AccueilFAQRechercherglossaireLa charteConnexionS'enregistrer
Statistiques
Nous avons 391 membres enregistrés
L'utilisateur enregistré le plus récent est laetitia60750

Nos membres ont posté un total de 33087 messages dans 2291 sujets
Le livre d’or

N'hésitez pas à signer notre livre d'or
Partenaires
Devenez partenaire de ce forum en nous envoyant votre bannière ou logo.

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

Fichier hébergé par Archive-Host.com

compteur
RADIOS

Fichier hébergé par Archive-Host.com


Partagez | 
 

 Pardon le cat

Voir le sujet précédent Voir le sujet suivant Aller en bas 
AuteurMessage
batisse

avatar

Sexe : Masculin
Date d'inscription : 22/12/2009
Messages : 5168
Localisation St Dié dins les Vosges

MessageSujet: Pardon le cat Sam 19 Mar 2011 - 13:08

Excusez me, cha me soulage d'écrire et publier des séquos ainsi....

Pardon le cat

Avint hier in rintrint du bos
J'ai vu un cat tout près de chez nous
Tout fraique et core plus laid qu'un pou
Tout mal foutu, un vrai clodo.

I marchot drôle, tournot in ronds
Mi bin lâchemint j'i ai dit garchon
T'avise nin d'intrer dins l'majon
T'as peut-être l'rage, te sins nin bon.

Et le lindemain, ch'étot hier
In babellint avec l'vijin
J'ai arvu ch'cat dins min gardin
Couché chu un tas de visse litière.

De l'visse litière que min viux cat
Diabétique i souille grammint
Et que des fos je jette au gardin
Cha fait qu'à forche i n'd'a un tas.

Et ch'est là-dessur que le laid clodo
S'étot couché l'nez dins ses pattes
Comme font souvint les cats malates
In attindint des jours plus bieaux.

Après midi i ne pleuvot nin
Je m'a dit tiens, fraise tin gardin
Et répartis dins de l'bonne tierre
Tes tiots monceaux de visse litière.

J'amène là-bas le motoculteur
Et quo que je vos in arrivint?
Le laid clodo étot à ch't'heure
Couché dins l'herpe un peu plus loin.

Je pinsos que le bruit du moteur
Le déringerot ou li ferot peur
Mais j'avos tort: i a nin bronché
I restot là comme prostré.

Eune fos min ouvrache terminé
Je m'a dit i a venu se réfugier
Auprès des hommes pour se faire soigner
Au moins donne li à minger.

J'ai été chercher des croquettes
Et eune jatte d'ieau pour li donner
Ch'est alors que je l'ai approché
Et vu qu'i étot bin esquinté.

Ses deux pauvres ys étottent serrés
I étot aveugle pauvre malheureux.
I a arniflé avec sin nez
S'bouque étot comme paralysée.

Cha devot être un viux matou
Qu'avec un autre i a batillé
I avot du tcherre chu un voyou
Qui sur li s'étot acharné.

A part les mouques et araignées
Je ne sais nin faire de mau à eune biête
Du cop j'ai été me rinseigner
Chez les pompis, même si ch'est biête.

Ch'est des braves gins, qu'ont du courage
Is sont allés vers l'affligé
Qui s'a laichi mettre dins eune cage
Direction véto pour le piquer.

A ch't'heure min tchoeur i est artourné
Je pinse à min père qui étot aveugle
Et me dis qu'in cas de cécité
Faut faire eune confiinche aveugle.

A l'occasion ch'cat amaigri
Venot à mi pour que je le sauve.
Je l'ai foque sauvé d'eune agonie
J'espère qu'i m'in veut nin le pauvre.

