Te vas devoir trouver un nouvieau log pour les fichiers raw de tin nouvieau reflex... valavalavala. Batisse i nage....

Après mes confrontations intre TNT et les deux uniques chaines de l'ortf, à m'mote que je vas aussi argretter le timps des photos avec un film qu'in amenot chez le photographe et que ch'est li qui s'arringeot pour que cha sorte aussi bin que possipe....

A ch't'heure in ne fait pus grammint de photos. Par contre, qu'est ce qu'in fabrique comme imaches truquées!

Ch'est le progrès.

Té trouffes qu'in fait moins d'photo qu'avint ? mi j'diros l'contraire, in tout cas si avint quind in allot in vagances j'faisos 6-7 pellicules, asteur avec l'numérique j'fais pas moins 400 photos à chaque cop et j'in suprime pas gramint... j'les fais toutes développer pace qu' i a toudis un morcieau de l'photo qui peut servir dins l'réalisation d'min album... (j'ai horreur d'raviser des photos d'voyache su l'écran d'un ordi, y a pas d'âme)

Par conte j'sus d'accord que des fos l'progrès cha complique...
L'été passé in a cangé d'télé, min homme ch'est fait plaiji avec un home cinéma, et donc nouviel ampli et lecteur blue ray-cd (offert)..
Quind is sont v'nus brancher tout cha, l'tiot jone, comminche à m'espliquer commint faire pou acouter un cd, que soi disant ch'étot hyper pratique... résultat des courses i fallot qu'j'alleume l'télé et qu'jutilise pas moins d'tros télécommandes pou pouvoir acouter de l'musique... comme j'faisos armarquer que j'voyos pas pouquo i fallot mette l'télé in marche, l'tiot jone s'lance dins des esplications que j'auros du inregistrer pace que j'ai été incapape d'les ardire et que in résumé, ch'étot pratique pace que j'avos liste des pistes du cd su l'écran de l'télé...
Mi, j'réplique que pou vir l'liste i suffit d'raviser su l'boitier, là l'jone m'a ravisé avec des yux d'merlans frits, j'ai sinti v'nir l'momint d'ù qu'i allot m'dire qui fallot vife avec sin timps !
Bref, avec tout c'bazar qui fallot faire et vu ch'a m'énervot d'devoir alleumer l'télé, j'acoutos presque pus d'dixes.... jusqu'au jour où in s'est pinché (infin min homme) sérieusemint su l'problème et qu'in a tout débranché et arbranché comme in pinsot... asteur, pus b'soin d'alleumer l'télé et EUNE seule télécommande ! pas si bêtes que cha, ceusses qui sont nés au mitan du sièque derni !.....

i 3 ans j'em sus fait un tiot plaji j'ai acaté un ampli d' guitare un G- DEC dont ch' tairai l' marque mais si voulez l' avoir vire sur l' net. ou sinan vous l'aperchevrai sur m' vidéo. i est pas pus grand qu'eune boite à godasses in fait que 15 watts.mais réamplifié i fait dix fos plusse.l' prob ché qui a 80 sons et autant d'rythmes différents ej peut meme inregistrer des morceaux sur l' net. cosse que j'en sait pas faire.cha fait 3 ans que j'ai m' bat avec quand j' veut treuver un son.té va m' dire nounours:"lit l'notice" l' prob' ché qui in a pas i a juste un tiot descriptif sur l'ampli écrit in inglais.un truc que j'ai payé eune fortune.j'in ai eu marre ej l'ai remisé dins l'placard et j'ai arsorti m' n'ancien avec m' pédale.ché l'meme systhème mais moins compliqué
i a aussi l'histoire d'el guitare électrique à pile.ché pas eune cacoule.un jour i un ami qui m' demante d' rimplaher un bassiste.. n'possédant pas l'instrumint ej m'in va emprunter l'instrumint à m' copine Véro ej fait mes gammes et comme ej fait avec m' guitare j'el laisse branché sur l'ampli el lend'main quand j'ai vulu répéter pus d' son que dalle panique à bord parce que j'ai eune basse qui vaut très qui vient d'Amérique j'em véyo mal l' rimbourser.cop d' téléphone à un copais électronicien i m' dit ravisse derrière i a un cache i a eune pile d' 9 volts j'ai cru qui s'fouto d' ma moire mais effectivemint chéto vrai.l'histoire auro pus s'arrêter la mais un jur un copain m' phone paniqué i m' dit : in a loué eune basse ale n' fonctionne pas" ej i est expiqué l' problème ej i ait dit: canche l' pile" li nan pus m' créyo pas.ej sait qu'un des garchon à tiote belotte est bassiste si un jour i a l' meme problème i aura qu'à prévoir des piles d'arcanches!!

meume ché sesques y sont à piles !!!!!

T'es au courant?

In tous les cas, je constate sins rin dire que les problèmes de piles, cha n'arrive nin qu'à misaute...

ou bin faut prinde des piles Wonder, cha s'use que si l'on s'in sert

Pour, ichi aussi, in arvénir au sujet du sujet, vlà eune séquo que ch'est nin incore eune fleur mais que ch'est déjà pour les goulaffes.

Je ne vise personne mais mes ys is tirtent rudemint vers in bas à droite...

Ouais, avec l'oeuf et les lardons !!!! Tes voisins ont dû s'demander quoi !

Personne ne m'a vu. J'étos muché intre l'auto et le mur de l'majon... dins le parterre d'ùche qu'i devrot y avoir des rosiers.

A m'mote qu'i in reste deux.

Même un cruaud comme des rosiers cha crève tchand que je m'in occupe. Infin, tchand que je dis que je m'in occupe, ch'est eune façon de parler....

I a que le cruaud qui pousse bin autour de mi. Ch'est bizarre énon?

Bin non, i a pas qu'du cruaud qui pousse chez ti, i a des oeufs et des lardons, et cros me cha ch'est un véritape esploit !
Té dos ête l'seu in France à arriver à faire pousser des séquos ainsi, cha pousse in combin d'timps ? faut arroser souvint ?...

In cause des fos de lard floral. Vlà le mien!

Oeuf corse comme is distent les inglais.

alors prépares me un biau bouquet, pacheque AUJOURD HUI, ché la der des der.......

bienvenu au clup camanette, t'est sait el retraite ,ch'est pas tout repos,in in fait plus qu'in activité, in devrot nous verser einne deuziemme pinsion !

Ouais ! J'chus continte pour ti Camanette car pour mi..........cha veut dire que cha approche même si mi j'dos in faire un peu plus !!!! Cha ch'ra pas in 2011 mais in 2012 ! Et quo qu'te fais pour fêter cha ?

Incore ène tiote fleur qui sint bon, l'aubépine...

hummmmm, ch'est vrai qu'cha sint bon
in fait pas des beignets à l'fleur d'aubépine ? ou bin j'me gourre d'fleur ?
(mince j'ai cor parlé popote !)