gt'as déjà mingé des totones tiote belotte?
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Des fleurs pour mes copines Jeu 7 Avr 2011 - 10:58

T'as l'mémoire qui flanche nounours ? té me l'a d'jà demindé pusieurs fos....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: Re: Des fleurs pour mes copines Jeu 7 Avr 2011 - 11:50

j'ai la mémoire qui flanche
je me souvient plus très bien
comme il était musicien il jouait avec ses mains. lol!

si té veut connaite la suite tiote belotte va vire sur you tupe
Revenir en haut Aller en bas
batisse

avatar

Sexe : Masculin
Date d'inscription : 22/12/2009
Messages : 4968
Localisation St Dié dins les Vosges

MessageSujet: Re: Des fleurs pour mes copines Jeu 7 Avr 2011 - 13:11

Je li in ai acaté un pot de confiture de tomates vertes au marchind dont je causos ch't'au matin. I m'avot bin expliqué qu'i faut se déméfier avec cha parce que dins les tomates vraimint nin murtes, i a un machin toxique.

I fut un timps je faijos des tomates nin murtes au vinaigue, pis à l'huile, in bocaux et j'ai jamais été malate. Ou alors cha s'attaque aux boyaux de l'intelligince (autint que je le dise mi-même, bin que je chus bin sur qu'i n'd'a eune masse qui n'arottent nin hésité à sauter chu l'occasion....).

Pour in arvénir à m'confiture que j'ai acatée, chu l'pot ch'est écrit l'composition. Et tchand que je vous dis que ch't'homme-là i est un tiot peu maboule, vlà quo qu'i met dedins (ch'est digne de Pagnol....)
41% de chuc, 59% de tomates vertes, ?% de canelle in bâton, ?% de jus de chitron, ?% d'agar, ?% de pectine. Pis ch'est écrit chu l'étiquette: brick 65%. (Les "?" ch'est mi qui les ai rajoutés...)
N'impêche que cha fait donc puq que 100 pourchints, mais comme dirot l'autre, cha dépind de l'grindeur des pourchints....

I m'a expliqué qu'i cuijot l'intérieur des tomates à part du reste. Un maboule je vous dis...
Revenir en haut Aller en bas
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: Re: Des fleurs pour mes copines Ven 8 Avr 2011 - 10:52

et des nunuches tin n'a déjà mingé tiote belotte?
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: Des fleurs pour mes copines Ven 8 Avr 2011 - 12:04

cha s'minche pas des nonuches cha s'suche
Revenir en haut Aller en bas
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: Re: Des fleurs pour mes copines Ven 8 Avr 2011 - 12:21

ché des crottes d' quiens qu'in chuches.
mais j'en pinse pas que tiote belotte n' dot avoir ker ale n' a pas fait la guerre. Razz
Revenir en haut Aller en bas
Loumarcel

avatar

Sexe : Masculin
Date d'inscription : 26/12/2009
Messages : 1406
Localisation Prés de Montpellier

MessageSujet: Re: Des fleurs pour mes copines Ven 8 Avr 2011 - 14:09

Hé Nounours i fallot pas l'dire tout d'suite fallot attinte qu'alle posse el question d'savoir ch'que ch'étot.
Revenir en haut Aller en bas
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: Re: Des fleurs pour mes copines Ven 8 Avr 2011 - 18:34

avec mi ale est habituée .ale sérot doutée que chéto cor eune cacoule.

Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: Des fleurs pour mes copines Ven 8 Avr 2011 - 22:10

Incore ène tiiote fleur qui vint d's'montrer...
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: Des fleurs pour mes copines Mar 12 Avr 2011 - 22:39

Quand refleuriront les lilas blancs ?

J'in sais rin, j'ai foque un lilas lilas, l'aut y'a pos d'fleur c't'année Crying or Very sad

..........
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Des fleurs pour mes copines Mar 12 Avr 2011 - 22:43

j'ai l'même à l'majon, i comminche juste à fleurir, i est toudis in r'tard par rapport à ceusses des vojins....

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: Des fleurs pour mes copines Mar 12 Avr 2011 - 22:45

tiote bellotte a écrit:
j'ai l'même à l'majon, i comminche juste à fleurir, i est toudis in r'tard par rapport à ceusses des vojins....
Les lilas doubles ne sont pas encore fleuris ici non plus...

Des lilas blanc cha m'fait pinser à Fernand Raynaud : La chemise lilas


Dernière édition par flersois le Mer 13 Avr 2011 - 14:59, édité 1 fois
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Des fleurs pour mes copines Mar 12 Avr 2011 - 22:50

J'ai un arpe de Judée magnifique, d'main j'vos met eune photo

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
flersois

avatar

Sexe : Masculin
Date d'inscription : 27/11/2010
Messages : 1850
Localisation Belgique

MessageSujet: Re: Des fleurs pour mes copines Mar 12 Avr 2011 - 22:53

tiote bellotte a écrit:
J'ai un arpe de Judée magnifique, d'main j'vos met eune photo

Ch't'éne bonne idée, j'sais pos c'que c"est... Crying or Very sad
Revenir en haut Aller en bas
Contenu sponsorisé




MessageSujet: Re: Des fleurs pour mes copines

Revenir en haut Aller en bas
 

Des fleurs pour mes copines

Voir le sujet précédent Voir le sujet suivant Revenir en haut 
Page 6 sur 20Aller à la page : Précédent  1 ... 5, 6, 7 ... 13 ... 20  Suivant

Permission de ce forum:Vous ne pouvez pas répondre aux sujets dans ce forum
 :: Pour bien commencer la journée :: Ch'est histoire d'dire-