Pardon le cat, t'as du pinser
Que t'étos sauvé quand dins eune cage
In t'a poussé, t'as été sage
Pourtint te vos, ch'est terminé.
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: Pardon le cat Sam 19 Mar 2011 - 14:02

bin te l'sais, l'mien y est arrivé comme cha à m'mason...y étot pon avule mais sourd et il avot l'sida du cat...y étot plein d'sang, d'griffures, ses oréles machuquées...n'intindant pon v'nir l'dinger, il a du s'faire souvin avoir...
j'l'ai imm'né amon de ch'vétérinaire...je m'sus dit "all va l'piquer"...pis non...in l'a sogné...achteur té l'sais ché l'ro de l'mason.
mais si qu'il arot fallu y faire l'piqure fatale....cha l'aro sauvé d'eune longue agonie
tin cat clodo, là dù qu'il est ;pététe y t'armercie!!
Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: Pardon le cat Sam 19 Mar 2011 - 14:17

Revenir en haut Aller en bas
camanette

avatar

Sexe : Féminin
Date d'inscription : 22/12/2009
Messages : 611
Localisation chef lieu du pas de calais

MessageSujet: Re: Pardon le cat Sam 19 Mar 2011 - 14:19

v'là l' photo d'Raoul achteur... des fos y m'ennerfe....mais y m'ennerfe!!!
et y suffit que j'lise eune séquoi comme Batisse il a écrit pou m'dire qu'j'ai fais eune bonne action
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Pardon le cat Sam 19 Mar 2011 - 14:41

valà Batisse, j'ai armis tin texte comme i faut..

In sint ch'que vient du coeur c'que t'as écrit et comme Camanette j'pinse que té l'as libéré d'eune lente agonie

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
Matante

avatar

Sexe : Féminin
Date d'inscription : 28/12/2009
Messages : 781
Localisation au Nord

MessageSujet: Re: Pardon le cat Sam 19 Mar 2011 - 16:14

In lisant l'début de tin texte, j'ai cru que te parlos d'tin cat qui s'rait sorti, tout fraique, méconnaissabe... bin non ch'est un aut'e cat et j'pinse à c'que j'ai déjà lu souvint : un cat i choisit s'majon....i t'a choisi comme dit Camanette pour que s'n'agonie elle soit nin trop durte ! In tout cas, ch'est c'que j'demind'ros si j'étos à s'pache .
Revenir en haut Aller en bas
Roger

avatar

Sexe : Masculin
Date d'inscription : 17/12/2009
Messages : 1281
Localisation Henin Beaumont

MessageSujet: Re: Pardon le cat Sam 19 Mar 2011 - 21:52

Cha s'vot que t'as querre chés cats!
Que biau et triste poème , té nous as fait là...

-+-+-+-+-+-+-+-+-+-+-+-+-+-+-+-+-+-+-+-+-+-+

Revenir en haut Aller en bas
http://www.videochti.fr
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: Re: Pardon le cat Sam 19 Mar 2011 - 22:53

quand j'ai du faire piquer m' chienne j'ai pas honte d 'el dire j'ai brait comme eune mad'leine 17 années d'amitié in l'avo acaté à la SPA sans l'avoir dréchée ale nous obéissot.asteur j'ai min maboule ej l'ai quer mais j'ai toudis eune tiote pinsée pour elle.
Revenir en haut Aller en bas
babette

avatar

Sexe : Féminin
Date d'inscription : 01/01/2010
Messages : 56
Localisation vendée

MessageSujet: Re: Pardon le cat Dim 20 Mar 2011 - 10:48

Bonjour a tous!
J'viens de lire el'poeme à Batisse, tout en brayant, car lundi, in a du se séparer de not'tchien qui avot 14ans, un épagneul breton, qui est arrivé a not'mason, eune tiote boule de 3 mois, mes tiots étotent in foufelle, ( ils avaient 2ans et demi, à cette periode), et je m'souviens, Baptiste au début, il s'approchot avec méfiance, et quand not' Mickey buvot al'jatte, ech'tiot fesot el'meme que l'tchien !ah, que de bons souvenirs.....bien sur, mickey a picher dinl'mason, bin sur, mickey a boussiller les colliers, les bracelets in perles del'tiote,.......mais in l'aimot pour autant !
Il est aller al'chasse, avec em'homme, y'a bien ramener du gibier !
Y'a été in vacances toudis à la FAUTE avec nouzautes, jamais in l'a laisser tout seul, l'an dernier, em'fille s'est baigner avec sin tchien, min garchon a coucher avec li dinl's'tente ....
J'cros qu'il a eu une vie heureuse avec nouzautes, etlà, ché ***, mais j'brais pour min tchien,, depis lundi, y'a un vide...j'intinds pu ses pleurs, car in s'demindos pourquoi ech'tchien pleurot chaque nuit, et tous es matin vers 5h, in s'levos pour éviter que l'voisinage se plaigne, bin ouais, in pinse pas qu'in tchien pouvot li aussi avoir de l'arthrose, des douleurs,....cha été dur, pour toute not'tiote famille , in s'attache et un jour....faut s'in séparer,...
En souvenir de not'MICKEY !
Revenir en haut Aller en bas
nounours-94

avatar

Date d'inscription : 27/12/2009
Messages : 1567
Localisation Bolbec (76)

MessageSujet: Re: Pardon le cat Dim 20 Mar 2011 - 11:05

des fos in s'attache plusse à des animaux qu'à des êtres humains.ché normal i sont plus intelligents et affecttueux que certains personnes pour n' pas dire aut' cosse
Revenir en haut Aller en bas
tiote bellotte

avatar

Sexe : Féminin
Date d'inscription : 22/12/2009
Messages : 3111
Localisation Dins le beaujolais (69)

MessageSujet: Re: Pardon le cat Dim 20 Mar 2011 - 17:52

Chés biêtes is partagent nous vies, nous joies et nous peines et même si des fos is nos font inrager (qui qu'ch'est qui n'a pas rouspéter après des miaulemints à 5 h du matin ou bin des traces d'pattes pleines d'bédoules su l'carrelache tout prope) mais in oblie tout chés tiots tracas quind is vien'tent s'blottir contre nosautes ou qui nos font la fête...
Mi i m'arrife cor d'pinser à min quien mort quind j'avos 15 ans, in a été élevé insonne et quoque qu'j'ai pu li in faire vir (j'le promenos dins eune poussette, ou bin j' essayos d'li apprende des tours d'cirque - cha n'a jamais marché )....

Bin continte de t'lire Babette. Bon courache à toute l'famile.
In espère t'arvir bintôt pou des nouvielles moins tristes...

-+-+-+-+-+-+-+-+-+-+-+-+-+-+-+-+-+-+-+-+-+-+

l'principal c'est d'ête jone dins s'tiête
www.les-cartines.com
Revenir en haut Aller en bas
annesophie

avatar

Sexe : Féminin
Date d'inscription : 11/02/2010
Messages : 251
Localisation Nimes

MessageSujet: Re: Pardon le cat Dim 20 Mar 2011 - 18:58

Baptiste ch'est toudis dur d'prindre eune décision ainsi mais bon ch'est pour les soulager .M j'ai du faire piquer min caniche d'15 ans et pis m'cate d'16 ans bin cha a artourné tout l'monte dans l'famile mais j'préféros cha que d'les raviser malheureux et souffrants . In tout cas ch'est un bin bel hommache qu't'as fait là à c'cat clodo. Camanette min matou i est parel que l'tien mais i n'est pas sourd i a "foque " des problinmes urinaire car l'castration alle s'a mal passée. Babette in est avec ti car ouai ch'est rute l'perte d'un compagnon à quate pattes. Comme i dit nounours-94 des fos miux vaut un animal qu'certaines gins
Revenir en haut Aller en bas
Contenu sponsorisé




MessageSujet: Re: Pardon le cat

Revenir en haut Aller en bas
 

Pardon le cat

Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
 :: Poèmes, Textes, Chansons :: Coin des artistes-